Jẹnẹsis 1:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ọghẹnẹ se otọ ọyaya na Otọ, ame rọ rha ghwe koko asan ọvo na o de rhe se Urhie, Ọghẹnẹ da mrẹ ne oyoma.

Jẹnẹsis 1:10 Referans Kwoze

Urhi Rivẹ 32:4

Oragha na, iruo rọye gbare; kidie idjerhe rọye ejobi ọsoso. Ọghẹnẹ rẹ uyota ro vwo umwemwu-u, ọvwata vẹ ohwo ọsoso o ruẹ.

Une rẹ Ejiro 104:31

Jẹn urinrin rẹ Ọrovwohwo dia rhiri bẹdẹ, jẹn Ọrovwohwo ghọghọ vwẹ evun rẹ iruo rọye,

Jẹnẹsis 1:4

Ọghẹnẹ da mrẹ nẹ orẹmrẹ na yoma; Ọghẹnẹ da hẹriẹ orẹmrẹ na nẹ ebrin na.

Une rẹ Ejiro 33:7

Ọ ghwẹ ame rẹ urhie koko kerẹsiẹ re ku ame phihọ ọgọ; o de phi okokodo na ejobi phihọ evun.

Une rẹ Ejiro 95:5

Abadi na ọrọye, kidie ọvẹ te marọ; kidie abọ rọye re ma otọ ọyaya na

Une rẹ Ejiro 146:6

rọ ma odjuvwu vẹ akpọ, abadi na, kugbe obo re dia evun rẹ ayen ejobi, rọ yọnrọn esegbuyota rọye bẹdẹ;

Jona 1:9

O da te ke ayen. Mẹvwẹ ohwo ri Hibru, me djẹ oshọ rẹ Ọrovwohwo, Ọghẹnẹ re odjuvwu na, rọ ma abadi kugbe otọ ọyaya na.