Jems 5:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Gbe nighe osa rẹ ihwo re wan ewan kẹ wẹ, rẹ wọ teye bọma, i ro brenu hwe we; enuebro rẹ ihwo ri vun enẹ kẹ wẹ, Ọrovwohwo Ọghẹnẹ rẹ ofovwi nyo ayen ejobi re.

Jems 5:4 Referans Kwoze

Livitikọs 19:13

Ovwan shenyẹ ọrivẹ rẹ ovwa-an eyẹ wo cho-o. E jẹn osa rẹ ohwo rẹ ovwan durhie iruo dia ovwan obọ re te urhiọke-e.

Jerimaya 22:13

Ekan kẹ ohwo rọ vwẹ umwemwu bọn uwevwi rọye, rọ vwẹ oshenyẹ bọn igedege rọye, ro ru ọrivẹ rọye rọ ga ghevweghe, yẹ ọ hwa osa rọye kẹ-ẹ,

Ọbe ri Pọl si rhe Ihwo ri Rom 9:29

Kirobo rẹ Aizaya je mraro, Ọ dianẹ Ọrovwohwo rẹ otuofovwi jẹ emo ẹ vwọ kẹ avwanre vwo-o, avwanre ka dia kerẹ Sodọm ke ru avwanre họhọ Gomora.

Malakae 3:5

Ki mi che si kẹre owẹ vwẹ orhiebro; ke me cha dia oseri rẹ okpakpa kpahe ebuepha na, kugbe igberadja na, kugbe otu ri duvwu iyori rẹ ogbarogba na, vẹ otu re ghwa otu re durhie iruo ria na, vẹ otu ri kpokpo eme-phrorivwi vẹ eyauku, otu ri gerẹ erhorha phihọ akakọ, ri jẹ oshọ mẹ ẹdjẹ na; eriyin Ọrovwohwo rẹ otuofovwi na tare.

Ẹyano 22:27

kidie ọye ọvo o vwo phopho, ọye amwa rẹ oma rọye, ki didi emu ọ vwọ vwerhẹ? O de kperi se vwe, Mi nyo kẹ, fikiridie Me vonre vẹ ehrọre.

Iyẹnrẹ Esiri ri Luk 18:7

Kẹ Ọghẹnẹ rha chọ oja rẹ Ihwo rọ sanọ reyọ, ri kperẹ se te ason te uvo-o? Ko gbe eghẹrẹ vwẹ enu rọ ayen?

Une rẹ Ejiro 9:12

Kidie ihwo re reihri rẹ ọbara ọ karophihọ ayen, oviẹ rẹ ohwo rọ ukpokpogho sa chọrọ ẹro-o.

ỌBE RẸ JOB 34:28

ọtiọye ayen da nẹrhẹ oviẹ rẹ ovwiogbere bro rhe, o de nyo oviẹ rẹ otu re kpokpo–

Ẹyano 3:9

Asakiephana, gbe nighe oviẹ rẹ ihwo rẹ Izrẹl bru vwe rhe, me je mrẹ oshenyẹ rẹ ihwo rẹ Ijipt shenyẹ ayen.

Jẹnẹsis 4:10

Ọrovwohwo da ta, Die kọye wo ruru na? Urhuru rẹ ọbara rẹ oniọvo wẹn kperi nẹ otọ bru vwe rhe.

Kolose 4:1

Inini, ovwan vwẹ omamọ rẹ obọ yọnre eviẹn rẹ ovwan, rere we ru obo ri fori kẹ ayen; ovwan je karohọ nẹ ovwan ji vwo Onini ọvo vwẹ obo odjuvwu.

Habakọk 2:11

Kidie ubioragha na che kperi nẹ igbẹhẹ rhe, ugbere re bru ona phihọ kọ cha kpahe kẹ.

Aizaya 5:7

Kidie ogba ri vain rẹ Ọrovwohwo rẹ otuofovwi ọye uwevwi rẹ Izrẹl, ihwo ri Juda eye kẹ ivi rẹ ekakọn rọye rọ kọnre, o de nẹro rẹ ọsoso, ẹkẹvuọvo e vwo ni, ke ọbara, o de nẹro rẹ ọvwata, ẹkẹvuọvo nighe, kẹ oviẹ!

Aizaya 1:9

Odiane kẹ Ọrovwohwo rẹ ofovwi je imi ihwo ẹvo vwo kẹ avwanre vwonẹ, mane kẹ avwanre a dia kerẹ Sodọm, ke avwanre a họhọ Gomora.

Urhi Rivẹ 15:9

We ni oma te rere we vwo jẹ iroro ofefe evwo vwẹ udu, vwọ ta nẹ, Ẹgbukpe rẹ ighwrẹ na si kẹre rẹ, ukpe rẹ vwo siobọnẹ na, wọ da rha vwẹ ẹro ọbrabra kpahe oniọvo wẹn rẹ ogbere na, ru we de jẹ kẹ ro de rhi kperi kẹ Ọrovwohwo kpahe owẹ, ọ Me rhe dia umwemwu kẹ wẹ.

Aizaya 5:9

Ọrovwohwo rẹ otuofovwi na o duvwu iyori kẹ vwẹ nyo. Uyota iwevwi buebu cha dia ofefe, iwevwi ride yoyovwi, ihwo gbe dia aye-en.

Matiu 9:37

Ọ da ta kẹ idibo rọye nẹ, orhọ na buru gangan, ẹkẹvuọvo otu rẹ owian rhe bu-u.

ỌBE RẸ JOB 7:2

Kẹrẹ ọviẹn ro rhẹro rẹ uhoho, kerẹ ọ re durhieri ro rhẹro rẹ osa,