Jems 5:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Ono rẹ honvwan vwẹ uherevie rẹ ovwan? e jo se ekpako rẹ ishọshi; rere ayen nẹ ẹrhovwo kẹ, rere ayen vwẹ evwri ghworo vwẹ odẹ rẹ Ọrovwohwo.

Jems 5:14 Referans Kwoze

Iyẹnrẹ Esiri ri Mak 6:13

Ayen da djẹ idẹbono buebu phia, ayen da vwẹ ori ghworo otu buebu re hovwan e de sivwi ayen.

Iruo rẹ Iyinkọn na 28:8

Da yẹ ọsẹ ri Pọbliọs na ra mwa ọga rẹ evuekuo vẹ odo, Pọl da ra mrẹ ọ da nẹ ẹrhovwo kẹ, rọ vwọ ghwẹ obọ kpahọ o de sivwo.

Iyẹnrẹ Esiri ri Mak 16:18

ayen mu eredekọ, ayen da da obi kobi dede, i che se ru ayen emu ọvo-o; ayen ghwẹ abọ kpahe otu re hovwan, oma rẹ ayen ki kpo.

Ivie rẹ Ivẹ 5:11

Ẹkẹvuọvo ophu de mu Neman, ọ da yanran, tanẹ, Nighe, mi rori nẹ ọ cha ro otafe bru vwe rhe, ri mudia, ko se odẹ rẹ Ọrovwohwo Ọghẹnẹ rọye, o mi kpogho obọ rọye phihọ asan na, ro de sivwi oti na.

Taitọs 1:5

Ọna re sorọ me vwọ yan je uwe vwo vwẹ obi Krit, rere wọ vwọ rhuẹrẹ obo ri miovwiri vwẹ oboyi phihọ, rere wọ rha vwẹ ekpako mu vwi korho korho kirobo ri mi dje kẹ wẹ.

Iruo rẹ Iyinkọn na 15:4

Ọke rẹ ayen rhi vwo te Jerusalẹm, ishọshi na kugbe iyinkọn na kugbe ekpako na, de dede ayen, ayen de gbe ikun rẹ emu ejobi rẹ Ọghẹnẹ reyọ ayen vwo ru.

Iruo rẹ Iyinkọn na 14:23

Ọke rẹ a vwọ ekpako vwo mu vwẹ ishọshi ọvuọvo nu, ẹrhovwo ẹnẹ vẹ owẹvwe echiro, ayen de mu ayen phihọ obọ rẹ Ọrovwohwo rẹ ayen segbuyota na.

Iruo rẹ Iyinkọn na 9:40

Ẹkẹvuọvo Pita da djẹ ayen ro otafe o de diguẹ ọ da nẹ ẹrhovwo; ro vwo hirhe opharo ku orivwi na ọ da ta, Tabita, vrẹn. O de rhiẹ ẹro rọye, ọke rọ vwọ mrẹ Pita o de vrẹn tidia.

Ivie rẹ Ivẹ 4:33

Ọtiọye ọ da ro uwevwi o de bi ẹchẹ na gbe ayen ivẹ, ọ da nẹ ẹrhovwo kẹ Ọrovwohwo.

1 Ivie 17:21

Etiyin ọ da riẹn oma rọye nene ọmọ na asiarha, o de kperi se Ọrovwohwo, E Ọrovwohwo Ọghẹnẹ mẹ, vwẹ ẹnwẹ rẹ ọmọ na rhoma rhivwi rhe.

Iruo rẹ Iyinkọn na 11:30

Ayen vwọ je arhọghọ na nu, ayen da vwọ kẹ Banabas kugbe Sọl rere ayen vwo rhe ekpako na.