Jems 4:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Si kẹrẹ Ọghẹnẹ, rere o si kẹrẹ owẹ. Hworhẹ abọ rẹ ovwan iruimwemwu na; hworhẹ udu rẹ ovwan rọ fon, ovwan otu ri vwo iroro ivẹ.

Jems 4:8 Referans Kwoze

Une rẹ Ejiro 145:18

Ọrovwohwo si kẹre otu ri sere ejobi, ayen ejobi ri sere vwẹ uyota,

Hibru 10:22

e gbe jẹ avwanre vwẹ udu esiri rọ vọnre vẹ esegbuyota vwo si kẹrẹ, re avwanre si emu ọbrabra nẹ iroro rẹ avwanre ra vwẹ omamọ rẹ ame họ ugboma rẹ avwanre.

Malakae 3:7

Rhanvwe ọke rẹ esẹ rẹ ovwan rhe ọye ovwan vwo ku erhọn fia kẹ irhi mẹ rẹ ovwan vwo jẹ ayen ẹyọnrọn. Rhivwi bru vwe rhe, rere mi rhivwi bru ovwan rhe, enẹ Ọrovwohwo rẹ otuofovwi na tare. Ẹkẹvuọvo ovwan ra ta nẹ, Komavọ mi rhivwi vwo?

Zekaraya 1:3

Ọtiọye na gba ta kẹ ayen, E nẹ Ọrovwohwo rẹ otuofovwi tare, We rhivwi bru uvwe rhe, Ọrovwohwo rẹ otuofovwi tare, ki mi che rhivwi bru ovwan rhe, Ọrovwohwo rẹ otuofovwi na tare.

2 Ikun rẹ Ivie 15:2

Ọ da yanran ra vwa Asa, ọ da ta kẹ, kerhọn mẹ, Asa, kugbe Juda vi Bẹnjamin ejobi; Ọrovwohwo na vẹ owẹ herọ, vwẹ ọke ro wọ vẹ ọye da herọ. Wọ da guọnọ, ku wọ mrẹ, ẹkẹvuọvo wọ da siọn, kọ sen wẹ.

Jerimaya 4:14

E Jerusalẹm, họ oma wẹn nẹ orukuruku rọ hẹ udu wẹn, rere wọ vwọ rhọ. Mavọ iroro umwemwu wẹn dia evun wẹn krite?

1 Jọn 3:3

Kohwo kohwo ro phiẹrohọ ọtiọye ko ru oma rọye fuanfon kirobo rẹ ekpuyovwi rọye fonro.

Une rẹ Ejiro 51:10

Ma udu ọfuanfon phihọ evun mẹ, E Ọghẹnẹ ru wo phi erhi ọkpokpọ wẹn phihọ udu mẹ.

Hibru 7:19

(kidie urhi na se ruẹ emuọvo gba-a); vwẹ obọ rivẹ, ọ vwẹ omamọ rẹ iphiẹrohọ rhe, oma rọye avwanre wan sikẹre Ọghẹnẹ.

2 Kọrẹnt 7:1

Imoni re ghare, rẹ avwanre vwo vwo ivẹ nana nure na, e gbe jẹn avwanre họ oma rẹ avwanre nẹ ẹgua rẹ ugboma vẹ erhi, re ru ẹfuọn gba vwẹ oshọẹdjẹ rẹ Ọghẹnẹ.

Izikiẹl 18:31

Siobọ nẹ ogbigbiru wẹn ejobi ru wo ru kpahe ovwẹ, wọ reyọ udu ọkpokpọ kẹ oma wẹn kugbe erhi ọkpokpọ! Die wọ di vwo ghwu, E uwevwi rẹ Izrẹl?

Une rẹ Ejiro 73:28

Ẹkẹvuọvo vwọ kẹ vwẹ o yoma mi vwo si kẹre Ọghẹnẹ, Me vwẹ Ọrovwohwo Ọghẹnẹ ru asan odjahọ mẹ, rere mi se vwo gbe ikun rẹ iruo wẹn ejobi.

1 Ikun rẹ Ivie 28:9

Wẹ, Solomọn rẹ ọmọ mẹ, riẹn Ọghẹnẹ rẹ esẹ wẹn, rere wọ ga vwẹ udu wẹn ejobi vẹ udu rẹ ẹguọnọ; kidie Ọrovwohwo re hiẹn ubiudu, ọ me rha riẹn iroro kiroro vẹ ona ejobi. Wọ da guọnọ, ku wọ mrẹ, ẹkẹvuọvo wọ da siọn, kọ djẹ wẹ kufia bẹdẹ.

1 Pita 3:21

Ame ẹreyọ na, rẹ ọ vẹ ọnana shephihọ na, o sivwẹ ovwan vwẹ asakiephana, o dia inuhu rẹ ugboma a hworhẹ fia-a ẹkẹvuọvo ọye ota rẹ evun ọfuanfon kẹ Ọghẹnẹ, vwẹ oma rẹ evrenushi ri Jesu Kristi,

ỌBE RẸ JOB 17:9

Yẹ ọvwata ji churu obọ mu idjerhe rọye, ohwo rẹ abọ rọye fonro ra gan phihọ.

Matiu 12:33

Ru urhe yovwi rere emamọ rọye vwerhe; eyẹ gbe ru urhe na miovwi rere emamọ rọye miovwi; Kidie emamọ rẹ urhe ọye e vwo vughe.

1 Timoti 2:8

Me guọnọre nẹ kohwo kohwo vwi kasan kasan ejobi kpare abọ efuanfon rẹ ayen kpenu rere ayen nẹ ẹrhovwo, ọ dia ọ rẹ ẹghwọ vẹ ophu-u;

Aizaya 29:13

Ọrovwohwo na da ta: Fikiridie ihwo nana vwẹ ugbunu rayen si kẹre ovwẹ ayen da vwẹ ẹbẹrunu rayen mu ọghọ kẹ vwẹ, yẹ udu rayen sheri kẹ vwẹ, oshọ mẹ rayen djẹ da dia urhi rẹ ihwo rẹ akpọ re erianriẹ rẹ ayen yono phihọ uyovwi;

Une rẹ Ejiro 24:4

Ohwo re abọ rọye fonro rẹ udu rọye fonro rọ jẹn iroro ọbrabra vwẹ udu rọye-e ro duvwu iyori rẹ eku-u.

1 Pita 1:22

Rẹ ovwan vwọ hworhẹ ẹnwẹn rẹ ovwan fon vwẹ oma rẹ ọghọ rẹ ovwan mu kẹ uyota na rẹ ovwan vwo vwo ẹguọnọ kpahe imoni na, ovwan gba guọnọ ohwohwo nẹ otọ rẹ evun rhe.

Une rẹ Ejiro 18:20

Ọrovwohwo hwa osa kẹ vwẹ kirobo re ọvwata mẹ epha, kirobo re abọ mẹ fon te eriyin ọ hwa osa keẹ vwẹ

Jems 1:8

Ohwo ro roro iroro ivivẹ, ro hwe oma muẹ vwẹ asan ọvo-o.

Une rẹ Ejiro 26:6

Me hworhẹ abọ mẹ vwẹ evun ọfuanfon mẹ, ki mi sikẹre enu rẹ ẹshẹ wẹn, E Ọrovwohwo,

Iruo rẹ Iyinkọn na 15:9

o phi ofẹnẹ phihọ uvwre rẹ avwanre vẹ aye-en, ẹkẹvuọvo ọ de ru udu rayen fon fiki rẹ esegbuyota.

Jẹnẹsis 18:23

Etiyin Ebraham de sikẹrẹ, ọ da ta, Ku wo ghine ghwọrọ evwata kugbe iruimwemwu?

ỌBE RẸ JOB 16:17

dede na ya mrẹ ozighi ọvuọvo vwẹ abọ mẹ-ẹ, erhovwo mẹ ọfuanfon.

Matiu 15:2

Die sorọ rẹ idibo wẹ vwo miovwo urhi rẹ ekpako na? kidie ayen hworhẹ obọ tavwe rẹ ayen ke re emu-u.

Jerimaya 4:11

Ka cha ta kẹ ihwo nana vẹ Jerusalẹm vwẹ ọke yena, Odju ọrhorhorho che nẹ ugbenu phrẹphrẹphrẹ rẹ aton na cha che hirhe aro ku ọmọtẹ rẹ ihwo mẹ, ọ dianẹ re ọ vwọ sanọ eyẹ re o vwo ruo fo-on,

ỌBE RẸ JOB 9:30

Ọ da dianẹ me vwẹ imicho họ, re me da vwẹ odja hworhẹ abọ mẹ,

Aizaya 13:15

Kohwo kohwo ra mrẹre ke duvwo fi, kohwo kohwo re muru ka vwẹ ọlọkọ nyanvwọ brotọ.

Une rẹ Ejiro 73:13

Mi ru udu mẹ fon dede na yẹ odiodi. Me hworhẹ abọ fon vwẹ ọvwata.

Matiu 27:24

Pailet rhe vwọ mrẹ nẹ ota rọye sa rhẹriẹ udu rẹ ihwo na-a nẹ ayen jẹ iroro rẹ ozighi, ọ da vwẹ ame hworhẹ obọ rọye vwẹ irharo rẹ ayen nẹ, Obọ mẹ hẹ ughwu rẹ ọvwata nana-a, ọye ota rẹ ovwan.

1 Samuẹl 14:35

Sọl da so agbada kẹ Ọrovwohwo; ọye agbada rẹ ẹsosuọ rọ so kẹ Ọrovwohwo na.

Une rẹ Ejiro 119:113

Oma rẹ ihwo ri vwo evun ivẹ tu vwe, ẹkẹvuọvo me guọnọ urhi wẹn.

Aizaya 58:2

Dede na yẹ ayen guọnọ ovwẹ kẹdẹ kẹdẹ, yẹ ayen guọnọ idjerhe mẹ riẹn vẹ aghọghọ, kerẹ ẹgborho ri ruẹ ọvwata re mrẹ iji rẹ Ọghẹnẹ rayen djẹ-ẹ; ayen nọ ekpẹn rẹ orhiebro rẹ ọvwata vwẹ obọ mẹ, ayen vwẹ omavwerhe vwo si kẹrẹ Ọghẹnẹ.

Jems 3:17

Ẹkẹvuọvo aghwanre ro nẹ obenu rhe kọ dia yoyovwi tavwe, o ke rha vọn vẹ ufuoma, dẹndẹn, ọ fobọ kuomagbe, ọ vọnre vẹ arodọvwẹ kugbe uruemu esiri, o vwo ofẹnẹ-ẹ ọ phiẹn oma rọye-e.

Uvwerhe 3:57

Wo de ghine sikẹrẹ ovwẹ vwẹ ọke re mi vwo se we, wọ da ta, ‘Wọ djẹ oshọ-ọ!’