Jems 4:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ẹkẹvuọvo, kirobo re me mrẹ, ovwan ke ghọghọ vwẹ evun rẹ oma ephuo rẹ ovwan, aghọghọ yena yoma-a.

Jems 4:16 Referans Kwoze

Isẹ 27:1

Wọ yan eyan hẹrhẹ odẹ-ẹ, kidie wọ riẹn obo rẹ odẹ cha ghwa rhe-e.

1 Kọrẹnt 5:6

Omaẹyan rẹ ovwan yovwiri-i. Ovwan rha riẹn nẹ ubiughweri tutuno re nẹrhẹ oghwo riọ-ọ?

Une rẹ Ejiro 52:7

Nighe ohwo rọ vwẹ Ọghẹnẹ ru odjahọ rọye-e, ẹkẹvuọvo ọ de vwe ẹro so efe buebu rọye, o de re si oma nu vwẹ evun re efe rọye.

Isẹ 25:14

Kerẹ enu ro biri vẹ odju yẹ osio rhọre-e na eriyin ohwo rọ yan eyan rẹ ẹse rọ ruru-u epha.

Ẹvwọphia 18:7

Kirobo ro heri te ro fanrhiẹ te, ọtiọye wọ je vwẹ odjadja vẹ omaemuohọ kẹ te. Rọ vwọ ta vwẹ udu rọye nẹ, Mi tidia kerẹ aye rẹ ovie, Me dia ayeuku-u, Me cha mrẹ omaemuohọ bẹdẹ-ẹ,

Jems 3:14

Ẹkẹvuọvo we de vwo omẹriọ vẹ erhi rẹ ohẹriẹ vwẹ udu rẹ ovwan, wa yeya-an, wa je vwọnrọn efia nyẹ uyota na-a.

Aizaya 47:10

Oma ko fu we vwẹ evun rẹ orukuruku wẹn, wọ da ta, Ohwo ọvuọvo mrẹ vwẹ-ẹ, aghwanre wẹn vẹ erianriẹn wẹn sun we ghwru, wọ da ta vwẹ udu wẹn, Mẹvwẹ, ono ọfa ji te vwe?

Une rẹ Ejiro 52:1

Die wọ vwọ yan eyan, E ọgba re ohwo na re umwemwu ru wo ru kpahe ohwo esiri? Vwe ẹdẹ na ejobi wọ ra je iroro rẹ ẹguọghọ.

1 Jọn 2:16

Kidie obo re hẹ evun rẹ akpọ na ejobi, urhuru si vwe rẹ ugboma, ojevwe rẹ ẹro kugbe eheri rẹ akpọ na, e dia e rẹ Ọsẹ na-a ẹkẹvuọvo e rẹ akpọ na.