Jems 4:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Wọ riẹn obo re cha phia vwẹ odẹ rọ cha na? Die arhọ wẹn epha vwo? Kidie ovwan họhọ iphughẹ, rọ vwẹ oma phia emerha, ọ me ranvwiẹ kufia.

Jems 4:14 Referans Kwoze

1 Pita 1:24

Kidie Ihwo ejobi họhọ ẹbe urinrin rọye ejobi họhọ ododo rẹ ẹbe. Ẹbe vwioro, ododo kpara she,

Une rẹ Ejiro 39:5

Nighe, wo ru ẹdẹ rẹ akpọ mẹ hahavwe kerẹ ẹnwẹ rọ ghwọrọ fia, ẹdẹ rẹ akpọ mẹ ejobi fi emuọvo vwẹ obaro wẹ-ẹn. Omuẹro kohwo kohwo ejobi mudia kerẹ ẹnwẹ diodi vwẹ obaro wẹn!

1 Jọn 2:17

Akpọ na cha wanvrẹn, kugbe ojevwe rọye; ẹkẹvuọvo ohwo rọ ru ọhọrc rẹ Ọghẹnẹ kọ dia bẹdẹ.

Une rẹ Ejiro 102:3

Kidie ẹdẹ mẹ ra wanvrẹn kerẹ ivwirhi, ibeku mẹ ra torhẹ kerẹ ẹkuerhanre.

Jems 1:10

Ẹkẹvuọvo odafe je ghọghọ fikiridie e vwiro kpotọ, kidie kirobo rẹ ododo vwioro o mi she kufia na, eriyin akpọ rọye cha dia.

Une rẹ Ejiro 89:47

Karohọ, E Ọrovwohwo, obo rẹ ovwavwọn rẹ arhọ rẹ ohwo epha, mavọ emama wẹn emọ rẹ ohwo ejobi họhọ emu diọdi te!

1 Pita 4:7

Oba rẹ emu na ejobi si kẹre re; fiki rẹ ọtiọye na gbe ru dọe re ẹro hiẹ wẹ vwẹ ọke wọ da nẹ ẹrhovwo.

Aizaya 38:12

A kọrọ edia mẹ nu o de si nẹ uvwe oma kerẹ aphiana rẹ osuigode, kere ọ ro rhuo amwa, ọtiọye mi kpirhi akpọ mẹ koko, o de bru vwe kufia nẹ usioruru, ne uvo re te ason wo vwo si vwe kere oba rẹ akpọ mẹ.

Une rẹ Ejiro 78:39

O karọhọ nẹ uvwo gheghe ayen ruẹ, odju ro djuẹ wan nẹ ọ gbe cha ọfa-a.

Une rẹ Ejiro 144:4

Ohwo ọ họhọ ẹnwẹ, ẹdẹ rọye họhọ uhoho rọ wanvrẹn

Isẹ 27:1

Wọ yan eyan hẹrhẹ odẹ-ẹ, kidie wọ riẹn obo rẹ odẹ cha ghwa rhe-e.

Aizaya 2:22

Chuko ku ohwo rẹ akpọ rọ vwẹ unwe nwẹn, kidie o firi?

2 Samuẹl 19:34

Ẹkẹvuọvo Barzillai da ta kẹ ovie, Bro ukpe me je cha tọn te, ri mi vwo nene uwe kpo Jerusalẹm?