Jems 3:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ẹkẹvuọvo ohwo ro se yono ẹrẹnvwe herọ-ọ; ọ vọnre vẹ ogbarogba, o je vọn vẹ obi.

Jems 3:8 Referans Kwoze

Ọbe ri Pọl si rhe Ihwo ri Rom 3:13

Upho rayen rhie phihọ ghwroro, ayen vwẹ ẹrenvwe rayen vwọ phiẹn ihwo. Obi rẹ ọrobiebi hẹ otọ rẹ ẹbẹrunu rayen

Une rẹ Ejiro 140:3

Ayen nọ ẹrẹnvwe rayen dandan kerẹ ọrọdekọ obotọ rẹ ẹbẹrunu rayen obi rẹ ọrọbiebi herọ.

Jems 3:6

Ẹrẹnvwe na vwenẹ erhanre o ruẹ; ohwo umwemwu rọ hẹ oma rẹ avwanre ejobi na ọye hẹ ẹrẹnvwe, ọye ri miovwo ugboma na ejobi ọ me torhẹ eroro rẹ akpọ rẹ avwanre, ukuko rọye re ka torhẹ okpuyovwi rọye vwẹ erhanre rẹ orere rẹ igbẹphẹre.

Une rẹ Ejiro 55:21

Ota rẹ unu rọye ghwọriẹ kerẹ evwri, dede na yẹ ofovwi hẹ udu rọye; ota rọye lọhọ nọ ọfigbo, dede na yọ tọn ọlọkọ rọye mu.

Une rẹ Ejiro 57:4

Mi sherhẹ uherevie rẹ ikpohrokpo, re vwẹ urhuru furhu emọ rẹ ihwo rẹ akpọ ria, ako rayen ibiri kugbe edada, ẹrenvwe rayen elọkọ re dan.

Une rẹ Ejiro 59:7

Etiyin ayen epha, ayen ra vwe unu rayen hworo owanre, ayen ra vwe ẹbẹrunu rayen fie ahọre kidie, Onọ, ayen rori, ri se nyo avwanre?

Une rẹ Ejiro 58:4

Ayen vwo obi kerẹ obi rẹ ọrọdekọ, kerẹ oghwoghwo rọ dierhon rọye,

Aghwoghwo 10:11

Ọrọdekọ da rhọvwọ ohwo nu ra ke shua, ohwo rọ shuarọ na vwo erere-e.

Urhi Rivẹ 32:33

Wain rayen obi rẹ erọdekọ, kugbe obi umwemwu rẹ ọrobiebi.

Ẹvwọphia 12:9

A da djẹ Okpodje rode na rhe otọ, ọrọdekọ rẹ awanre na, re se Idẹbono kugbe Ukọn na, ọphiẹn rẹ akpọ na ejobi–a da djẹ vẹ emakashe rọye ejobi wotọ.

Isẹ 17:20

O se yovwẹ kẹ ohwo ro vwo evun ọnko-o, ohwo vẹ ẹrẹnvwe ọbrabra sua okpetu.

Jems 3:7

Kidie koka koka rẹ eranvwe na ejobi vẹ ephran, kugbe obo ri kpono vwẹ otọ rẹ ame ejobi na, e yono ayen ihwo rẹ akpọ na ji yono ayen buebu re.