Jems 3:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Eriyin ẹrẹnvwe je hanvwe te vwẹ oma na, ẹkẹvuọvo o yeyan buebu. Gbe nighe, umu umwerhanre rọ nẹrhẹ ekrun irhe rode torhẹ na!

Jems 3:5 Referans Kwoze

Isẹ 18:21

Ughwu vẹ arhọ hẹ evun rẹ ogangan rẹ ẹrẹnvwe, ihwo re guọnerọ ke cha re emamọ rọye.

Isẹ 12:18

Ohwo ọvo herọ rẹ eta rọye epha kpata-kpata kerẹ adjara ro duvwẹ ohwo, ẹkẹvuọvo ẹrẹnvwe rẹ ọvwiroro sivwe ohwo.

Isẹ 15:2

Ẹrẹnvwe rẹ ọvwaghwanre djẹ erianriẹn phia, ẹkẹvuọvo unu rẹ ẹkpa vwẹ ughenghẹn phia.

Une rẹ Ejiro 17:10

Ayen rhurhu udu rayen kẹ ehrọre ayen vwẹ unu rayen ta ọpata.

Ọbe ri Jud 1:16

Enana hẹ ihwo ri guẹ huhuhu, rẹ evun rẹ umwemwu jẹvọn, ri nene urhuru sivwe rẹ ugboma, ri rhie enu phihọ yan eyan, ri brugun hẹ ihwo oma fiki rẹ erere.

Jerimaya 18:18

Etiyin ayen da ta, wa yanrhe, ra jẹn iroro rhurhu Jerimaya, kidie urhi se miovwi nẹ obọ rẹ orherẹn rhe-e, eyẹ iroro ẹjẹ sa phiẹn ọvweghwanre-e, ota ji se nẹ obọ rẹ ọmraro na rhe-e. Wa rhe, re a vwẹ ẹrẹnvwe hwe, e ja kerhọn rẹ eta rọye ọvuọvo-o.

Une rẹ Ejiro 10:3

Kidie oruimwemwu yeyan rẹ ẹguọnọ rẹ ohwo ro vwo urhuru rẹ erere harha ekan ọ je ghwa sia Ọrovwohwo.

Izikiẹl 28:2

Ọmọ rẹ ohwo, ta kẹ osun rẹ Taya, E nẹ Ọrovwohwo Ọghẹnẹ tare: Fikiridie udu wẹn herẹ, wọ da rha tanẹ, mẹvwẹ ọghẹnẹ, mi tidia agbara rẹ eghẹnẹ na, vwẹ uherevie rẹ abadi, yẹ ohwo wo ruẹ, wọ dia Ọghẹnẹ-ẹ, owene wo dje oma wẹn ghwanghwanre kerẹ oghẹnẹ–

2 Pita 2:18

Kidie, ọke rẹ ayen da vwẹ ugbeghẹ yan eyan, yẹ ayen vwẹ ọfanrhiẹ vẹ urhuru si vwe riẹriẹ ihwo re je sa vabọ rẹ oruchọ rẹ aye-en.

Daniẹl 4:30

etiyin ovie na da ta, Onana dia Babilọn rọde na, re me vwẹ ẹgba vẹ ogangan mẹ bọn rọ dia ighẹn rẹ ovie vwọ kẹ urinrin vẹ ọrho mẹ?

ỌBE RẸ JOB 22:17

Ayen da ta kẹ Ọghẹnẹ nẹ, Bi nẹ avwanre oma, kidie Ọrovwoẹgba na se ru avwanre?

Ẹyano 15:9

Ivwighrẹ na da ta, Me vwọ tua, re me korẹ, me ghare ughwẹ na, ẹguọnọ mẹ kọ wan oma rayen gba. Mi che yoro ọlọkọ mẹ obọ mẹ kọ guọghọ ayen.

Daniẹl 3:15

Asakiephana, wa da choma vwẹ ọke we de nyo edo rẹ owanre, akpata, isorogun urephe vẹ ihwehworo ejobi, we de she diguẹ re wa da ga oma ri mi ruru na, yẹ oyoma; ẹkẹvuọvo wa gbe rha ga-a, ugege yena ke mu ovwan phihọ ogidi erhanre na; ki didi Ọghẹnẹ se si ovwan nẹ abọ mẹ?

Izikiẹl 29:3

ta ota, re wọ ta, E nẹ Ọrovwohwo Ọghẹnẹ tare: Nighere, Me vwọ so wẹ, Fẹro ovie rẹ Ijipt, okpodjerivwi ro figberi uherevie rẹ urhie rọye, rọ tanẹ, Nile mẹ na ọ robọ mẹ; mẹvwẹ re marọ.

Ẹyano 5:2

Ẹkẹvuọvo Fẹro da ta, Ono Ọrovwohwo na, re me kerhọ rọye ri mi vwo jẹn Izrẹl kpo? Me riẹn Ọrovwohwo naa, ọrọ marho mi che jẹn Izrẹl kpoo.

Une rẹ Ejiro 39:1

Me da ta, Me sẹro rẹ idjerhe mẹ, rere ẹrẹnvwe mẹ vwo je imwemwu eruo; Me vwẹ ufi mu unu mẹ, vwẹ ọke re iruimwemwu da hẹ obaro mẹ.

Isẹ 26:20

Irhe da tonre erhanre ko fuẹn, vwẹ ọtiọye na ogbejugbeje rha he asa-an ẹghwọ kọ re.

Jems 3:4

We gbe nẹ okọ rẹ erhanre na; obo rẹ ayen rho te na odju ri mu ayen yan, yẹ uvi tutuno e vwo muẹ eghuvwu rẹ ayen, asan re biro ra ejobi kọye ọ ra.