Jems 3:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Ufuoma vwenẹ ọye hẹ omamọ rẹ ọvwata kọnre vwọ kẹ ihwo re guọnọ ufuoma.

Jems 3:18 Referans Kwoze

Matiu 5:9

Ebruba kẹ ihwo rẹ kẹ ufuoma; kidie e che se ayen emọ rẹ Ọghẹnẹ.

Hosia 10:12

Kọn ọvwata kẹ oma wẹn, ru wo vun ẹguọnọ ro jẹ re, she otọ ọgangan wẹn na kidie o te ọke ra vwọ guọnọ Ọrovwohwo re, rere Ọ rhe rhọ esivwo phihọ enu rẹ ovwan.

Filipae 1:11

rere ovwan da rhe vọn vẹ emamọ rẹ ovwata rọ wan oma ri Jesu Kristi rhe, vwọ kẹ urinrin vẹ ejiro rẹ Ọghẹnẹ.

Galesha 6:8

Kidie, ohwo rọ kọn kẹ ugboma rọye ọ je cha dia evun rẹ ugboma de vun ughwu; ẹkẹvuọvo ohwo rọ kọn kẹ Erhi na vwẹ oma rẹ Erhi o de vun arhọ ri bẹdẹ.

Isẹ 11:30

Omamọ rẹ ọvwata ọye urhe rẹ arhọ, ẹkẹvuọvo ozighi hwe arhọ.

Hibru 12:11

Asakiephana ẹghwọ ejobi da ohwo ọ vwerha oma-a; ukuko rọye ọ me rhe vọn vẹ ufuoma vẹ ọvwata vwọ kẹ otu re vwiro yono.

Isẹ 11:18

Ohwo umwemwu osa rẹ ọphiẹnvwe ọye o vwo, ẹkẹvuọvo ohwo rọ kọn omamọ rẹ esiri ughwẹ rọye muero.

Jems 1:20

Kidie ophu vẹ ota ọbrabra rẹ ohwo rẹ akpọ cha fobọ shephihọ uruemu esiri rẹ Ọghẹnẹ guọnọre-e.

Iyẹnrẹ Esiri ri Jọn 4:36

Ọ ro vuẹ ghwe vwo osa, ọ ghwẹ emamọ koko hẹrhẹ arhọ ri bẹdẹ, ọtiọye na te ọ rọ kọn te ọ ro vuẹ vwọ sa ghọghọ kugbe.

Emọs 6:12

Iyesi sa djẹ vwẹ enu rẹ eragha? A sa vwẹ erhuẹn vorọ urhie? Ẹkẹvuọvo wa rhẹriẹ uyota phihọ ẹruan, emamọ rẹ ọvwata phihọ akoro.

Isẹ 11:28

Ohwo rọ vwẹ ẹro so efe rọye che vwioro, ẹkẹvuọvo ọvwata kọ cha rho bodo bodo kerẹ ẹbẹ ọkpokpọ.

Une rẹ Ejiro 92:14

Ayen je mọ emamọ vwẹ evun re ọghwo rayen, ayen vọnre vẹ ame wọnwọnwọn vwẹ ọke ejobi,