Jems 3:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Ẹkẹvuọvo aghwanre ro nẹ obenu rhe kọ dia yoyovwi tavwe, o ke rha vọn vẹ ufuoma, dẹndẹn, ọ fobọ kuomagbe, ọ vọnre vẹ arodọvwẹ kugbe uruemu esiri, o vwo ofẹnẹ-ẹ ọ phiẹn oma rọye-e.

Jems 3:17 Referans Kwoze

Isẹ 2:6

Kidie Ọrovwohwo na ye kẹ ohwo aghwanre; unu rọye ọye erianriẹn vẹ eruọ nẹ cha.

Jems 3:15

Oghẹre rẹ aghwanre tiọnana dia obo odjuvwu o nurhe-e ẹkẹvuọvo ọ rẹ akpọ na, rọ vọnre vẹ umwemwu rẹ akpọ na, kugbe ọ rẹ idẹbono.

Ọbe ri Pọl si rhe Ihwo ri Rom 12:9

We jẹ ẹguọnọ rẹ ovwan dia ọ rẹ unu diodi-i; Jẹn umwemwu tu ovwan oma, churu obọ mu obo ri yoma.

Jems 1:17

Kemu kemu esiri na ejobi obo odjuvwu i nẹ cha, nẹ obo rẹ osẹ rẹ urhukpẹ na cha ohwo ro vwo ẹrhẹriẹ-ẹ, rẹ uhoho re ebri ọvuọvo rheri-i.

Jems 1:5

Ẹkẹvuọvo ohwo ro rhe vwo aghwanre vwẹ usun rẹ ovwa-an, e jọ nọ vwẹ obọ rẹ Ọghẹnẹ, ọye ri se siobọ nẹ kemu kemu kẹ ohwo, ọ ghwọ kuẹ ohwo-o; kọ vwọ kẹ.

1 Jọn 3:18

Emọ na, we vwo ẹguọnọ rẹ unu ọvo-o eyẹ unu ẹrarọ-ọ ẹkẹvuọvo ọ rẹ uruemu kugbe uyota.

1 Pita 1:22

Rẹ ovwan vwọ hworhẹ ẹnwẹn rẹ ovwan fon vwẹ oma rẹ ọghọ rẹ ovwan mu kẹ uyota na rẹ ovwan vwo vwo ẹguọnọ kpahe imoni na, ovwan gba guọnọ ohwohwo nẹ otọ rẹ evun rhe.

Matiu 5:8

Ebruba kẹ ihwo rẹ evun rẹ ayen fonro; kidie ayen cha mrẹ Ọghẹnẹ.

1 Jọn 3:3

Kohwo kohwo ro phiẹrohọ ọtiọye ko ru oma rọye fuanfon kirobo rẹ ekpuyovwi rọye fonro.

Iyẹnrẹ Esiri ri Luk 21:15

kidie me cha kẹ ovwan unu kugbe aghwanre, rẹ udu rẹ ukọn rẹ ovwan cha sa gba eyẹ phro-o.

Iyẹnrẹ Esiri ri Luk 6:36

Gbe ni aruẹdọn kirobo rẹ Ọsẹ rẹ ovwan ji ni aruẹdọn.

Hibru 12:14

Pharhe re wọ vẹ ihwo ejobi vwọ dia kugbe vwẹ ufuoma, kidie ẹfuọn tiọnana da kare ohwo, ohwo yena sa mrẹ Ọrovwohwo-o.

2 Timoti 2:24

Ọdibo rẹ Ọrovwohwo dia ohwo rẹ ẹghwọ-ọ ẹkẹvuọvo o nẹ aruẹdọn kẹ ohwo kohwo, oyono vẹ aghẹghẹ, ro vwo odiri,

1 Pita 2:1

Vwẹ ọtiọye na we siobọ nẹ ọnko kugbe ophiẹvwe kugbe omeru kugbe ophọphọvwe ejobi.

Jems 2:4

wo ji vwo ọfẹne vwẹ oma rẹ ovwan nu, wo ji hirhe oma phihọ oguẹdjọ umwemwu rọ vọnre vẹ iroro ọbrabra nu?

Hibru 12:11

Asakiephana ẹghwọ ejobi da ohwo ọ vwerha oma-a; ukuko rọye ọ me rhe vọn vẹ ufuoma vẹ ọvwata vwọ kẹ otu re vwiro yono.

Kolose 1:10

Rere eyere rẹ ovwan vwo se fo kẹ Ọrovwohwo, re uruemu rẹ ovwan ejobi vwo se je rere ovwan vwo ru iruo esiri phia kugbe rere erianriẹn rẹ Ọghẹnẹ rẹ ovwan vwo bu.

Ọbe ri Pọl si rhe Ihwo ri Rom 15:14

Imoni mẹ, o mu vwe ẹro nẹ, ovwan vọnre vẹ uruemu esiri buebu, nẹ ovwan je vọn vẹ erianriẹn, rẹ ovwan vwo se yono ohwohwo.

ỌBE RẸ JOB 28:28

Ọ da ta kẹ ohwo rẹ akpọ, Nighe, oshọ ẹdjẹ rẹ Ọrovwohwo, ọye aghwanre, oma re sinu umwemwu ọye ẹruọ

1 Ikun rẹ Ivie 22:12

Ọrovwohwo gba vwẹ ọhọ vẹ erianriẹn kẹ wẹ, rere ọ da vwẹ owẹ mu vwẹ enu rẹ Izrẹl nure wọ vwọ sa yọnrọn urhi rẹ Ọrovwohwo rẹ Ọghẹnẹ wẹn.

1 Kọrẹnt 12:8

A wan oma rẹ Erhi na vwẹ ota rẹ aghwanre kẹ ohwo ọvo, ọfa ota rẹ erianriẹn vwẹ oma rẹ Erhi ọvuọvo na,

ỌBE RẸ JOB 28:23

Ọghẹnẹ ri vughe idjerhe rọye, ọye je riẹn asan rọ epha.

Jems 4:8

Si kẹrẹ Ọghẹnẹ, rere o si kẹrẹ owẹ. Hworhẹ abọ rẹ ovwan iruimwemwu na; hworhẹ udu rẹ ovwan rọ fon, ovwan otu ri vwo iroro ivẹ.

1 Timoti 5:21

Me vuẹ wẹ vwẹ irharo rẹ Ọghẹnẹ kugbe Kristi Jesu vẹ emakashe rọ sanọ reyọ nẹ, wo mi rhie evun phẹphẹ ru iruo na, wọ ghwẹ oma hẹ ahọvo jẹ ọvo vwo-o.

Iruo rẹ Iyinkọn na 11:24

kidie omamọ rẹ ohwo o ruẹ, ro vọnre vẹ Erhi Ọfuanfon vẹ esegbuyota. Otu buebu de rhi kuoma gbe Ọrovwohwo na.

Matiu 23:28

Eriyin ovwan vwẹ oma phia yoyovwi kẹ ihwo vwẹ otafe, ẹkẹvuọvo obo evun rẹ ovwan vọnre vẹ efian kugbe umwemwu.

1 Tẹsalonaika 2:7

Ẹkẹvuọvo avwanre ruru dẹndẹn vwẹ ohri rẹ ovwan, kerẹsiẹ rẹ ọmiọvwọ a da ghẹrẹ emọ rọye.

Filipae 4:8

Ọ rọ ka oba, imoni, emu ejobi rọ dia uyota, emu ejobi ro vwo ọghọ, emu ejobi rọ dia ọsoso, emu ro yovwiri, emu ejobi ro vwo ẹguọnọ, emu ejobi ro vwo erhuvwu, ọ da dianẹ o vwo uyoyovwi, ọ da dianẹ o vwo obo ro fo ejiro, gbe roro imu nana.

Filipae 1:11

rere ovwan da rhe vọn vẹ emamọ rẹ ovwata rọ wan oma ri Jesu Kristi rhe, vwọ kẹ urinrin vẹ ejiro rẹ Ọghẹnẹ.

Iruo rẹ Iyinkọn na 9:36

Ọke yena odibo ọvo da herọ vwẹ obi Jọpa re se Tabita, otọ rọye Dọkas eyẹ Uzo, O ru ẹse mamọ, oki rhe vwo uruemu esiri.

Iyẹnrẹ Esiri ri Jọn 1:47

Jesu vwọ mrẹ Nataniẹl ro bro cha, ọ da ta kẹ, Nighe, ohwo rẹ Izrẹl rẹ uyota, ra mrẹ abe vwẹ obọ rọye-e!

Iyẹnrẹ Esiri ri Jọn 1:14

Ota na de rhi hirhe phihọ ohwo ọ da rhe dia ohri rẹ avwanre, ọ vọnre vẹ ẹserọphẹ vẹ uyota; avwanre da mrẹ urinrin rọye ọ tiẹ urinrin rẹ Ọmọ ọvuọvo na ro nẹ obọ rẹ Ọsẹ na rhe.

Malakae 3:3

o che tidia kerẹ odjogun rọ hworhẹ idọnọ, kọ cha hworhẹ emeshare ri Lẹvi fuanfon yoyovwi kerẹ idọnọ vẹ oro, bẹsiẹ rẹ ayen cha vwọ vwẹ omamọ rẹ ẹkpẹvwẹ ro fori kẹ Ọrovwohwo na.

Malakae 2:9

kọye mi de ru we kueku, me da vwẹ owẹ gbe otọ kẹ ihwo buebu mrẹ, fikiridie wọ nene idjerhe mẹ-ẹ ẹkẹvuọvo abọ ọvo kọye uyono wẹ nuẹ nene.

Daniẹl 1:17

Ọghẹnẹ da rhe vwẹ erianriẹn vẹ ona rẹ ẹbiẹriẹn vẹ ọhọ vwọ kẹ imighene ẹne na; etiyin Daniel de rhi vwo erianriẹn vwẹ oma rẹ emramrẹ vẹ evwerhẹ.

1 Ivie 3:9

Fiki ọtiọye na gba vwẹ erhi rẹ ẹruọ vwọ kẹ odibo wẹn ro vwo sun ihwo wẹn, rere mi se vwo vughe emu esiri vẹ emu umwemwu; kono se sun ihwo ibuebu wẹn nana?

Ẹyano 36:2

Etiyin Mosis de se Bezalẹl vẹ Oholiab vi kohwo kohwo rẹ Ọrovwohwo phi ogangan phihọ udu rọye, kohwo kohwo rẹ udu rọye muro vwo ru iruo na;

Taitọs 3:2

Wa ta ota omiomiovwi kpahe ohwo ọvuọvo-o, we sivwi oseghe-e, ru dẹndẹn, vwẹ oma kpotọ kẹ kohwo kohwo.

Taitọs 1:15

Vwẹ obọ rẹ ọvwata emu na ejobi ki yovwe re. Ẹkẹvuọvo vwọ kẹ ihwo ri gbe ẹgua ri segbuyota-a, emu na ejobi ki miovwẹ.

Ọbe ri Pọl si rhe Ihwo ri Rom 12:18

Udu wẹn da gba, wọ vẹ ohwo ọvuọvo ghwọ-ọ.

Aizaya 32:6

Kidie ẹkpa ota rẹ ẹkpa ọ ta, udu rọye umwemwu ọ roro: ro vwo ru emu ọbrabra, rọ vwọ ta ota ọchochọ kpahe Ọrovwohwo, ọ cha davwerhọn re ohwo rẹ owẹvwe hwe-e, ame rẹ ohwo re urhuru siẹ o mi kuofia.

Aizaya 2:4

Ko che guẹdjọ rẹ orere vẹ orere, ko che brorhiẹ rẹ ihwo buebu kẹ ayen che duvwu oda rayen phihọ ighwro, ibiri rayen phihọ egbage, orere gbe cha kparo oda vwọ so orere, eyẹ ayen gbe cha kpare ofovwi ọfa-a.

1 Ikun rẹ Ivie 22:9

Nighere, e vwiẹ ọmọshare kẹ wẹ; rọ dia ohwo rẹ ufuoma. Me vwẹ ufuoma kẹ nẹ obọ rẹ ivwighrẹ rọye re riariẹ rẹ phihọ; odẹ rọye kọ dia Solomọn, me vwẹ ufuoma vẹ ofuefu vwọ kẹ Izrẹl vwẹ ọke roye.

1 Ivie 3:28

Izrẹl ejobi de nyo orhiẹn rẹ ovie bruru na; udidi rẹ ovie de mu ayen, fikiridie ayen mrẹ vughe nẹ aghwanre rẹ Ọghẹnẹ rhere, rere o vwo bru orhiẹn rẹ ọsoso.

1 Ivie 3:12

nighe, asakiephana ki mi ru kirobo rẹ ota wẹn epha. Nighe, Me kẹ wẹ aghwanre vẹ udu rẹ evughe, ọtiọye na a mrẹ ọkpọ wẹ rọ ka obaro kẹ wẹ-ẹ eyẹ ọkpọ wẹ rọ ka obuko kẹ wẹ-ẹ.

Ẹfesọs 5:9

(Kidie emamọ rẹ urhukpẹ vwenẹ a mrẹ vwẹ evun rẹ obo ri yoma ejobi kugbe obo re gbare kugbe uyota);

2 Kọrẹnt 10:1

Mẹvwẹ, Pọl, rẹ ovwan, vẹ omaevwo-kpotọ kugbe edẹndẹn ri Kristi–mẹvwẹ rọ vẹ udu rẹ oshọ vwẹ ọke re me vẹ ovwan de hirhe opharo ku ohwohwo, ẹkẹvuọvo ro yivwaro vwẹ obuko rẹ ovwan!–

2 Kọrẹnt 9:10

Ohwo rọ vwẹ ekankọn kẹ ọghwẹrẹ nẹ ọ kọn kugbe emuọre kẹ nẹ ọ re kọ je kẹ ọ me nẹrhẹ okọn rọye buphihọ ọ mi rhe ru orho rẹ ovwata wẹn buphihọ.

Aizaya 40:11

Ọ ghẹrẹ uchuru rọye kerẹ osuigodẹ, o mu emọ rẹ igodẹ na phihọ igbabọ rọye, ọ mu ayen phihọ agada rọye, ko sun e re ghẹrẹ emọ dẹndẹn.

ỌBE RẸ JOB 28:12

Ẹkẹvuọvo bovọ a da mrẹ aghwanre? Bovọ ẹdia rẹ eriariẹn epha vwo?

Matiu 5:9

Ebruba kẹ ihwo rẹ kẹ ufuoma; kidie e che se ayen emọ rẹ Ọghẹnẹ.

2 Kọrẹnt 6:6

vwẹ evun ẹfuọn, erianriẹn, odiri, arodọvwẹ, Erhi Ọfuanfon na, omamọ rẹ ẹguọnọ,

2 Kọrẹnt 7:11

Nighe ẹnwan rẹ omamọ rẹ ivun emiovwo na nẹrhẹ ovwan rhọ, didi ẹroerhe ro nẹ ovwan oma, didi ophu, didi o mukperi, didi urhuru esio, didi oruru, didi ehwe! Ovwan reabe vwẹ idjerhe kidjerhe vwẹ ota nana-a.

Jems 2:13

Kidie ohwo ro ni arodọvwẹ-ẹ ọ je cha mrẹ arodọvwẹ vwe ọke re de brorhiẹ rọye-e.

1 Pita 2:18

Idibo na, vwẹ oma kpotọ kẹ inini rẹ ovwan vẹ ọghọ ejobi, ọ dianẹ kẹ otu ri nẹ arodọvwẹ kugbe otu re dẹnden ọvo-o ẹkẹvuọvo je vwọ kẹ otu ri siaro rhe.