Jems 2:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ẹkẹvuọvo ovwan phọphọ ovwiogbere na nure. Ọ dia otu rẹ edafe na ri shenyẹ ovwan otọna-a, o dia ayen ri ji kpono ovwan kpo ẹguare na-a?

Jems 2:6 Referans Kwoze

Isẹ 17:5

Ohwo rọ vwẹ ovwiogbere jehwe ọ je vwẹ Ọrọmarọ jehwe, ohwo rọ ghọghọ okpetu rẹ ohwo ofa che fiabọ rẹ ehwe-e.

1 Kọrẹnt 11:22

Die! Ovwan vwo uwevwi ra da da ra da ria-a? Eyẹ kẹ ovwan jẹ ishọshi rẹ Ọghẹnẹ fia wa me rha phọphọ otu re mrẹ ria-a? Kidie me ta kẹ ovwan? Ki mi jiri ovwan vwẹ ọnana? Ejo vwo, mi se jiri ovwa-an.

Isẹ 14:31

Ohwo ro shenyẹ ovwioghere o yivwaro kpahe ọ rọ Marọ, ẹkẹvuọvo ohwo ro yovwevun kpahe ogbere o mu ọghọ kẹ.

Une rẹ Ejiro 14:6

Wo se miovwo iroro rẹ ovwiogbere, ẹkẹvuọvo Ọrovwohwo ọye odjahọ rọye.

Jems 5:4

Gbe nighe osa rẹ ihwo re wan ewan kẹ wẹ, rẹ wọ teye bọma, i ro brenu hwe we; enuebro rẹ ihwo ri vun enẹ kẹ wẹ, Ọrovwohwo Ọghẹnẹ rẹ ofovwi nyo ayen ejobi re.

Jems 2:3

wo de mu ọghọ kẹ ohwo rọ vwẹ emwa iyoyovwi rhuo na ta nẹ, Tidia omamọ rẹ asan, wa me rha ta kẹ ovwiogbere na nẹ, Mudia etiyin, eyẹ tidia akpanurhe yena;

Iruo rẹ Iyinkọn na 17:6

Ọke rẹ obọ rayen gbi te aye-en, ayen de kpono Jasin kugbe imoni na evo rhe otu ri suẹn na, tanẹ, Enana hẹ ihwo rẹ bọvwọn akpọ na rhuẹ na eye je rhe obonẹ na.

Iruo rẹ Iyinkọn na 13:50

Ẹkẹvuọvo ihwo ri Ju na da kpare ophu rẹ eya ri vwo erhi rẹ ẹga kugbe ihwo ride rẹ orere na, ayen de mu kpahe Pọl kugbẹ Banabas, a da djẹ ayen nẹ ẹkuotọ rayen.

Iruo rẹ Iyinkọn na 8:3

Ẹkẹvuọvo Sọl de phi ohra phihọ ishọshi na, kọ yan ro evun rẹ uwevwi kuwevwi, re mu eshare kugbe eya o mi mu ayen phihọ uwodi.

Zekaraya 7:10

we shenyẹ ayeuku-u, we shenyẹ ọmọphrorivwi-i we shenyẹ ọrharha-a, eyẹ ogbere-e, e jẹn ohwo ovuọvo jẹ iroro umwemwu kpahe omoni rọye vwẹ udu rẹ ovwa-an.

Emọs 5:11

Fiki rẹ obo we vwo chiyi ovwiogbere muotọ na ru wa da karhiẹ ọka rọye mie na, kọye wa vwọ bọn iwevwi rẹ eragha, ẹkẹvuọvo wa cha dia aye-en, wa kọn omamọ rẹ ogba ri vain, ẹkẹvuọvo wa cha da udi raye-en.

Aghwoghwo 5:8

Ọ da dianẹ wọ mrẹ ubrakpọ re de shenyẹ ivwiogbere na ra da kpare ọvwata vẹ ọsoso kuẹfia, wo jo gbe we unu-u; kidie oruiruo ro kpenu ji vwo ọfa ro kpenu nọ rọ rhẹrẹ, efa re je rhonọ eyena je hẹ enu rẹ ayen.

Isẹ 22:16

Ohwo ro shenyẹ ovwiogbere rere efe rọye vwọ bu, eyẹ ọ da ghwẹ ekọn rọye vwọ kẹ ọdafe, ọbẹvwẹ che hwe vwobo.

Une rẹ Ejiro 12:5

Fikiridie ivwiogbere na e miovwe ayen, ọ rẹ akpọ bẹnre de irhivwẹ, Mi vrẹn vwẹ Asakiephana, eriyin Ọrovwohwo tare; Mi phio phihọ evun re ufuoma rẹ urhuru rọye sio na.

Une rẹ Ejiro 10:14

Wọ ghene mrẹ, uyota, wọ ka oka phihọ ukpokpogho kugbe ivuemiovwo rere wọ vwọ mrasan reyọ phihọ obọ wẹn; omiovwuyovwi phi oma rọye phihọ obọ wẹn; wọwẹ ọchuko rẹ ọmọphrorivwi.

Jems 5:6

Ovwan brorhiẹ hwe, ovwan teyọ ihwo esiri na hwe; yẹ ayen nenẹ ovwan si oma-a.

Iruo rẹ Iyinkọn na 18:12

Ẹkẹvuọvo ọke ri Galio vwọ hẹ osun rẹ Akaya, ihwo ri Ju na de kuoma gbe vwọ so Pọl ayen de muo vwọ rhe ẹguare,

Habakọk 3:14

Wọ da vwẹ ugbẹn rẹ ọgba vwo duvwu uyovwi rẹ ọgba ofovwi na fi, re rhere kere ogiribo rhe hra vwẹ, rọ ghọghọ kerẹsiẹ ra da bẹbẹ mu ovwiọgbere rọ.

Emọs 4:1

Nyo ota nana, ovwan irhuẹn ri Bashan, re he enu rẹ ugbenu ri shenyẹ ivwiegbere re guọghọ ihwo rẹ akpọ bẹn, re ta kẹ eshare rayen nẹ, Vwọ rhe re ma da!

Aizaya 53:3

A jẹrẹfia ihwo serọ, ohwo re oja, ivuemiovwo rierierẹ oma, kerẹ ohwo ra mrẹ si opharo djẹ, a jẹrẹfia, avwanre sere gbe ohwo-o.

Une rẹ Ejiro 10:10

O pho mu omiovwuyovwi ọ me guọghọ, shuo phihọ otọ, o mi she vwẹ oma rẹ ẹgba rọye.

Une rẹ Ejiro 10:8

O tidia ghrọ phihọ vwẹ evun rẹ eko na; vwẹ evun rẹ odjahọ ọ da teyọ ọvwata hwe. Ẹro rọye bẹdẹ rhẹrẹ omiovwuyovwi,

Une rẹ Ejiro 10:2

Vwẹ evwan rọ udu rọye ọye oruimwemwu vwọ tua ovwiogbere kpata kpata, jẹn ayen ọvo mu ufi rẹ egbẹnẹkẹ rẹ ayen kpahere na.

ỌBE RẸ JOB 20:19

Kidie ọ ghwọrọ ọgbere ọ da rha siọn, uwevwi rọ bọnre-e ọ gbọrhiro reyọ.

Iyẹnrẹ Esiri ri Jọn 8:49

Jesu da kpahe, Mi vwo idẹbono-o; ẹkẹvuọvo mi mu ọghọ kẹ Ọsẹ mẹ, yẹ ovwan mu ọghọ kẹ vwẹ-ẹ.

Isẹ 18:23

Ogbere nabọ yovwo unu, ẹkẹvuọvo ọdafe kpahe ota waẹ wae.

Isẹ 22:7

Ọdafe ọye suẹn ogbere, omomo igho ọviẹn rẹ ohwo ro momo kẹ.