Jems 2:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ovwan kerhọn, imoni mẹ re ghare. Ọ dia Ọghẹnẹ ọvo re sanọ ihwo rẹ akpọ se nẹ ovwiogbere na nẹ e rhe dia edafe rẹ esegbuyota kugbe ireuku rẹ uvie ro veri kẹ otu re guọnerọ na?

Jems 2:5 Referans Kwoze

Matiu 5:3

Ebruba kẹ igbere vwẹ erhi; kidie uvie rẹ odjuvwu kọ dia ọrayen.

Iyẹnrẹ Esiri ri Luk 6:20

Ọ da kpare aro kpenu ni idibo rọye, ọ da ta: Ebruba kẹ ovwan ivwiogbere, kidie uvie rẹ Ọghẹnẹ kọ dia ọ rẹ ovwan.

Ẹvwọphia 2:9

Me riẹn ọdjarhe wẹn kugbe ẹnso wẹn (ẹkẹvuọvo yi wo feri) kugbe ophọphọvwe rẹ ayen otu ri se oma rẹ ayen ihwo ri Ju yẹ ayen dia ihwo ri Ju-u, ẹkẹvuọvo da yẹ ayen ẹshẹ rẹ Idẹbono.

2 Kọrẹnt 8:9

Kidie ovwan riẹn ẹserọphẹ rẹ Ọrovwavwanre Jesu Kristi na nẹ, dede nẹ obo ro fe te na, yẹ fiki rẹ avwanre ọ da rhe dia ogbere, rere vwẹ oma rẹ ogbere roye avwanre vwọ mrasan fe.

Iyẹnrẹ Esiri ri Luk 12:21

Ọtiọye ọ epha kẹ ohwo ro koko efe kẹ oma rọye, o gbi rhe fe vwọ kẹ Ọghẹnẹ-ẹ.

1 Pita 1:4

vwọ kẹ ukuẹriọ ro jẹghwọrọ, ro jẹ ẹgua evwo, rọ tẹ-ẹn, ra sẹro rọye vwẹ obo odjuvwu kẹ ovwan.

Jems 1:12

Ebruphihọ kẹ ohwo ro chirako vwẹ ọke rẹ odavwini: fikiridie o de mudia gan, ko vwo erhu rẹ arhọ na, rẹ Ọrovwohwo ve phihọ kẹ otu re guọnerọ.

Hibru 11:26

O de roro nẹ ekan ra harhe ohwo fiki ri Kristi re ma dia efe rode nọ efe rẹ Ijipt, fikiridie ọ vwẹ ẹro so osa na.

Iyẹnrẹ Esiri ri Luk 12:32

Wa djẹ oshọ-ọ, imigegede mẹ, kidie evun esiri rẹ Ọsẹ na rọ vwọ vwẹ uvie na kẹ ovwan.

1 Kọrẹnt 2:9

Ẹkẹvuọvo, kirobo re siro, Obo rẹ ẹro je mrẹ dẹvo-o, eyẹ erhọn ji nyo-o, eyẹ udu rẹ ohwo rẹ akpọ ji roro phia-a, obo rẹ Ọghẹnẹ rhuẹrẹ phihọ otọ kẹ ayen otu re guọnerọ,

Matiu 25:34

Ovie na kọ ta kẹ ihwo re hẹ obọrhe rọye nẹ, Wa yanrhe ihwo rẹ ọsẹ mẹ bruba kẹ, wa rhe reuku rẹ uvie ra rhuẹrẹ vwọ otọ kẹ ovwan nẹ otọ rẹ akpọ rhe.

Ẹvwọphia 21:7

Ọ ro phi kparobọ kọ reuku nana, ke me dia Ọghẹnẹ rọye kọ dia ọmọ mẹ.

Jems 1:9

E jẹn omoni ro dia ovwiogbere ghọghọ fikiridie e vwiro kpenu.

2 Timoti 4:8

Kẹ etinẹ arare a vwẹ erhu rẹ uvie rẹ ọvwata na kpahe oboyin hẹrhẹ ovwẹ, rẹ Ọrovwohwo na, oguẹdjọ rẹ esiri na, cha vwọ kẹ vwẹ vwẹ Ẹdẹ yena, ọ dianẹ kẹ omẹvwẹ ọvo-o ẹkẹvuọvo vwọ kẹ ayen ejobi re guọnọ ẹcha rọye.

2 Kọrẹnt 6:10

kerẹ ihwo re reoja, yẹ ayen ghọghọ kọke kọke; kerẹ ivwiogbere, yẹ ayen nẹrhẹ ihwo buebu fe; kerẹ ihwo ri vwo emuọvo-o, yẹ ayen vwo emu kemu.

Ẹvwọphia 3:18

Kọye mi vwo dje aghwanre kẹ wẹ nẹ dẹ oro rọ epha wrowro mie vwe, re wo fe; kugbe ewun ọfuanfon wo ku phihọ rere wo rhurhu ẹban wẹ re oma vwo jẹ uwe ẹvuọ, rere wọ rhọghọ ẹro wẹn, re wọ mrorẹ.

1 Timoti 6:18

Jẹn ayen ru emu esiri jẹn ayen fe efe rẹ uruemu esiri, jẹn ayen ru ẹse,

Iyẹnrẹ Esiri ri Luk 16:25

Ẹkẹvuọvo Ebraham da ta, Mọmẹ, karohọ nẹ vwẹ ọke ru wọ vwọ hẹ obo akpọ wo vwo emu esiri buebu, eriyin rhe Lazarọs je mrẹ ẹnso buebu; ẹkẹvuọvo Asakiephana ọ hẹ ofuvwegbe vwẹ obonẹ, yo wẹ hẹ ogidi.

Matiu 11:5

orhuẹro mrẹ orẹ, okpolo yanre, ehonvwoti e sivwi ayen, idierhọ nyo ẹme, irivwi vrẹre, iyẹnrẹ esiri na eghwoghwiro kẹ igbere.

1 Samuẹl 2:30

Vwẹ ọtiọye na Ọrovwohwo Ọghẹnẹ rẹ Izrẹl na tare: Mi veri jovwo nẹ uwevwi wẹn kugbe uwevwi rẹ ọsẹ wẹn ke ro uwevwi ro otafe vwẹ obaro mẹ bẹdẹ; ẹkẹvuọvo asakiephana Ọrovwohwo tare: ọ gbe dia omẹvwẹ; ọfa-a; kidie ihwo ri mu ọghọ kẹ vwẹ eye mi mu ọghọ kẹ, ihwo re jẹ vwẹ fia ke ni ayen phorhi.

2 Pita 1:11

Vwẹ ọtiọye na ka rhuẹrẹ idjerhe kẹ ovwan rẹ ovwan cha wan kpo uvie ri bẹdẹ na rẹ Ọrovwavwanre kugbe Osivwi rẹ avwanre Jesu Kristi.

2 Timoti 4:18

Ọrovwohwo ko se sivwi uvwe nẹ emu obrabra ejobi, ko ji sivwi uvwe ra ro uvie rọye vwẹ obo odjuvwu. Ọye a vwẹ urinrin kẹ bẹdẹ bẹdẹ Isẹ.

2 Tẹsalonaika 1:5

Ọnana kẹ iseri rẹ ẹdjọ rẹ ọvwata rẹ Ọghẹnẹ, rere e vwo se ru ovwan fo kẹ uvie rẹ Ọghẹnẹ, rẹ ovwan vwi fiki rọye reoja na–

Ẹfesọs 3:8

Mẹvwẹ, dede nẹ mẹvwẹ re ma hanvwe vwẹ usun rẹ ihwo efuanfon na ejobi, ọye a vwẹ ẹserọphẹ kẹ, vwo ghwoghwo kẹ ihwo ri Keferi efe ri Kristi rẹ otọ rọye bẹn ẹguọnọ.

Ọbe ri Pọl si rhe Ihwo ri Rom 8:17

avwanre da dia emọ, kẹ ereuku, ereuku rẹ Ọghẹnẹ kugbe ihwo ri vi Kristi gbe ko ko reuku, kirobo rẹ avwanre vẹ ọye re oja na eriyin avwanre vẹ ọye je ghọghọ kugbe te.

Iyẹnrẹ Esiri ri Luk 16:22

Ovwiogbere na de ghwu emakashe de muo kpo agada rẹ Ebraham. Ọdafe na de ji ghwu rhe e de sho;

Zekaraya 11:7

Ọtiọye Me rhe dia osuigegede rẹ igodẹ re reabe rẹ ughwu na vwọ kẹ otu rẹ chua eki rẹ igodẹ na. Me reyọ ekpọ ivẹ; mi de se ọvo Ẹserọphẹ, ọrivẹ mi de rhe se okugbe. Me da ghẹrẹ igodẹ na.

Aizaya 29:19

Ihwo dẹndẹn cha mrẹ aghọghọ ọkpokpọ vwẹ evun rẹ Ọrovwohwo, ovwiogbere vwẹ usun rẹ ihwo na cha ghọghọ vwẹ Oma rẹ Ọfuanfon Ọvuọvo rẹ Izrẹl na.

Aizaya 14:32

Kidie ohwo ọvo kpahe kẹ iyinkọn rẹ irere na? Ọrovwohwo re vwe obọ rọye fan Zayọn ihwo rọye re mu kpahe kẹ evun rọye e da djẹrhọ.

ỌBE RẸ JOB 34:19

ohwo ro nẹ isun ẹro-o na, ro se edafe gbẹ ohwo nọ ivwiogbere-e na, kidie ayen ejobi iruo rẹ obọ rọye?

ỌBE RẸ JOB 34:10

Eriyin na, we gbe nyo vwe, ovwan ihwe ri vwo ọhọ, ọbẹbẹ kẹ Ọrovwoẹgba na re o vwo ru chọ.

Ẹyano 20:6

ẹkẹvuọvo ji nẹ eguọnọ ro jẹrhẹriẹ uri aku uri kẹ ayen otu re guọnọ ovwẹ re yọnrọn irhi me.

Jems 1:16

Imoni mẹ, wo ja phiẹn ovwa-an.

1 Tẹsalonaika 2:12

Avwanre rẹre rere eyere rẹ ovwan se vwo she phihọ kerẹ emọ rẹ Ọghẹnẹ re se rhe re uvie robọ rọye kugbe urinrin rọye.

Ẹfesọs 1:18

Ọke rẹ ẹro rẹ udu rẹ ovwan de rhie nu, ovwan vwọ sa riẹn obo rẹ iphiẹrohọ rẹ use re se ovwan phihọ na epha, obo rẹ urinrin rẹ ukuẹriọ bute kẹ ihwo efuanfon na.

2 Kọrẹnt 4:15

Kidie ọnana ejobi ki fiki rẹ ovwan, rere kerẹ ọtiobo rẹ ẹserọphẹ dje ebuo ebuo kẹ ihwo na rere ẹkpẹvwẹ vwo se bu, vwọ kẹ urinrin rẹ Ọghẹnẹ.

Iyẹnrẹ Esiri ri Jọn 7:48

Kẹ otu ri vwo ogangan na eyẹ Farisi na sere gbuyota?

Iyẹnrẹ Esiri ri Luk 22:29

kirobo rẹ Ọsẹ mẹ vwẹ uvie mu kẹ vwẹ na, ọtiọye mi ji vwo mu kẹ ovwan.

Iyẹnrẹ Esiri ri Mak 7:14

Ọ kẹ rhoma se ihwo na bro rhe, ọ da ta kẹ ayen, Ovwan ejobi me kerhọn rẹ ota mẹ, rere ovwan riẹn otọ rọye;

Zekaraya 11:11

Ọtiọye e miovwiro vwẹ ẹdẹ yena ineki rẹ igodẹ, otu re rhẹrẹ ovwẹ jovwo na, riẹnre nẹ ọye ota rẹ Ọrovwohwo.

Zẹfanaya 3:12

Kidie ki mi che ji ihwo evo vwẹ uherevie rẹ ovwan ihwo dẹndẹn re vwẹ oma kpotọ. Ayen ke cha djẹ sioma nu vwẹ ọde rẹ Ọrovwohwo na,

Isẹ 8:32

Asakiephana, emọ mẹ, kerhọn mẹ, aghọghọ kẹ ihwo ri nene idjerhe mẹ.

Isẹ 7:24

Asakiephana, Emọ na, wa gba kerhọn mẹ, rere wa nabọ nyo eta rẹ unu mẹ.

ỌBE RẸ JOB 38:14

E wenire kerẹ ephiẹn vwẹ otọ rẹ ema na, e de chere kerẹ ewun.

1 Ivie 22:28

Maikaya da ta, Wo de rhivwi rhe vwẹ ufuoma, yẹ Ọrovwohwo rha ta ota kẹ vwẹ-ẹ. Ọ da ta, Nyo, ihwo na ejobi.

Iruo rẹ Iyinkọn na 7:2

Stivin da ta; Imoni kugbe esẹ we nyo vwẹ. Ọghẹnẹ rẹ urinrin na vwẹ oma phia kẹ Ọsẹ rẹ avwanre Ebraham, ọke rọ vwọ ka dia Mẹsopotamia, kẹsiẹye ọ ke rhe dia Haran,

Iguẹdjọ 9:7

Ọke ra vwọ ta kẹ Jotam nu, ọ da yanran re mudia enu rẹ Ugbenu ri Gerizim, o de kperi ta kẹ ayen nẹ, ovwan kerhọn mẹ, ovwan eshare ri Shikẹm, rere Ọghẹnẹ je kerhọ rẹ ovwan

1 Samuẹl 2:8

Ọ kpare ovwiogbere nẹ iwurhie ọ kpare ọ rẹ akpọ bẹn kpenu nẹ evun rẹ erhurhu, rere ayen vẹ isun tidia kugbe rere ayen reuku rẹ ọghọ. Kidie ichivwo rẹ akpọ na ọ rẹ Ọrovwohwo, enu rẹ ayen o mu akpọ na vi.

Isẹ 13:7

Ohwo ọvo herọ ro soma rọye ọdafe, yo vwo emuọvo-o, ọfa herọ ro soma rọye ogbere, yo vwo efe buebu.

Jems 1:19

Imoni mẹ re ghare, ovwan riẹn ọnana. Ẹkẹvuọvo e ji kohwo kohwo fobọ nyo ẹme, ọ fobọ, kpahe ota-a, ọ fobọ mu ophu-u.