Jems 1:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ E jẹn omoni ro dia ovwiogbere ghọghọ fikiridie e vwiro kpenu.

Jems 1:9 Referans Kwoze

Isẹ 19:1

O yovwi vwọ kẹ ogbere rọ rhẹrhẹ akpọ nọ ohwo ro muẹ eta ta fanfanrhiẹ, rọ je dia ẹkpa.

2 Kọrẹnt 6:10

kerẹ ihwo re reoja, yẹ ayen ghọghọ kọke kọke; kerẹ ivwiogbere, yẹ ayen nẹrhẹ ihwo buebu fe; kerẹ ihwo ri vwo emuọvo-o, yẹ ayen vwo emu kemu.

Ẹvwọphia 2:9

Me riẹn ọdjarhe wẹn kugbe ẹnso wẹn (ẹkẹvuọvo yi wo feri) kugbe ophọphọvwe rẹ ayen otu ri se oma rẹ ayen ihwo ri Ju yẹ ayen dia ihwo ri Ju-u, ẹkẹvuọvo da yẹ ayen ẹshẹ rẹ Idẹbono.

Iyẹnrẹ Esiri ri Luk 1:52

Ọ vwẹ ihwo ri kpenu kpotọ, ọ kpare ihwo ri kpotọ kpenu.

Isẹ 17:5

Ohwo rọ vwẹ ovwiogbere jehwe ọ je vwẹ Ọrọmarọ jehwe, ohwo rọ ghọghọ okpetu rẹ ohwo ofa che fiabọ rẹ ehwe-e.

Une rẹ Ejiro 62:9

Ihwo ri kpotọ emu ghevweghe, ihwo ri kpenu ji ophiẹnvwe; a da vwavwọn ayen; ayen pharhe nọ emu diodi.

Urhi Rivẹ 15:11

Kidie ogbere se fue nẹ otọ na-a; eriyin na mi ji iji kẹ wẹ na, Wọ kẹkẹ obọ kẹ ọniọvo wẹn, kẹ ọ rọ ọbẹn vẹ ovwiogbere rẹ otọ na.

Urhi Rivẹ 15:9

We ni oma te rere we vwo jẹ iroro ofefe evwo vwẹ udu, vwọ ta nẹ, Ẹgbukpe rẹ ighwrẹ na si kẹre rẹ, ukpe rẹ vwo siobọnẹ na, wọ da rha vwẹ ẹro ọbrabra kpahe oniọvo wẹn rẹ ogbere na, ru we de jẹ kẹ ro de rhi kperi kẹ Ọrovwohwo kpahe owẹ, ọ Me rhe dia umwemwu kẹ wẹ.

Urhi Rivẹ 15:7

Ọ da dianẹ ogbere hẹ uherevie rẹ ovwan, ọvo vwẹ imoni rẹ ovwan na, vwẹ evun rẹ orere korere vwẹ otọ rẹ ovwan rẹ Ọrovwohwo rẹ Ọghẹnẹ vwọ kẹ ovwan na, wa ga udu kẹ-ẹ we ji rhurhu obọ kẹ oniọvo rẹ oghẹre na-a,

Filipae 3:14

me ra pharha kpo obaro fiki rẹ osa rọ hẹ use na vwẹ obenu vwẹ evun ri Kristi Jesu.

Filipae 3:3

Avwanre hẹ ihwo re yanvwe omamọ rẹ oyanvwe na, re gọ Ọghẹnẹ vwẹ erhi, ri vwi Kristi Jesu vwọ yan eyan, re vwẹ ẹro so ugboma-a.

Ọbe ri Pọl si rhe Ihwo ri Rom 8:17

avwanre da dia emọ, kẹ ereuku, ereuku rẹ Ọghẹnẹ kugbe ihwo ri vi Kristi gbe ko ko reuku, kirobo rẹ avwanre vẹ ọye re oja na eriyin avwanre vẹ ọye je ghọghọ kugbe te.

Iyẹnrẹ Esiri ri Luk 10:20

Dede na ovwan ghọghọ vwẹ ọna-a, nẹ irhi na vwẹ oma kpotọ kẹ ovwan; ẹkẹvuọvo wa ghọghọ nẹ e si odẹ rẹ ovwan phihọ odjuvwu.

Iyẹnrẹ Esiri ri Luk 9:48

ọ da ta kẹ ayen, Kohwo kohwo rọ reyọ omotete tiọna vwẹ odẹ mẹ yọ reyọ ovwẹ, kohwo kohwo rọ reyọ ovwẹ yọ reyọ ọ ro ji vwe rhe; kidie ohwo rọ ma havwe vwẹ ohri rẹ ovwan ejobi ọye re cha ma rho.

1 Samuẹl 2:8

Ọ kpare ovwiogbere nẹ iwurhie ọ kpare ọ rẹ akpọ bẹn kpenu nẹ evun rẹ erhurhu, rere ayen vẹ isun tidia kugbe rere ayen reuku rẹ ọghọ. Kidie ichivwo rẹ akpọ na ọ rẹ Ọrovwohwo, enu rẹ ayen o mu akpọ na vi.

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.

Aizaya 29:19

Ihwo dẹndẹn cha mrẹ aghọghọ ọkpokpọ vwẹ evun rẹ Ọrovwohwo, ovwiogbere vwẹ usun rẹ ihwo na cha ghọghọ vwẹ Oma rẹ Ọfuanfon Ọvuọvo rẹ Izrẹl na.

Iyẹnrẹ Esiri ri Luk 14:11

Kidie kohwo kohwo ro mu oma kpenu ka phọphọ, ohwo ro mu ọghọ kẹ oma ka kparọ kpenu.