Jems 1:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ẹkẹvuọvo ohwo ro rhe vwo aghwanre vwẹ usun rẹ ovwa-an, e jọ nọ vwẹ obọ rẹ Ọghẹnẹ, ọye ri se siobọ nẹ kemu kemu kẹ ohwo, ọ ghwọ kuẹ ohwo-o; kọ vwọ kẹ.

Jems 1:5 Referans Kwoze

Iyẹnrẹ Esiri ri Jọn 15:7

Ovwan da herọ vwẹ evun mẹ, rẹ eta mẹ da dia evun rẹ ovwan, gba nọ kemu kemu rẹ ovwan guọnọre, ke ruo kẹ ovwan.

2 Ikun rẹ Ivie 1:10

Asakiephana gba kẹ vwẹ obọ vẹ ẹriẹn re mi vwo sun ayen, kidie kono ri se sun ihwo nana, re epha buebu na?

Jems 3:17

Ẹkẹvuọvo aghwanre ro nẹ obenu rhe kọ dia yoyovwi tavwe, o ke rha vọn vẹ ufuoma, dẹndẹn, ọ fobọ kuomagbe, ọ vọnre vẹ arodọvwẹ kugbe uruemu esiri, o vwo ofẹnẹ-ẹ ọ phiẹn oma rọye-e.

Iyẹnrẹ Esiri ri Jọn 14:13

Emu kemu rẹ ovwan nọre vwẹ odẹ mẹ, mi se ruo, rere a vwọ vwẹ urinrin kẹ Ọsẹ na vwẹ oma rẹ Ọmọ na.

1 Jọn 3:22

obo rẹ avwanre nọrọ ejobi ka mrẹ reyọ, fikiridie avwanre yọnrọn urhi rọye avwanre ki rhe ru obo ri je.

Ẹyano 31:3

me da vwẹ Erhi rẹ Ọghẹnẹ vwọ vọn, ọ vẹ ogangan vẹ ọhọ vẹ erianriẹn vẹ ona ejobi,

Jems 5:16

Ovwan rhọvwe imwemwu rẹ ovwan kẹ ohwohwo, rere ovwan ohwohwo nẹ ẹrhovwo kẹ ohwo, rere e vwo sivwi ovwan. Ẹrhovwo rẹ ọvwata sẹ nọ umuesia.

Ẹyano 31:6

Nighe, Me je vwẹ Oholiab ọmọ rẹ Ahisamak vwo mu, ọ rẹ orua ri Dan; me je vwẹ ogangan kẹ ihwo re sa wian owian ejobi, rere ayen vwo ru obo re me ta kẹ wẹ na ejobi:

Iyẹnrẹ Esiri ri Jọn 4:10

Jesu da kpahe kẹ, Ọ da dianẹ wo riẹn ẹse rẹ Ọghẹnẹ, wo de rhe vughe ohwo rọ ta ota kẹ wẹ nẹ, Kẹ vwẹ ame da na, ku wa rhoma nọ ekpẹn rẹ ame rẹ arhọ, ka vwọ kẹ wẹ.

1 Ikun rẹ Ivie 22:12

Ọrovwohwo gba vwẹ ọhọ vẹ erianriẹn kẹ wẹ, rere ọ da vwẹ owẹ mu vwẹ enu rẹ Izrẹl nure wọ vwọ sa yọnrọn urhi rẹ Ọrovwohwo rẹ Ọghẹnẹ wẹn.

Jems 1:17

Kemu kemu esiri na ejobi obo odjuvwu i nẹ cha, nẹ obo rẹ osẹ rẹ urhukpẹ na cha ohwo ro vwo ẹrhẹriẹ-ẹ, rẹ uhoho re ebri ọvuọvo rheri-i.

Matiu 11:20

Kọ harha irere ro de ru iruo ride rẹ igbunu na, fikiridie ayen se kurhẹriẹ-ẹ.

2 Kọrẹnt 2:16

vwọ kẹ ọvo ọnrhe ororo nẹ ughwu kpo ughwu, vwọ kẹ efa ọnrhe ororo nẹ arhọ kpo arhọ. Kono ri teri ke imu nana?

Iyẹnrẹ Esiri ri Mak 16:14

Ukuko rọye ọ da vwẹ oma phia kẹ uhwọvo na rẹ ayen vwo tidia vwẹ udoemu; ọ da ghwọ ku ayen fiki ri jesegbuyota rayen kugbe udu ọgangan rayen, kidie ayen se otu re mrẹrẹ ro vwo vrẹn nu na gbuyota-a.

Une rẹ Ejiro 51:6

Nighere, wọwẹ re guọnọ uyota ro ne evun rhe; fiki rẹ ọtiọye na gbe yono uvwe aghwanre vwẹ udu mẹ.

Isẹ 8:17

Me guọnọ ihwo re guọnọ ovwẹ, ihwo re vwẹ oma kpotọ guọnọ ovwẹ ke mrẹ vwẹ.