Jems 1:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Gbe jẹ emudiaga wẹ ru iruo rọ gbare, rere wọ vwọ sa gbare tototo, wo jẹ emu ọvuọvo kare owẹ-ẹ.

Jems 1:4 Referans Kwoze

1 Pita 5:10

Ọke rẹ ovwan da reoja nu emerha, Ọghẹnẹ rẹ ẹserọphẹ ejobi, ro se ovwan rhe urinrin rọye ri bẹdẹ na vwi Kristi, okpuyovwi rọye kọ rhoma vọn, kọ vwẹ owọ rẹ ovwan muotọ, kọ kẹ ovwan ogangan.

Iyẹnrẹ Esiri ri Luk 21:19

Akoechiro wẹn wọ cha vwọ mrẹ arhọ wẹn reyọ.

Matiu 5:48

Ọtiọye na ovwan gba fon kirobo rẹ Ọsẹ rẹ ovwan rọ hẹ obo odjuvwu fonro na.

2 Timoti 3:17

rere ohwo rẹ Ọghẹnẹ vwọ gba, ra vwọ rhuẹrẹ kpahe kẹ iruo esiri.

Habakọk 2:3

Kidie emramrẹ na je hẹrhẹ ọke rọye; o re broma kpo obo oba, ọ cha vwọrọn efia-an. Ọ da dianẹ o gbẹ egherẹ, hẹrhẹ; o che jẹ ẹcha-a, o che krinọ-ọ.

Hibru 13:21

ọ kẹ ovwan emu esiri ejobi rere we vwo ru ọhọre rọye, ro ru iruo vwẹ evun rẹ ovwan. E jẹ ovwan ru iruo ro yovwiri vwẹ obaro rọye, vwẹ oma ri Jesu Kristi; ọye a vwẹ urinrin kẹ bẹdẹ bẹdẹ. Isẹ.

Galesha 6:9

E jẹn oma rẹ iruo esiri rhọ avwanre-e, kidie vwẹ ọmọke wobọ avwanre che vun, ọ da dianẹ. uvwerhi gbe ro avwanre-e.

Une rẹ Ejiro 40:1

Mi hwe oma mu hẹrhẹ Ọrovwohwo; ọ ka erhọn mẹ o de nyo oviẹ mẹ.

Une rẹ Ejiro 37:7

Hwe oma mu kẹ Ọrovwohwo, re wo vwe erhiori hẹrhẹ, wọ phariẹ fiki rẹ ohwo ọfa rẹ idjerhe rọye yovwi kẹ-ẹ, eyẹ vwẹ enu rẹ ohwo rọ jẹ iroro umwemwu.

Jems 3:2

Kidie avwanre sheri vwẹ oma rẹ emu buebu. Ohwo ro rhe she vwẹ oma rẹ ota-a, yẹ ohwo yena omamọ rẹ ohwo ro se sun oma rọye rhe.

Jems 1:5

Ẹkẹvuọvo ohwo ro rhe vwo aghwanre vwẹ usun rẹ ovwa-an, e jọ nọ vwẹ obọ rẹ Ọghẹnẹ, ọye ri se siobọ nẹ kemu kemu kẹ ohwo, ọ ghwọ kuẹ ohwo-o; kọ vwọ kẹ.

1 Kọrẹnt 2:6

Vwẹ ohri rẹ ihwo rẹ ghwanre kẹ ọye avwanre de yono aghwanre, dede na yọ dia aghwanre rẹ oge nana-a eyẹ ọ rẹ isun rẹ oge nana-a, ri che ghwrẹ kuẹfia na.

Kolose 4:12

Epafras, ohwo ọvo vwẹ usun rẹ ovwan na, odibo ri Jesu Kristi nẹ eyere ovwan; kẹdẹ kẹdẹ ọ vwọ nẹ ẹrhovwo kẹ ovwan, rere ovwan se vwo mudia gan vwẹ evun rẹ iruo rẹ Ọghẹnẹ na.

Iyẹnrẹ Esiri ri Luk 8:15

I ri she phiyọ otọ esiri na, ena ihwo re vwẹ udu esiri reyọ ota na, vwẹ evun rẹ erhiori ayen da mọ ubi.

Matiu 10:22

Ihwo ke cha jẹ ovwan eghrẹ fiki mẹ; ẹkẹvuọvo ọ ro se chirako ri te oba, kọye re cha rhọ

ỌBE RẸ JOB 17:9

Yẹ ọvwata ji churu obọ mu idjerhe rọye, ohwo rẹ abọ rọye fonro ra gan phihọ.

Isẹ 4:8

Nabọ dẹ ghaghare, kọ cha kpare owẹ kpenu; kọ vwẹ ọghọ kẹ wẹ ru wọ da nabọ gbanọ boma.

2 Pita 1:9

Kidie ohwo kohwo rẹ imu nana kanre yo rhuẹro yẹ orẹmrẹ rọye sheri-i yọ gbe rha karohọ nẹ a hworhẹ ọye nẹ imwemwu rẹ awanre na-a.

Iyẹnrẹ Esiri ri Jọn 17:23

Me hẹ evun rẹ ayen yu wọ hẹ evun mẹ, rere ayen vwọ dia ọvo gbae, ọtiọye na akpọ na kẹ riẹn nẹ we ri ji vwẹ rhe me da rha guọnọ ayen kirobo ru wọ guọnọ ovwẹ.

Iyẹnrẹ Esiri ri Luk 18:22

Ọke ri Jesu vwo nyo, ọ da ta kẹ, Emu ọvo je kanre owẹ. Shẹ obo wo vwori ejobi re wọ ghare ayen kẹ ivwiogbere, ku wo vwo efe vwẹ obo odjuvwu; re wọ rhe, ri nene uvwe.

Iyẹnrẹ Esiri ri Mak 10:21

Ri Jesu vwo no ọ de je, ọ da ta kẹ Emu ọvo kanre owẹ; kpo, ra shẹ emu kemu ri wo vwori, re wọ vwo ayen kẹ igbere ku wo che vwo efe vwẹ obo odjuvwu; wọ rhe rhi nene uvwe.

Matiu 19:20

Emeghene na da ta kẹ nẹ, Me yọnrọn irhi na ejobi. Kọ rhọ ji chekọ?

1 Tẹsalonaika 5:23

E jẹ Ọghẹnẹ rẹ ufuoma vẹ ekpuyovwi rọye hworhẹ ovwan fon tototo; e jọ sẹro rẹ erhi vẹ ẹnwẹn kugbe oma rẹ ovwan ejobi rere o vwo jẹ abe evwo vwẹ ẹdẹ rẹ ẹcha rẹ Ọrovwavwanre Jesu Kristi.