Jems 1:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Imoni mẹ re ghare, ovwan riẹn ọnana. Ẹkẹvuọvo e ji kohwo kohwo fobọ nyo ẹme, ọ fobọ, kpahe ota-a, ọ fobọ mu ophu-u.

Jems 1:19 Referans Kwoze

Isẹ 17:27

Ohwo ro rhurhu ota ba unu jo vwo erianriẹn, ọ rọ vwọ ẹnvwẹ ofuefu ọye ohwo ro vwo ẹruọ.

Isẹ 21:23

Ohwo ro sẹro rẹ unu rọye vẹ ẹrẹnvwe rọye, kọ je sẹro rẹ oma rọye nẹ ukpokpogho.

Isẹ 14:29

Ohwo rọ fobọ mu ophu-u ọye ohwo ro vwo ẹruọ okokodo, ẹkẹvuọvo ohwo ro vwo ẹnwẹn ogigidi dje ughenghẹn phia.

Isẹ 10:19

Ohwo da dia ọgbota, riẹn nẹ oruchọ karobọ-ọ, ẹkẹvuọvo ohwo rọ sa yọnrọn unu rọye ọvwiroro oruẹ.

Isẹ 18:13

Wọ da kpahe ota tavwe wo ki nyo, ọyeẹkpa vẹ omẹvuọ.

Isẹ 13:3

Ohwo rọ serọ rẹ unu rọye che sivwi arhọ rọye; ọ rọ rhie unu rọye phihọ tẹ ẹtan cha họrhọ ro ughwu.

Isẹ 16:32

Ohwo rọ fobọ muẹ ophu-u yovwi nọ ọgba, ohwo ro se suẹ erhi rọye yovwi nọ ohwo rọ phio orere kua.

Ẹfesọs 4:26

Mu ophu ẹkẹvuọvo wo ru umwemwu-u; wo jẹn ọnre she kpotọ ghene ophu wẹ-ẹn,

Isẹ 15:18

Ohwo vẹ udu gidigidi sua ẹghwọ, ẹkẹvuọvo ohwo ro vwo udu odjidjiro fuẹ ọhọre.

Kolose 3:8

Ẹkẹvuọvo asakiephana ovwan gbe siobọ nẹ imu nana; ophu, ẹghwọ, eghrẹ, ota omiomiovwi, ogbegbeta ra ta nẹ unu cha.

Ẹfesọs 4:31

We siobọ nẹ ivuemiovwo kugbe ẹghwọ kugbe ophu kugbe oseghe kugbe ọphọphọvwe vwẹ ohri rẹ ovwan, vẹ ọnko.

Isẹ 18:21

Ughwu vẹ arhọ hẹ evun rẹ ogangan rẹ ẹrẹnvwe, ihwo re guọnerọ ke cha re emamọ rọye.

Kolose 3:15

We gbe jẹ ufuoma ri Kristi vwọ kẹ udu rẹ ovwan na, fue oseghe, ẹghwọ kugbe ukpokpogho re hẹ udu rẹ ovwan ejobi, fiki rẹ ufuoma na e vwo se ovwan rhe vwọ dia oma ọvo rọye na. Ovwan gba kpẹvwẹ.

Isẹ 19:11

Ohwo ro vwo ọhọ fobọ muẹ ophu-u, je vwẹ ọrho rode kẹ ro de kuaro fia kẹ oruchọ.

Isẹ 15:2

Ẹrẹnvwe rẹ ọvwaghwanre djẹ erianriẹn phia, ẹkẹvuọvo unu rẹ ẹkpa vwẹ ughenghẹn phia.

Isẹ 25:28

Ohwo ro se suẹn oma rọye-e, ọ họhọ orere ra roro ra da guọghọ ọgba ra gba riariẹ te otọ.

Isẹ 14:17

Ohwo ro vwẹ ẹnwẹn ọrhorhorho ruẹ uruemu rẹ ẹkpa, ẹkẹvuọvo ọvwiroro vwo odiri.

Matiu 5:22

Ẹkẹvuọvo me ta kẹ ovwan nẹ, ohwo kohwo rẹ evun rẹ omoni rọye miovwiri ekueku, ke vwo gu ẹdjọ; ohwo kohwo ro harhe omoni rọye nẹ, Eghwobi, ke vwo guẹdjọ kẹ ukoko rẹ ihwo, ohwo rọ harhere nẹ, Wẹ ẹkpa na, kọ vwẹ ẹro siẹn oja rẹ erhanre ri bẹdẹ.

Isẹ 17:14

Ẹtuọhọ rẹ ofovwi ọ họhọ ẹsiẹ re bru udio rẹ ame, vwẹ ọtiọye na gba kẹnẹ oma bẹsiẹ rẹ ẹghwọ vwọ phia.

Jems 1:26

Ọ da dianẹ ohwo rori nẹ ọye ọgba rẹ egagọ, rọ sẹro rẹ ẹrevwe rọye-e, ẹkẹvuọvo rọ da phiẹn udu rọye, yẹ egagọ rẹ ohwo yena ofefe.

1 Tẹsalonaika 2:13

Avwanre ke kpẹvwẹ Ọghẹnẹ kọke kọke fiki rẹ ọnana, nẹ ọke rẹ ovwan vwọ reyọ ota rẹ Ọghẹnẹ na ru we nyo miẹ avwanre na, ovwan reyerọ kerẹ ota rẹ ohwo rẹ akpọ-ọ ẹkẹvuọvo ovwan da reyọ kirobo rọ epha dẹn, ota rẹ Ọghẹnẹ, ro ruẹ iruo vwẹ oma rẹ ovwan otu ri sere gbuyota.

Nehemaya 9:17

ayen sen ọghọ, ayen gbi roro iruo rẹ igbunu ru wo ru vwẹ ohri rẹ aye-en; ẹkẹvuọvo ayen da gan udu ayen da vwẹ osun mu no sun ayen rhivwi kpo ọviẹn vwẹ Ijipt. Ẹkẹvuọvo wẹ Ọghẹnẹ rọ choma ro vwo ghovwo, ro vwo ehrọre vẹ arodọvwẹ, ọ fobọ mu ophu-u rọ vọnre vẹ ẹguọnọ ro jẹrhẹriẹ, wọ gbẹ sen aye-en.

Iruo rẹ Iyinkọn na 17:11

Asakiephana ihwo ri Ju nana keye me ru dẹndẹn nọ ayen otu re hẹ Tẹsalonaika, kidie urhuru rẹ ota na si ayen gangan, kẹ ayen hiẹ ẹbe ọfuanfon na sẹ imu nana ghine ọtiọye.

Iyẹnrẹ Esiri ri Luk 19:48

ẹkẹvuọvo ayen mrẹ obo rẹ ayen se ru-u, kidie ihwo na ejobi churu obọ mu ota rọye.

Iyẹnrẹ Esiri ri Mak 2:2

Otu buebu de rhi koko ọtiọye na asan gbe gba aye-en; kaka anurhoro dede; ọ da ta ota kẹ ayen.

Isẹ 19:19

Ohwo ro mu ophu ọgangan cha hwa osa rọye, kidie wo de sivwo obọvo nu, wọ je cha vwariẹ.

Iruo rẹ Iyinkọn na 10:33

Siẹvuọvo na mi de ji ikọn rhi se we, wo ruru ru wọ vwọ rhe. Asakiephana avwanre ejobi rhi koko vwẹ obaro rẹ Ọrovwohwo vwẹ etinẹ, rhi vwo nyo obo rẹ Ọrovwohwo vuẹ wẹ nẹ wo ta kẹ avwanre.

Iruo rẹ Iyinkọn na 2:42

Kọke kọke ayen vwo koko vwẹ uyono rẹ iyinkọn na ayen me re kugbe ayen me nẹ ẹrhovwo kugbe.

Iyẹnrẹ Esiri ri Luk 15:1

Asakiephana imiarhọghọ kugbe iruimwemwu ki siẹ kẹrẹ rere ayen nyo ota rọye.

Nehemaya 9:3

Ayen de vrẹn mudia vwẹ asan rẹ ayen epha ayen de se nẹ ọbe rẹ urhi rẹ Ọrovwohwo Ọghẹnẹ rayen rhe vwe ẹkẹne rẹ ẹdọke, ẹkẹne rẹ ẹdọke rẹ ọke na ayen da rhọvwe imwemwu ayen da ga Ọrovwohwo Ọghẹnẹ rayen.

1 Jọn 2:21

Mi si rhe ovwan, ọ dianẹ kẹ ovwan jẹ uyota na ẹriẹ-ẹn, ẹkẹvuọvo ovwan riẹnrẹ, ovwan je riẹn nẹ kaka ofian ọvuọvo je hẹ uyota na-a.

Iruo rẹ Iyinkọn na 13:48

Ọke rẹ ihwo ri Keferi vwo nyo ọnana, oma da vwerhe ayen ayen de jiri ota rẹ Ọghẹnẹ na; buebu ra vwẹ arhọ ri bẹdẹ na kẹ de segbuyota.

Iyẹnrẹ Esiri ri Mak 12:37

Ekpuyovwi ri Devid sere Ọrovwohwo; kemavọ ọ rha vwọ dia ọmọ rọye? Ihwo buebu da vwẹ aghọghọ kerhọn rọye.

Nehemaya 8:18

Nẹ ẹdẹ re te ẹdẹ, nẹ ẹdẹ rẹsosuọ re te ẹdẹ rọ ka ọba, o de se nẹ evun re ọbe rẹ urhi rẹ Ọghẹnẹ rhe. Ayen da re orẹ ẹdẹ ighwrẹ; vwẹ ẹdẹ rẹrenre ayen de vwo ọghwẹgbe ofuefu, kirobo rẹ iji epha.

Ukeri 22:27

Ọke rẹ ekẹtẹkẹtẹ na vwọ mrẹ amakashe rẹ Ọrovwohwo na, o de she diguẹ vwẹ obotọ ri Balaam; ophu de mu Balaam gangan ọ da reyọ ọkpọ rọye vwọ fa ekẹtẹkẹtẹ na.

Isẹ 29:20

Wọ mrẹ ohwo ro brẹ okpakpa rẹ ota? Iphiẹrohọ herọ kẹ ẹkpa nọ ohwo yena.

Iruo rẹ Iyinkọn na 1:15

Vwẹ ẹdẹ yena Pita de mudia uherevie rẹ imoni na unu rẹ ihwo na da dia oma rẹ ujosan, ọ da ta,

Jems 1:2

Imoni mẹ, ovwan ghọghọ, vwẹ ọke rẹ ọdavwini de te ovwan oma;

Jems 1:16

Imoni mẹ, wo ja phiẹn ovwa-an.

Jems 2:1

Imoni mẹ, wa vwẹ esegbuyota rẹ Ọrovwavwanre Jesu Kristi, Ọrovwohwo rọ vọnre vẹ urinrin na, vwo ni ohwo ẹro-o.

Jems 2:5

Ovwan kerhọn, imoni mẹ re ghare. Ọ dia Ọghẹnẹ ọvo re sanọ ihwo rẹ akpọ se nẹ ovwiogbere na nẹ e rhe dia edafe rẹ esegbuyota kugbe ireuku rẹ uvie ro veri kẹ otu re guọnerọ na?

Jems 3:10

Evun rẹ unu ọvuọvo na ọye ejiro vẹ ekan nẹ cha. Imoni mẹ, komavọ a mrẹ emu ọvo ọtiọye vwo.

Jems 4:11

Imoni, ovwan ta ota ọbrabra kpahe ohwohwo-o. Ohwo rọ ta ota omiomiovwi kpahe omoni rọye, eyẹ o de gu omoni rọye, yọ ta ota kpahe urhi na, urhi na kọye e ji ghwe vwo guo ẹdjọ; ẹkẹvuọvo wo de bru hwe urhi na, yu wo rhe nene urhi na-a, ẹkẹvuọvo oguẹdjọ kọye wọ epha.

Jems 5:12

Ẹkẹvuọvo ọ rọ marho ejobi, imoni mẹ, ovwan vwẹ odjuvwu eyẹ akpọ duvwẹ iyori-i; eyẹ kemu kemu ofa-a; ẹkẹvuọvo jẹ ẹjo wẹn dia ẹjo, rere e wẹn dia e; rere e vwo ju we ebrohwe.

Jems 5:19

Imoni mẹ, ọ da dianẹ ohwo ghwru nẹ idjerhe rẹ uyota na, rẹ ohwo ọvo de kuorhẹriẹ;

ỌBE RẸ JOB 32:16

Ke me cha hẹrhẹ, fikiridie ayen gbe kpahe ota-a, fikiridie ayen mudia etiyin ayen gbe kpahe ota ọfa-a?