Jems 1:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ebruphihọ kẹ ohwo ro chirako vwẹ ọke rẹ odavwini: fikiridie o de mudia gan, ko vwo erhu rẹ arhọ na, rẹ Ọrovwohwo ve phihọ kẹ otu re guọnerọ.

Jems 1:12 Referans Kwoze

1 Pita 5:10

Ọke rẹ ovwan da reoja nu emerha, Ọghẹnẹ rẹ ẹserọphẹ ejobi, ro se ovwan rhe urinrin rọye ri bẹdẹ na vwi Kristi, okpuyovwi rọye kọ rhoma vọn, kọ vwẹ owọ rẹ ovwan muotọ, kọ kẹ ovwan ogangan.

Ẹvwọphia 2:10

Wọ djẹ oshọ rẹ oja ru wọ cha re na-a. Nighe, idẹbono cha kpare ẹvo vwẹ usun rẹ ovwan na phihọ uwodi, rere a davwe ovwan ni, kẹ ovwan reoja ẹdẹ ihwe soso. Ovwan vwo esegbuyota re te ughwu, ke me vwẹ erhu rẹ arhọ na kẹ ovwan.

Jems 5:11

Nighe, ebruba kẹ ihwo ri chirako rhi te oba; ovwan ji nyo usi rẹ obo rẹ Ọrovwohwo ru kẹ Job te, vwẹ okuko rọye, obo ro nẹ arodọvwẹ kẹ te.

Ọbe ri Pọl si rhe Ihwo ri Rom 8:28

Avwanre riẹnre nẹ emu kemu ejobi rẹ ohwo rọ guọnọ Ọghẹnẹ ruru ọ phiọn kẹ, ihwo re seri kirobo rẹ ẹguọnọ rọye epha.

Matiu 10:22

Ihwo ke cha jẹ ovwan eghrẹ fiki mẹ; ẹkẹvuọvo ọ ro se chirako ri te oba, kọye re cha rhọ

1 Kọrẹnt 9:25

Ọdjonẹ kọdjonẹ nyẹ oma vwi kemu kemu ejobi. Ayen nyẹ oma rere ayen vwo vwo erhu rẹ ivwrevwre rọ ghwọrọ, ẹkẹvuọvo vwọ kẹ avwanre kẹ erhu ro jẹ ghwọrọ.

1 Pita 3:14

Ẹkẹvuọvo ọ da dianẹ ovwan reoja vwi fiki rẹ ọvwata, ke bruphihọ kẹ ovwan. Wa djẹ oshọ rẹ aye-en, eyẹ we bru udu-u,

2 Timoti 4:8

Kẹ etinẹ arare a vwẹ erhu rẹ uvie rẹ ọvwata na kpahe oboyin hẹrhẹ ovwẹ, rẹ Ọrovwohwo na, oguẹdjọ rẹ esiri na, cha vwọ kẹ vwẹ vwẹ Ẹdẹ yena, ọ dianẹ kẹ omẹvwẹ ọvo-o ẹkẹvuọvo vwọ kẹ ayen ejobi re guọnọ ẹcha rọye.

Jems 2:5

Ovwan kerhọn, imoni mẹ re ghare. Ọ dia Ọghẹnẹ ọvo re sanọ ihwo rẹ akpọ se nẹ ovwiogbere na nẹ e rhe dia edafe rẹ esegbuyota kugbe ireuku rẹ uvie ro veri kẹ otu re guọnerọ na?

1 Pita 5:4

Ọke rẹ onotu rẹ Osuigegede na da cha phia ku wo vwo erhu rẹ urinrin ro jẹphoriẹ.

1 Kọrẹnt 2:9

Ẹkẹvuọvo, kirobo re siro, Obo rẹ ẹro je mrẹ dẹvo-o, eyẹ erhọn ji nyo-o, eyẹ udu rẹ ohwo rẹ akpọ ji roro phia-a, obo rẹ Ọghẹnẹ rhuẹrẹ phihọ otọ kẹ ayen otu re guọnerọ,

Urhi Rivẹ 8:2

Wọ Me karohọ idjerhe ejobi rẹ Ọrovwohwo Ọghẹnẹ wẹn de sun we vwẹ ẹgbukpe ujuvẹ vwẹ evun rẹ aton na, ro vwo ru we vwẹ oma kpotọ, vwọ davwẹ owẹ ni, rọ vwọ riẹn emu rọ herọ vwẹ udu wẹn, se wọ rhọvwe yọnrọn irhi rọye eyẹ ẹjo.

Isẹ 17:3

Ẹphẹre a vwọ wran idọnọ, ẹkuerhanre kọye a vwọ wran oro, Ọrovwohwo re davwa udu rẹ ihwo nẹ.

Zekaraya 13:9

Ki mi che phi ẹkẹn rerha nana phihọ erhanre, re ruo fon kirobo re ru idọnọ fuan ye, ka davwe ayen kirobo ra davwe oro na. Ayen se odẹ Mẹ, ki mi nyo ke ayen. Ke Me ta nẹ, Ayen ihwo mẹ, Kẹ ayen ta nẹ, Ọrovwohwo na Ọghẹnẹ Mẹ.

Ẹvwọphia 3:21

Ohwo ro phi kparobọ, ke me kẹ ogangan ro vwo tidia ekete mẹ, kirobo ri mi phi kparobọ na re me vẹ Ọsẹ me de tidia ekete rọye na.

1 Pita 4:13

Ẹkẹvuọvo ghọghọ ra vwọ mrẹ nẹ wọ je re vwẹ ekẹn oja ri Kristi, rere ovwan sa vwọ ghọghọ re oma vwerhe ovwan vwẹ ọke rẹ urinrin rọye da cha phia.

1 Kọrẹnt 8:3

Ẹkẹvuọvo ohwo da guọnọ Ọghẹnẹ, ko riẹn ohwo yena.

Ẹvwọphia 3:19

Otu re me guọnọre, me ghwọ kuẹ eye me je fa; vwẹ ọtiọye na gbe vwo oruru re wo kurhẹriẹ.

Urhi Rivẹ 13:3

wọ kerhọ rẹ eta rẹ ọmraro yena-a, eyẹ ọvwerhẹ evwerhẹ yena-a. Kidie Ọrovwohwo Ọghẹnẹ wẹn na davwe ovwan ni, rọ riẹn se wa vwẹ udu rẹ ovwan ejobi gbe ẹnwẹn rẹ ovwan ejobi guọnọ Ọrovwohwo Ọghẹnẹ rẹ ovwan na.

Hibru 10:32

Ẹkẹvuọvo gba karohọ ọke ri jovwo, ọke rẹ ẹro rẹ ovwan vwo rhie nu, wo de chirako rẹ ohọnre ọgangan vẹ oja,

Une rẹ Ejiro 119:71

O yovwi ke vwe re me vwọ mrẹ ọdjarhe, rere mi vwọ yono iji wẹn.

Urhi Rivẹ 7:9

Vwẹ ọtiọye na wọ Me riẹn nẹ Ọrovwohwo Ọghẹnẹ wẹn na, yẹ Ọghẹnẹ; Ọghẹnẹ rẹ uyota, rọ yọnrọn ọphọ vẹ arodọvwẹ kẹ otu re guọnerọ re je yọnrọn irhi rọye ra ro uvwiẹ uriori; ro ọ Me hwa osa kẹ ohwo ri mu kpahọ gbonozẹ,

Hibru 6:15

Rẹ Ebraham, vwọ vwẹ erhiori hẹrhẹ, ive na de te obọ.

Matiu 25:34

Ovie na kọ ta kẹ ihwo re hẹ obọrhe rọye nẹ, Wa yanrhe ihwo rẹ ọsẹ mẹ bruba kẹ, wa rhe reuku rẹ uvie ra rhuẹrẹ vwọ otọ kẹ ovwan nẹ otọ rẹ akpọ rhe.

Une rẹ Ejiro 119:67

Favwe me kẹ mrẹ ọdjarhe ye me yan ghwru; ẹkẹvuọvo asakiephana me yọnrọn ota wẹn.

Nehemaya 1:5

Me da ta, E Ọrovwohwo Ọghẹnẹ re Odjuvwu, ọ rọ rhoro vẹ Ọghẹnẹ rọ muọshọ rọ sẹro rẹ ọphọ vẹ ẹguọnọ ro jẹrhẹriẹ ke otu re guọnerọ re sẹro rẹ irhi rọye,

Hibru 11:17

Vwẹ esegbuyota, vwẹ ọke ra vwọ davwẹ Ebraham ni, ọ da vwẹ Aizik gọ iye, ohwo re ve ive na kẹ da choma rọ vwọ vwẹ ọmọ rọye ọvuọvo na gọ iye,

Une rẹ Ejiro 119:75

Me riẹnre, E Ọrovwohwo, nẹ orhiebro wẹn ọsoso, ne ọdjarhe mẹ mrẹ re na dje uyota wẹn phia.

1 Jọn 4:19

Avwanre guọnerọ, fikiridie ọye re ka guọnọ avwanre.

Aizaya 64:4

Nẹ awanre rhe ohwo ọvo ji nyo-o eyẹ vwẹ erhọn nyo-ọ, ẹro je mrẹ Ọghẹnẹ ọfa chọ wẹ ra-a, ro ru iruo kẹ ihwo re hẹrhẹ owẹ.

Une rẹ Ejiro 5:11

Ẹkẹvuọvo gbe jẹ ihwo ri si oma nu vwẹ owẹ ghọghọ, jẹn ayen so ine rẹ aghọghọ; biko gba chọ ochọ rayen, rere ihwo re guọnọ odẹ wẹn mrasan vwo omavwerhe vwẹ oma wẹn.

Ẹyano 20:6

ẹkẹvuọvo ji nẹ eguọnọ ro jẹrhẹriẹ uri aku uri kẹ ayen otu re guọnọ ovwẹ re yọnrọn irhi me.

Hibru 12:5

Uche ro bru ovwan na ghwa chọrọ ovwan ẹro nure obo rọ vẹ ovwan jẹ iroro te kerẹ emọ na nẹ?– Ọmọ mẹ, wo nẹ uchebro rẹ Ọrovwohwo saka-a, eyẹ wo jẹ ivun miovwo uwe vwẹ ọke ra da ghwọ ku we-e.

ỌBE RẸ JOB 5:17

Nighe, aghọghọ kẹ ohwo rẹ Ọghẹnẹ ghwọku; fiki rẹ ọtiọye na wọ sian efafa re Ọrovwoẹgba na-a.

Une rẹ Ejiro 94:12

Ebruphihọ kẹ ohwo ru wọ ghwọ ku, E Ọrovwohwo kugbe ohwo ru wo yono nẹ evun re urhi wẹn rhe

Jẹnẹsis 22:1

Rẹ imu nana ejobi vwọ wan nu Ọghẹnẹ da davwe Ebraham ni, ọ da ta kẹ, Ebraham; O de nyo nẹ, Mẹvwẹ na.

ỌBE RẸ JOB 2:10

Ẹkẹvuọvo ọ da ta kẹ, Wọ ta ota kirobo rẹ ọvo vwẹ usun rẹ eya ri djidji na ta. Avwanre da reyọ emu esiri vwẹ obọ rẹ Ọghẹnẹ, a rha reyọ omiomiovwi vwọ? Vwẹ evun rẹ enana ejobi na Job vwẹ ẹbẹrunu rọye ru umwemwu-u.

Une rẹ Ejiro 11:5

Ọrovwohwo davwa ọvwata kugbe oruimwemwu, oma tuẹ erhi rọye kpahe ohwo ro gbe ozighi

Iyẹnrẹ Esiri ri Luk 6:22

Ebruba kẹ ovwan vwẹ ọke rẹ ihwo de tuoma rẹ ovwan, rẹ ayen da hẹriẹ ovwan nẹ oma re ayen da ghwọ ku ovwan, rẹ ayen de mu odẹ umwemwu kẹ ovwan, fiki rẹ Ọmọ rẹ ohwo!

Ọbe ri Pọl si rhe Ihwo ri Rom 5:4

odiri nẹrhẹ e vwo uruemu, uruemu kọ nẹrhẹ e vwo iphiẹrohọ,

2 Timoti 2:15

Ru obo rẹ udu wẹn ghare re wọ vwẹ oma wẹn kẹ Ọghẹnẹ kerẹ ohwo ọvo ra jẹreyọ, ọwena rẹ oma jẹvuọ, rọ nabọ yọnre ota rẹ uyota na.

1 Pita 4:14

A da ghwọ ku ovwan fiki rẹ odẹ ri Kristi, yẹ e bruba kẹ ovwan, fikiridie erhi rẹ urinrin kugbe ọ rẹ Ọghẹnẹ vẹ ovwan herọ.