Jems 1:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Jems odibo rẹ Ọghẹnẹ kugbe Ọrovwavwanre Jesu Kristi, ri si ọbe nana rhe orua ihwivẹ na re hrabọ ro akpọ na ejobi, mi yere ovwan.

Jems 1:1 Referans Kwoze

Izikiẹl 12:15

Ke ayen riẹn nẹ mẹvwẹ Ọrovwohwo na, vwẹ ọke re me da hra ayen vwẹ ohri rẹ ẹgberho na re me da hrahra ayen wan ẹkuotọ na ejobi.

1 Pita 1:1

Ọbe ri Pita, oyinkọn ri Jesu Kristi, si rhe otu re hẹ imu re hra ro Pọntus, Galesha, kepadosia, Esha, kugbe Bitinia,

Iyẹnrẹ Esiri ri Jọn 7:35

Ihwo ri Ju na da ta kẹ ohwohwo, Tivọ ohwo nana guọnọ ra rẹ avwanre de jẹ mrẹ? Kọ guọnọ bru otu re hrabọ ro ohri rẹ ihwo ri Grik na re yono ihwo ri Grik?

Iruo rẹ Iyinkọn na 8:1

Sọl je rhọvwe phihọ ughwu rọye na. Vwẹ ẹdẹ yena ukpokpogho rode da rhe dia kẹ ishọshi na vwi Jerusalẹm; ayen ejobi da hra ro otọ ri Judia kugbe Sameria, jokpa rẹ iyinkọn na ọvo yi nuro.

Iruo rẹ Iyinkọn na 26:7

ive rẹ orua ihwivẹ rẹ avwanre phiẹrohọ o te ayen obọ, kọye ayen vwọ nabọ gọ te ason te uvo. Fiki rẹ iphiẹrohọ nana kọye ihwo ri Ju vwo mu vwe na, E Ovie!

Iruo rẹ Iyinkọn na 15:23

vẹ ọbe nana. Imoni, iyinkọn na vẹ ekpako ri si ọbe onana vwo rhe imoni ri Keferi re hẹ Antiọk kugbe Silisha, e yere ovwan.

Taitọs 1:1

Pọl, odibo rẹ Ọghẹnẹ kugbe ọyinkọn ri Jesu Kristi, ro ghwoghwo esegbuyota na kẹ ihwo rẹ Ọghẹnẹ sanọ reyọ, rere ayen vwọ riẹn uyota na vẹ uyoyovwi rọye,

Galesha 2:9

rẹ ayen vwọ mrẹ ẹserọphẹ ra vwọ kẹ vwẹ rẹ, Jems vẹ Pita kugbe Jọn, re dia osunsun na, de rhie evun reyọ ovwẹ vẹ Banabas gangan, nẹ avwanre gbe bru otu ri Keferi ra re ayen rhe bru otu re yanvwere;

Iruo rẹ Iyinkọn na 15:13

Rẹ ayen vwọ ta ota nu, Jems da kpahe, Imoni, wa kerhọn me.

Urhi Rivẹ 28:64

Ọrovwohwo kọ hra ovwan ro uherevie rẹ ihwo na ejobi, nẹ oba rẹ akpọ na re te oba rẹ ivẹ; oboyi wọ da ga edjọ, edjọ rẹ irhe vẹ e rẹ elalọ e rẹ ovwan vẹ esẹ rẹ ovwan riẹnre-e.

Ọbe ri Pọl si rhe Ihwo ri Rom 1:1

Pọl, odibo ri Jesu Kristi, re seri nẹ ọ rhe dia ọyinkọn, re vwo mu nẹ o ghwoghwo iyẹnrẹ esiri rẹ Ọghẹnẹ

Iruo rẹ Iyinkọn na 21:18

Vwẹ ẹdẹ rọ kpaherọ Pọl vẹ avwanre de kpo obo ri Jems; ekpako na ejobi je hẹ etiyin.

Iyẹnrẹ Esiri ri Jọn 12:26

Ohwo da ga vwẹ, ko nene uvwe; asan re me epha, kẹ etiyin idibo mẹ je dia rhe; ohwo da ga vwẹ, Ọsẹ na kọ vwẹ ọghọ kẹ.

Matiu 19:28

Jesu da ta kẹ nẹ, Uyota me ta kẹ wẹ, Ovwan ri nene uvwe na, ọke rẹ Ọmọ rẹ ohwo de che tidia vwẹ enu rẹ ekete rẹ urinrin rọye, ovwan ki ji che tidia enu rẹ ekete ihwivẹ na de guẹdjo rẹ Izrẹl.

Ọbe ri Jud 1:1

Jud, odibo ri Jesu Kristi, kugbe oniọvo ri Jems ri si ọbe nana rhe ayen otu re seri, re ghare vwẹ obọ Ọghẹnẹ Ọsẹ na ra sẹro hẹrhẹ Jesu Kristi:

2 Pita 1:1

Ọbe ri Saimọn Pita, odibo kugbe ọyinkọn ri Jesu Kristi, ro si rhe ayen otu ri vwo esegbuyota nure re vẹ avwanre gba hẹ abavo vwẹ evun rẹ ọvwata rẹ Ọghẹnẹ rẹ avwanre kugbe Osivwi rẹ avwanre Jesu Kristi.

Filipae 1:1

Ọbe ri Pọl kugbe Timoti, idibo ri Kristi Jesu, si rhe ihwo efuanfon ejobi vwẹ evun ri Kristi Jesu re hẹ Filipae, vẹ ibishọpu kugbe idikini:

Galesha 2:12

Kidie tavwe rẹ ihwo ẹvo ki nẹ obo ri Jems rhe, ọ vẹ otu ri Keferi na gba ria emu kuẹgbe, ẹkẹvuọvo rọ ghwa vwọ mrẹ ihwo nana nu ọ da hẹriẹ oma rọye reyọ, fiki rẹ oshọ rẹ otu re yanvwere na.

Galesha 1:19

Ẹkẹvuọvo me gbe mrẹ ọyinkọn ọvuọvo ọfa-a, jokpa ri Jems rẹ oniọvo rẹ Ọrovwohwo na.

Iruo rẹ Iyinkọn na 15:21

Kidie nẹ ẹtuọhọ rẹ uvwiẹ na rhe, ọye Mọsis vwọ vwẹ ihwo vwo mu vwẹ orere korere ri ghwoghwiro, kidie e se kedidjala kedidjala vwẹ evun ri sinegọg na.

Iruo rẹ Iyinkọn na 1:13

Rẹ ayen vwọ ro orere na nu, ayen de yeri egegede na kpo ubruwevwi rẹ obenu na, etiyin kọye Pita vẹ Jọn, Jems vẹ Andru, Phihp vẹ Tọmọs, Batalomio vẹ Matiu, Jems ọmọ rẹ Alfiọs vẹ Saimọn rẹ Zilọt vẹ Judas ọmọ rẹ Jems diare.

Matiu 13:55

Ọna dia ọmọ rẹ ọwena na-a? re se oni rọye Meri? rọ vẹ Jems, Josẹf, Saimọn kugbe Judas gba hẹ imoni?

1 Ivie 18:31

Ilaija da tọrọ ibieragha ihwivẹ, kirobo rẹ orua rẹ emọ ri Jekọp epha, rẹ ota rẹ Ọrovwohwo bru rhe, tanẹ, Izrẹl re cha dia odẹ wẹn;

Urhi Rivẹ 30:3

kẹsiẹye Ọrovwohwo rẹ Ọghẹnẹ rẹ ovwan kọ vwẹ erhuvwu rẹ ovwan rhivwi rhe o mi ni arodọvwẹ rẹ ovwan, ohri rẹ ihwo rọ hra ovwan ra jovwo na o mi rhe koko ovwan nẹ oboyi rhe.

Livitikọs 26:33

Ke Me cha hra ovwan ro irere na ejobi, eda re dje phihọ ako ejobi ke che yoro ayen phia fiki rẹ ovwan otọ na kọ cha dia ofefe, irere re ovwan ejobi ka kua ayen fiotọ.

Iruo rẹ Iyinkọn na 12:17

Ẹkẹvuọvo o de kpogho obọ kẹ ayen nẹ ayen fo tovwi, o de gbe ikun rẹ obo rẹ Ọrovwohwo ru sio nẹ evun rẹ uwodi na rhe. Ọ da ta, we gbe ikun nana kẹ Jems kugbe imoni na. Ọ da yan jẹ ayen vwo kpo asan ọfa.

Ezra 6:17

Ayen de ze izobo vwẹ ẹdorẹ rẹ erhie rẹ uwevwi rẹ Ọghẹnẹ na, irhuẹn re eshare ujori, eghwanran uri, imigodẹ ujori ẹne, kugbe izobo rẹ umwemwu kẹ Izrẹl ejobi ẹkpro ihwivẹ, kirobo rẹ orua rẹ Izrẹl epha.

Urhi Rivẹ 4:27

Ọrovwohwo kọ cha hra ovwan phihọ ohri rẹ ihwo, umuchihwo rẹ ovwan keye e che jovwo vwẹ ohri rẹ ẹgborho ra cha djẹ ovwan ra na.

Ẹyano 39:14

Eragha ihwivẹ re herọ vẹ ẹdẹ rayen kerẹ edẹ rẹ emọ rẹ Izrẹl; ayen da dia kerẹ oka, ra tuọn odẹ ọvuọvo phihọ, vwọ kẹ orua ihwivẹ na.

Ẹyano 24:4

Mosis de si eta rẹ Ọrovwohwo na ejobi. O de vrẹn vwẹ irhiọke ride, ọ da so agbada phihọ esiri rẹ ugbenu na, vẹ ichivwo ihwivẹ, kirobo rẹ orua ihwivẹ rẹ Izrẹl epha.

Ẹvwọphia 7:4

Mi de nyo unu rẹ ihwo ra ka oka phihọ, uriori ujughwrẹ gbe ẹne ra ka oka phihọ, nẹ orua korua rẹ emọ rẹ Izrẹl rhe,

Iruo rẹ Iyinkọn na 2:5

Ọke yena ihwo ri Ju re dia Jerusalẹm, ẹyọnrọn irhi ri nẹ ẹgborho kẹgborho rẹ akpọ na rhe.

Iyẹnrẹ Esiri ri Luk 22:30

rere ovwan re re ovwan ria vwẹ enu rẹ imẹjẹ mẹ vwẹ uvie mẹ, re we tidia ekete mẹ de guẹdjọ rẹ orua ihwivẹ rẹ Izrẹl.

Matiu 10:3

Filip kugbe Batalomiu; Tọmọs kugbe Matiu rẹ omiarhọghọ; Jems ọmọ rẹ Alfiọs, kugbe Tadiọs.

Ẹsta 3:8

Etiyin Haman da ta kẹ Ovie Ahasuerus nẹ ihwo evo herọ re hra nene asan ejobi vwẹ ibrotọ ejobi rẹ uvie wẹn na; urhi rayen vẹ ọ rẹ ihwo efa dia ọvo-o, ayen je yọnrọn urhi rẹ ovie-e, vwẹ ọtiọye na ki didi erere ri te ovie re di vwo chiri ako rayen.

Ẹyano 28:21

Eragha ihwivẹ re cha dia dohwo dodẹ rọye, kerẹ unu rẹ emọ rẹ Izrẹl; ke cha dia kerẹ oka, ọvuọvo vẹ odẹ rọye, kirobo rẹ inurhoro ihwivẹ na epha.

2 Timoti 4:21

Fobọ rhe re ohwahwa ki she. Yubulọs nẹ eyere uwe, ọtiọye je hẹ Pudins kugbe Lainus kugbe Klọdia kugbe imoni na ejobi.

Iruo rẹ Iyinkọn na 23:26

Mẹvwẹ Kladiọs Laisias ri si ọbe nana rhe Ajuwẹ, osun Feliks, mi yere uwe.

Iyẹnrẹ Esiri ri Luk 6:15

Matiu kugbe Tọmọs kugbe Jems ọmọ rẹ Aifiọs, Saimọn ọ rẹ oru ri Ziiotu,

Iyẹnrẹ Esiri ri Mak 3:18

kugbe Andru, kugbe Filip, kugbe Batalomiu, kugbe Matiu, kugbe Tọmọs, kugbe Jems ọmọ rẹ Aifiọs, kugbe Tadiọs, kugbe Saimọn ohwo ri Kenan,

Urhi Rivẹ 32:26

Ke Me a ta nẹ, Me cha hra ayen shesheri, mi ru rere ihwo vwo jẹn ayen ẹkarohọ,