Isẹ 9:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Wọ ghwọ kuẹ ẹkpa-a ọ da rhe jẹ wẹ eghrẹn, ghwọ ku ọvwiroro, oma wẹn kọ vwerhọn.

Isẹ 9:8 Referans Kwoze

Une rẹ Ejiro 141:5

Jẹn ohwo esiri ghwiẹ vwẹ eyẹ ghwọ ku vwe vwẹ arodọvwẹ, ẹkẹvuọvo wo jẹn evwri rẹ ohwo umwemwu ghworo uvwe uyovwi-i; kidie me nẹ ẹrhovwo kpahe uruemu umwemwu rayen kọke kọke.

Isẹ 13:18

Ohwo rọ davwerhọn rẹ uyono-o ọbẹvwẹ vẹ omaẹphọphọ ọye ọ mrẹ, ẹkẹvuọvo ohwo rọ kerhọn rẹ ẹghwọ o vwọ ọrho vẹ ejiro.

Isẹ 23:9

Wọ ta eta wẹn vwẹ irharo rẹ ẹkpa-a, kidie ọ cha vwẹ eta rẹ aghwanre wẹn vwọ jehwẹ.

Isẹ 15:12

Ohwo rọ jẹ ejẹfia guọnọ nẹ a ghwọ ku ọye-e, o ji brẹ ọvwaghwanre kpo iroro ẹjẹ-ẹ.

Matiu 7:6

Wọ vwẹ obo re fonro kẹ eranko-o, eyẹ wọ reyọ amwa vwo rhuo esi-i, ayen de chiyi ayen muotọ emwa na ke bẹre.

Isẹ 29:1

Ohwo ra ghwọ kuẹ kọke kọke, yẹ udu rọye gan phihọ, che she kpregede e rhe che se sivwo-o.

Isẹ 28:23

Ohwo rọ ghwọ ku ohwo ọye cha mrẹ aruesiri vwẹ ukuko rọye nọ ohwo rọ vwẹ unu fefe jirẹ ohwo.

Livitikọs 19:17

Wo tuoma rẹ omoni wẹn vwẹ udu wẹ-ẹn, ẹkẹvuọvo wa vẹ ọrivẹ rẹ ovwan jẹ iroro kugbe, o rha dia ọtiọye-e ku wo che ru umwemwu fiki rọye.

Matiu 15:14

We jẹ ayen vwo; irhuẹro ayen ruẹ. Orhuẹro de sun orhuẹro ayen ivẹ ki she phihọ ọgọdọ.

1 Ivie 1:23

Ayen da vuẹ ovie nẹ, Netan rẹ ọmraro na rhere. Ọke rọ vwọ ro uwevwi bru ovie rhe, o de diguẹ bọvwọn opharo rhuotọ kẹ ovie.

1 Ivie 22:8

Ovie rẹ Izrẹl da ta kẹ Jehoshafat, Ohwo ọvo ji chekọ re duotọ rẹ Ọrovwohwo vwẹ obọ rọye, Maikaya ọmọ rẹ Imlah, ẹkẹvuọvo o tu vwe oma, kidie ọ mraro esiri kpahe ovwẹ-ẹ, ẹkẹvuọvo umiovwo. Jehoshafat da ta, E jẹn ovie ta ọtiọye-e.

1 Ivie 1:32

Ovie Devid da ta, Se Zadọk orherẹn na kẹ vwẹ, Netan rẹ ọmraro na, kugbe Bẹnaya ọmọ ri Jehoyada. Ọtiọye ayen de bru ovie rhe.

Isẹ 10:8

Ohwo rọ ghwanre vwẹ udu sa yọnrọn irhi, ẹkẹvuọvo ohwo ughenghẹn rọ ta ọpata cha họrhọ rua idẹbono.

Isẹ 13:1

Ọmọ rọ ghwanre nyo uyono rẹ ọsẹ rọye, ẹkẹvuọvo ọ rọ jẹ ọjẹfia kerhọn rẹ uchebro-o.

Isẹ 19:25

Ghwiẹ ọjejẹfia na, ohwo oghenghẹn ko yono aghwanre; ghwọ ku ohwo ro vwo ẹruọ, ko vwo erianriẹn phihọ.

Aizaya 36:21

Ẹkẹvuọvo ayen de fotovwi gbiẹi ayen kpahe ota ọvuọvo kẹ-ẹ kidie ovie tare nẹ, Wọ kpahe ota ọvuọvo kẹ-ẹ.

Isẹ 1:5

ọvwẹghwanren de nyo ọ me riẹn phihọ ohwo ro vwo eruọ ọye re riẹn ona,

Isẹ 23:23

Dẹ uyota reyọ, wọ shẹ-ẹ; dẹ aghwanre, kugbe uyono, vẹ ẹruọ.