Isẹ 8:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ kidie uyota ri che nẹ unu mẹ rhe, Oruimwemwu ẹgua vwọ kẹ ẹbẹrunu.

Isẹ 8:7 Referans Kwoze

Une rẹ Ejiro 37:30

Udu rẹ ọvwata ẹghwanre ọ vwọ ta ota, ẹrẹnvwe rọye ta ota ọsoso.

Iyẹnrẹ Esiri ri Jọn 8:14

Jesu da kpahe, Ọ da tobọ dianẹ mi se oseri kẹ omaobọ mẹ, iseri mẹ o rẹ uyota, kidie mẹ riẹn asan ri mi nurhe me je riẹn asan re me ra, ẹkẹvuọvo ovwan riẹn asan ri mi nurhe-e eyẹ asan re me ra-a.

Iyẹnrẹ Esiri ri Jọn 17:17

Ru ayen fon vwẹ uyota na; ota wẹn hẹ uyota.

Isẹ 12:22

Unu kunu rọ vwọrọn efian ejobi yẹ ẹgua kẹ Ọrovwohwo na, ẹkẹvuọvo ihwo ri ruẹ uyota vwerhọn oma.

Ẹvwọphia 3:14

Kẹ enẹ o si rhe amakashe rẹ ishọshi ri Laodisha: Eta rẹ ohwo re se Isẹ, ro segbuyota kugbe oseri rẹ uyota, ẹtuọhọ rẹ emama rẹ Ọghẹnẹ.

Iyẹnrẹ Esiri ri Jọn 18:37

Pailet da ta kẹ, Ọtiọye na wẹ kẹ ovie? Jesu da kpahe, We rẹ tare nẹ mẹvwẹ ovie. Kidie ọnana e vwo vwiẹ vwẹ, je vwi fiki rẹ ọnana me vwọ rhe akpọ na, rhi se oseri kẹ uyota na. Kohwo kohwo rọ dia ọ rẹ uyota na ko nyo urhuru mẹ.

Iyẹnrẹ Esiri ri Jọn 1:17

Kidie oma ri Mosis a wan kẹ avwanre urhi na; ẹserọphẹ vẹ uyota kẹ oma ri Jesu Kristi ọ wan rhe.

Isẹ 29:27

Ohwo ọbrabra hẹ ẹgua kẹ ọvwata, ẹkẹvuọvo ohwo rẹ idjerhe rọye phiọnre je hẹ ẹgua kẹ ohwo umwemwu.

ỌBE RẸ JOB 36:4

Kidie uyota eta mẹ dia efia-an, ohwo rọ gbare vwe eriariẹn vẹ owẹ gba herọ na.

Iyẹnrẹ Esiri ri Jọn 14:6

Jesu da ta kẹ, Mẹvwẹ hẹ idjerhe na, kugbe uyota na, kugbe arhọ na; ohwo ọvuọvo se bru Ọsẹ na rhe-e, ẹkẹvuọvo yẹ oma mẹ.

Isẹ 16:12

Ẹgua rode kẹ ivie rere ayen vwo ru umwemwu, kidie evun rẹ ọvwata ọye a vwọ reyọ ekete rẹ uvie na vwo mu.

Ọbe ri Pọl si rhe Ihwo ri Rom 15:8

Kidie me ta kẹ owẹ nẹ Kristi rhi hirhe oma phihọ odibo vwọ kẹ ihwo re yanvwere ro vwo dje uyota rẹ Ọghẹnẹ phia, rere o vwo ru ive ro ve kẹ esẹ ride na gba.