Isẹ 8:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ E ihwo ughenghẹn na, we yono aghwanre ovwan, E ẹkpa rẹ ihwo na, wa kerhọn.

Isẹ 8:5 Referans Kwoze

Isẹ 1:22

Mavọ okrite, ihwo igheghẹn na, rẹ ovwan ghẹn te? Otu re jehwẹ, mavọ ovwan jehwẹ krite, erianriẹn dẹ tu ekpa oma?

Iruo rẹ Iyinkọn na 26:18

Wo che rhie ẹro rayen, rere ayen kurhẹriẹ nẹ ebri kpo urhukpẹ vwo nẹ ogangan rẹ Idẹbọnọ vwo bru Ọghẹnẹ, rere ayen mrẹ evwoghovwo rẹ imwemwu kugbe ẹdia vwẹ ohri rẹ ihwo rẹ esegbuyota ru fon vwẹ evun mẹ.

Isẹ 1:4

rere a sa vwẹ iroro kẹ ihwo ighenghẹn erianriẹn vẹ evughe kẹ imighene

Une rẹ Ejiro 19:7

Urhi rẹ Ọrovwohwo na gbare, ọ rhọvwọ udu, iseri rẹ Ọrovwohwo na muẹro, ọ nẹrhẹ ogbori ghwanra,

1 Kọrẹnt 1:28

Ọghẹnẹ jẹ otu ri kpotọ kugbe otu ra jẹfia vwẹ akpọ na reyọ, obo re herọ dede-e, rere o vwo hirhe obo re herọ dẹn na vwọ hẹ emu diodi,

Aizaya 42:13

Ọrovwohwo yan phia kerẹ ọgba, kerẹ ohwo rẹ ofovwi rẹ ophu kpare, ọ viẹ phia, o kperi phia, ọ vwẹ ẹgba rọye phia gangan kẹ ivwighrẹ rọye.

Isẹ 9:4

kohwo kohwo ro ghẹri, jọ vwẹriẹ rhe etinẹ, ohwo ro vwo iroro-o ọye ọ ta kẹ nẹ,

Une rẹ Ejiro 94:8

Ọ ro wẹ, E ọ ro me ghẹn vwẹ usun re ihwo na! Ẹkpa na, ọkevọ wa vwọ ghwanre?

Isẹ 1:32

Kidie ihwo ughenghẹn na hiro ghwẹ kuẹfia fikiridie ayen vwẹ oma ba aye-en, ọjẹfia rẹ ẹkpa na kọye ri hwe ayen,

Isẹ 3:35

Ọvwẹghwanre cha re uku rẹ ọghọ, ẹkẹvuọvo ẹkpa kẹ uku rẹ ophọphọvwe.

Isẹ 8:4

Ovwan, E ihwo, ọye mi ro se na, fiki rẹ emọ rẹ ihwo rẹ akpọ mi vwo bunu na.

Isẹ 8:12

Mẹvwẹ, rẹ aghwanre, evun rẹ iroro me dia, me ke rha mrẹ erianriẹn vẹ ọhọ vughe.