Isẹ 7:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² yọnrọn irhi mẹ rere wọ vwọ rhọ, sẹro rẹ eyono mẹ kere ọmọ-ero wẹn.

Isẹ 7:2 Referans Kwoze

Une rẹ Ejiro 17:8

Sẹro mẹ kerẹ ọmẹro na, si vwe nu vwẹ otọ rẹ uhoho rẹ ibekpe wẹn,

Livitikọs 18:5

Vwẹ ọtiọye na ovwan gba yọnre irhi mẹ vẹ iji mẹ, e re vwẹ arhọ kẹ ohwo rọ yọnrọn ayen ejobi. Mẹvwẹ Ọrovwohwo na.

Iyẹnrẹ Esiri ri Jọn 15:14

Ovwan igbeyan mẹ ọ da dianẹ ovwan ru obo ri mi ji urhi rọye kẹ ovwan.

Isẹ 4:4

o de yono uvwe, ọ da ta kẹ vwẹ nẹ, Jẹn udu wẹn yọnre eta mẹ gangan: sẹro rẹ irhi mẹ, rere wọ rhọ:

Iyẹnrẹ Esiri ri Jọn 14:21

Ohwo rọ yọnrọn irhi mẹ rọ da sẹro rẹ ayen, oyẹ hẹ ohwo rọ guọnọ ovwẹ; ohwo rọ guọnọ ovwẹ Ọsẹ mẹ kọ guọnọ, ke me guọnọ ke me vwẹ oma mẹ phia kẹ.

Aizaya 55:3

Rhie erhọn wẹn, ri wo bru vwe rhe; nyo, re erhi wẹn vwọ rhọ; ke Me vẹ owẹ re ọphọ re rara, omamọ rẹ uvi rẹ ẹguọnọ ro jẹrhẹriẹ ri mi vwo kẹ Devid.

Isẹ 4:13

Nabọ mu ẹro phihọ uyono, wo siobọ no-o; sẹro rọye, kidie ọye arhọ wẹn.

Urhi Rivẹ 32:10

Ọ mrẹrẹ vwẹ evun rẹ aton asan ro shaton vwẹ evun rẹ aghwa; ọ gba ogba riariẹ phihọ, ọ sẹro rọye, ọ vwẹ ẹro te kerẹ ọmọẹro rọye.

Ẹvwọphia 22:14

Ebruba kẹ ayen otu re fọnrhọ rayen fon, rere ayen vwo se si kẹre urhe rẹ arhọ na rere ayen sa wan anurhoro na ro orere na.

Zekaraya 2:8

Kidie enẹ Ọrovwohwo rẹ otuofovwi na tare, rẹ urinrin rọye vwo ju vwe bru ẹgborho ri gborho ovwan, kidie ohwo rọ vwẹ obọ te ovwan, yẹ ọ vwẹ obọ te ọmẹro rọye:

Isẹ 4:21

Wo jẹn ayen ghwrẹ va wẹ abọ-ọ; yọnre ayen vwẹ evun rẹ udu wẹn.

Une rẹ Ejiro 119:144

Iseri wẹn ọvwata rhiri bẹdẹ, kẹ vwẹ ẹruọ rere Me vwọ sa rhọ.

Jerimaya 38:20

Jerimaya da ta, A cha reyọ owẹ vwọ kẹ aye-en. Mu ọghọ kẹ urhuru rẹ Ọrovwohwo vwẹ obo re me vuẹ wẹ na, kọ yovwi kẹ wẹ, ke ji sivwi urhuarho wẹn.