Isẹ 4:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² kidie omamọ rẹ iji mi ji kẹ ovwan na: we gbobọnyẹ uyono mẹ-ẹ.

Isẹ 4:2 Referans Kwoze

1 Timoti 4:6

Wọ de se yono imoni na imu nana, wẹ kẹ omamọ rẹ ogbeodiho ri Kristi Jesu, ra vwẹ ota rẹ esegbuyota na kugbe omamọ rẹ nyono na ghẹre kọye wo ji nene na.

Urhi Rivẹ 32:2

Jẹn uyono mẹ sun rhe kerẹ osio ota mẹ bru ighorigho kerẹ evwru, kerẹ eghwẹghwẹ rẹ osio ro tue kuẹ odi ọboba kugbe eghwẹghwẹ vwẹ enu rẹ ẹbe.

Taitọs 1:9

rọ nabọ yọnrọn uyota rọ hẹ evun rẹ uyono na, rere o vwo se bruche vwẹ evun rẹ uyono na, kugbe o vwo se dje kẹ otu re phra aphro.

ỌBE RẸ JOB 33:3

Eta mẹ djẹ ọvwata rẹ udu mẹ phia, kugbe obo rẹ ẹbẹrunu mẹ riẹnre ayen ghwa ta gbagba.

ỌBE RẸ JOB 11:4

Kidie wọ tare, A gua uyono mẹ-ẹ, me pha fuanfon vwẹ ẹro rẹ Ọghẹnẹ.

2 Ikun rẹ Ivie 7:19

Ẹkẹvuọvo wọ da rhẹriẹ oma re wọ da sen iji kugbe irhi mẹ ri mi ji kẹ wẹ, wọ da yanran ra gọ ẹdjọ efa,

1 Ikun rẹ Ivie 28:9

Wẹ, Solomọn rẹ ọmọ mẹ, riẹn Ọghẹnẹ rẹ esẹ wẹn, rere wọ ga vwẹ udu wẹn ejobi vẹ udu rẹ ẹguọnọ; kidie Ọrovwohwo re hiẹn ubiudu, ọ me rha riẹn iroro kiroro vẹ ona ejobi. Wọ da guọnọ, ku wọ mrẹ, ẹkẹvuọvo wọ da siọn, kọ djẹ wẹ kufia bẹdẹ.

Une rẹ Ejiro 119:87

Ayen dino kru akpọ mẹ ba ẹroro, ẹkẹvuọvo iji wẹn je chọrọ ovwẹ ẹro-o.

Isẹ 3:1

Ọmọ mẹ, wo jẹn uyono mẹ chọrọ owẹ ẹro-o, ẹkẹvuọvo sẹro rẹ irhi mẹ vwẹ evun rẹ udu wẹn;

Jerimaya 35:8

Me de nyo urhuru ri Jonadab ọmọ ri Rekab rẹ ọse rẹ avwanre vwẹ obo ro ji urhi kẹ avwanre ejobi, re vwo ji wain ẹda vwẹ ẹdẹ rẹ akpọ re avwanre ejobi, eya rẹ avwanre, emeshare rẹ avwanre, eyẹ emetẹ rẹ avwanre.