Isẹ 4:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Wọ da yan, owọ wẹn rha gban phihọ-ọ, wọ da dje onẹ dede wọ rha kpro owọ-ọ.

Isẹ 4:12 Referans Kwoze

Isẹ 3:23

Ko wọ sa yan idjerhe wẹn ejobi vwẹ egbemọphẹ wọ gbe sa kprọ owọ wẹ-ẹn.

Une rẹ Ejiro 18:36

Wọ da kẹ vwẹ asan ọhẹhẹre ni mi chiyi, awọ mẹ gbe sa ghworiẹ-ẹ.

1 Pita 2:8

kugbe, Oragha rọ cha kprọ ihwo awọ, oragha rọ cha nẹrhẹ ayen she; ọ cha kprọ ayen awọ fikiridie ayen mu ọghọ kẹ ota na-a, kirobo re rhiẹ ayen phihọ nẹ ayen ru.

2 Samuẹl 22:37

Wọwẹ kẹ vwẹ asan ọhẹhẹre ri mi chiyi wan, awọ mẹ gbe sa ghworiẹ-ẹ.

Isẹ 4:19

Idjerhe rẹ oruimwemwu na ọ họhọ ebri rode; ayen vughe obo rayen she teye-e.

Jerimaya 31:9

Ayen che rhivwi cha, vẹ oviẹ ji kugbe uchebro mi vwo sun ayen rhivwi. Mi che ru ayen yan vwẹ orhoma rẹ ame, vwẹ idjerhe ọphiọnphiọn rẹ ayen de je she, kidie mẹvwẹ ọse kẹ Izrẹl, Ifrem ji ọmọkpako mẹ.

Isẹ 6:22

Wọ da yan, ki sun we; wo de shevwerhẹ, ke rhẹrẹ owẹ, wọ da rha rhọvwọ rhe, ki nene uwe gbe ikun.

Une rẹ Ejiro 119:165

Ufuoma rode ọye ihwo re guọnọ urhi wẹn mrẹ; emu ọvuọvo se gere ayen she-e.

Une rẹ Ejiro 119:45

ke me yan vwẹ egbemọphe, kidie me guọnọ iji wẹn.

Isẹ 2:9

Kẹsiẹna wọ ke cha riẹn otọ rẹ ọvwata vẹ orhiebro kugbe orhiọsoso vwẹ idjerhe kidjerhe esiri ejobi.