Isẹ 3:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Wo roro nẹ wẹ ọvo re ghwanre-e, djẹ oshọ rẹ Ọrovwohwo, rere wo jẹ umwemwu vwo;

Isẹ 3:7 Referans Kwoze

ỌBE RẸ JOB 28:28

Ọ da ta kẹ ohwo rẹ akpọ, Nighe, oshọ ẹdjẹ rẹ Ọrovwohwo, ọye aghwanre, oma re sinu umwemwu ọye ẹruọ

Ọbe ri Pọl si rhe Ihwo ri Rom 12:16

Ovwan riẹn yenri kugbe; we phuoma-a, ẹkẹvuọvo kuoma gbe otu ri kpotọ; wọ ghwanra vwẹ evun wẹn ọvo-o.

Isẹ 26:12

Wọ mrẹ ohwo rọ ghwanre kẹ omobọ rọye? iphiẹrohọ herọ kẹ ẹkpa nọ ohwo yena.

ỌBE RẸ JOB 1:1

Ohwo ọvo herọ vwẹ otọ rẹ Uz, odẹ rọye Job; ohwo na vwẹ eka-an jẹ ohwo ọsoso oruẹ, ohwo rọ djẹ oshọ rẹ Ọghẹnẹ, o de sioma nẹ umiovwo.

Isẹ 16:6

Vwẹ oma rẹ esegbuyota vẹ omaevwokpotọ ọye a vwọ sa rhuẹrẹ orukuruku, oshọẹdjẹ rẹ Ọrovwohwo ọye ohwo sa vwọ kẹnẹ oma kẹ umwemwu.

Aghwoghwo 12:13

Oba rẹ ota na ejobi, re nyori na ọ na. Djẹ ọshọ rẹ Ọghẹnẹ, rere wọ yọnrọn irhi rọye; kidie ọnana ọye iruo ro te ohwo.

Aizaya 5:21

Ekan ke ihwo re ghwanre kẹ omaobọ rayen, ri vwọ ọhọ kẹ omobọ rayen ọvo!

Isẹ 14:27

Oshọẹdjẹ rẹ Ọrovwohwo na ọye ogbugbu rẹ arhọ, ohwo kọ sa vabọ rẹ ufi rẹ ughwu.

Ọbe ri Pọl si rhe Ihwo ri Rom 11:25

Wọ da rha ghwanre kẹ omobọ wẹn ọvo, imoni mẹ, me guọnọre nẹ ovwan riẹn igbunu nana, udu ogangan bru abọvo rẹ ihwo rẹ Izrẹl rhe, bẹsiẹ rẹ unu rẹ ihwo ri Keferi vwọ gba,

Nehemaya 5:15

Isun rẹ ẹsosuọ re karo kẹ vwẹ, kru oghwa ọhọhọhọ nyẹ ihwo na, ayen de mie ayen emuọre vẹ idi, a ke mrẹ shẹkẹl ujuvẹ rẹ idọnọ. Ekpuyovwi rẹ idibo rayen je vwẹ oma ruẹ Osun kẹ ihwo na. Ẹkẹvuọvo mi se ru ọtiọye-e, fiki rẹ oshọ rẹ Ọghẹnẹ.

Ẹyano 20:20

Mosis da ta kẹ ihwo na, Wa djẹ oshọ-ọ, kidie Ọghẹnẹ rhe davwe ovwan ni, rere oshọ rọye vwọ dia ẹro rẹ ovwan, rere we jẹ imwemwu eruo.

2 Samuẹl 12:20

Etiyin Devid de vrẹn nẹ ekpẹn, ọ họ re, o de ghworo oma rọye, o de wene amwa rọye; o de kpo uwevwi rẹ Ọrovwohwo, ọ da vwẹ ẹga kẹ Ọghẹnẹ. O de rhivwi rhe uwevwi rọye, ọ vwọ nọ ekpẹn rẹ emu, a da vwẹ emu kẹ ọ da re.

Isẹ 8:13

Omaetuo rẹ umwemwu ọye oshọ ẹdjẹ kẹ Ọrovwohwo na. Eheri vẹ eyan kugbe idjerhe rẹ umiovwo vẹ eta gẹgẹrẹ tu vwe oma.

Isẹ 14:16

Ọvwaghwanre soma bruche o mi gbobọnyẹ umiovwo, ẹkẹvuọvọ ẹkpa gbobọnyẹ odiri ọ mi ru obo ri jere.

Isẹ 23:4

Wo jẹ owian wẹn dia ọ ra vwọ ghwẹ efe koko ọvo-o, vwo aghwanre rere wo sioma reyọ.

Isẹ 26:5

Kpahe kẹ ẹkpa kirobo ro ghẹ te, o de rhe ni oma rọye nẹ ọye ma ghwanre.

Isẹ 28:11

Ọdafe da ghwanre kẹ omobọ rọye, ovwiogbere gheghẹn ro vwo ẹruọ kọ mrẹ otọ rọye.

Isẹ 28:26

Ohwo rọ vwẹ ẹro so udu robọ rọye yẹ ẹkpa; ẹkẹvuọvo ohwo rọ vwẹ aghwanre yan ọye e che sivwi.