Isẹ 3:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Vwẹ idjerhe wẹn ejobi rhọvwọ; kọ cha kpọ idjerhe wẹn ejobi vi.

Isẹ 3:6 Referans Kwoze

Isẹ 16:3

Phi iruo wẹn ejobi phihọ obọ rẹ Ọrovwohwo na, obo wo rori ejobi kọ mudia ga.

Une rẹ Ejiro 32:8

Mi dje kẹ wẹ mi yono uwe idjerhe ru wọ cha ra; Me nẹ wẹ iroro ẹro mẹ ko te we sun.

Filipae 4:6

Wa ro ẹnwan rẹ emuọvo-o, ẹkẹvuọvo vwi kemu kemu orẹ kugbe oyare kugbe ẹkpẹvwẹ ta ọdavwẹ wẹn kẹ Ọghẹnẹ.

Isẹ 16:9

Iroro rẹ ohwo ọye ọ vwọ gbẹn idjerhe rọye, ekẹvuọvọ Ọrovwohwo kọye rhe suẹn ichiyi rọye kẹ.

Jerimaya 10:23

E Ọrovwohwo, mẹ riẹnre nẹ idjerhe rẹ ohwo rẹ akpọ ọ hẹ oma rọye-e, nẹ ohwo sa vwẹ ogangan rẹ omobọ roye kpọ oma rọye vi-i.

Jems 1:5

Ẹkẹvuọvo ohwo ro rhe vwo aghwanre vwẹ usun rẹ ovwa-an, e jọ nọ vwẹ obọ rẹ Ọghẹnẹ, ọye ri se siobọ nẹ kemu kemu kẹ ohwo, ọ ghwọ kuẹ ohwo-o; kọ vwọ kẹ.

Aizaya 30:21

Erhọn wẹn ki che nyo ota vwẹ obuko wẹn, tanẹ. Ọnana he Idjerhe na, yan nene, vwe ọke wọ da rhẹriẹ oma kpo obọrhe kugbe ọke wọ da rhẹriẹ oma kpọ ọhọhwere.

Aizaya 48:17

Enẹ Ọrovwohwo tare, Ọtan wẹn, Ọfuanfon Ọvuọvo rẹ Izrẹl na. Mẹvwẹ Ọrovwohwo Ọghẹnẹ wẹn, ro yono uwe vwọ mrẹ erere, ro sun we vwẹ idjerhe ru wọ cha wan na.

Kolose 3:23

Kemu kemu we ruẹ ejobi wa vwẹ udu esiri ru ayen, kirobo ru we ruẹ kẹ Ọrovwohwo ọ dia ohwo rẹ akpọ we ru ayen kẹ-ẹ.

Kolose 3:17

Kemu kemu rẹ ovwan ruẹ ejobi vwẹ ota eyẹ uruemu, we ru ayen vwẹ odẹ rẹ Ọrovwohwo Jesu, rere ovwan wan oma rọye vwẹ ẹkpẹvwẹ kẹ Ọghẹnẹ rẹ Ọsẹ na.

Isẹ 23:17

Wo jẹ udu wẹn reoma rẹ iruimwemwu-u, ẹkẹvuọvo djẹ oshọ rẹ Ọrovwohwo kọke kọke.

1 Kọrẹnt 10:31

Ọtiọye na, owenẹ wọ rere eyẹ wọ dare, eyẹ kemu kemu wo ruru, ru ayen ejobi vwọ kẹ urinrin rẹ Ọghẹnẹ.

1 Ikun rẹ Ivie 28:9

Wẹ, Solomọn rẹ ọmọ mẹ, riẹn Ọghẹnẹ rẹ esẹ wẹn, rere wọ ga vwẹ udu wẹn ejobi vẹ udu rẹ ẹguọnọ; kidie Ọrovwohwo re hiẹn ubiudu, ọ me rha riẹn iroro kiroro vẹ ona ejobi. Wọ da guọnọ, ku wọ mrẹ, ẹkẹvuọvo wọ da siọn, kọ djẹ wẹ kufia bẹdẹ.

1 Samuẹl 30:8

Devid de duotọ rọye vwẹ obọ rẹ Ọrovwohwo, Ke Me vwọ tua ihwo na? Me je sa yan mu ayen? ọ de nyo kẹ, Vwọ tua ayen; kidie wọ sa djẹ mu ayen wo ghine ji se sivwi ayen.

Aizaya 45:13

Me kparọ vwẹ ọvwata mẹ, ki mi ru idjerhe rọye ejobi phiọnphiọn, kọ bọn orere mẹ ighuvwu Me ke siobọ nẹ ayen, ọ dia ọ rẹ osa eyẹ ẹse-e, eriyin Ọrovwohwo rẹ otuofovwi na tare.

Nehemaya 1:11

E Ọrovwohwo, jẹn erhọn wẹn nabọ rhie phihọ ke ẹrhovwo re odibo wẹn, ji kugbe ẹrhovwo re idibo wẹn re vwe omavwerhe dje oshọ re odẹ wẹn na, wọ vwe obọekparọ ke odibo wẹn nonẹ na, re wọ ke arọdọvwe wẹn, vwẹ obaro re ohwo nana. Asakiephana mẹvwẹ ọye omuidi rẹ ovie na.

Nehemaya 2:4

Etiyin ovie na da ta kẹ vwẹ, kẹ obọ rẹ ono wọ da yare oyare na? Kẹ etiyin me da nẹ ẹrhovwo kẹ Ọghẹnẹ rọ hẹ ọbo odjuvwu.

Ezra 7:27

Ebruphihọ kẹ Ọrovwohwo, Ọghẹnẹ rẹ esẹ rẹ avwanre, ro phi oghẹre rẹ emu ọtiọna phihọ udu rẹ ovie, nẹ ọ ra rhuẹrẹ uwevwi rẹ Ọghẹnẹ rọ hẹ obi Jerusalẹm.

2 Kọrẹnt 8:16

Ẹkẹvuọvo ẹkpẹvwẹ kẹ Ọghẹnẹ ro phi ẹnwẹn rẹ ẹro evwote rẹ ovwan ọvuọvo na phihọ udu ri Taetọs.

Ukeri 9:20

Ọke ọvo egho na mi mu vwẹ ẹmẹdẹ krẹ vwẹ enu rẹ ọgarivi na, kirobo rẹ urhi rẹ Ọrovwohwo ta kẹ ayen me dia evun rẹ erhọn na; kirobo rẹ urhi rẹ Ọrovwohwo ta kẹ ayen, ayen mi rhe mu oyan.

Nehemaya 7:5

Ọghẹnẹ de phi iroro nana phihọ udu mẹ, ni mi re se ihwo na koko ehọnvwọnre vẹ iruiruo na kugbe ihwo na ejobi rere e si ayen uvwiuvwiẹ, mẹ da mrẹ ọbe rẹ uvwiẹ rẹ ihwo rẹsosuọ re ka rhe, me da mrẹ obo re si phihọ.

Isẹ 11:5

Uruemu esiri rẹ ọvwata gbẹn idjerhe rọye phiọnphiọn, ẹkẹvuọvo umwemwu eruo rẹ oruimwemwu na ọye ghwa eshe rọye cha.

Jerimaya 42:3

Gba rẹ Ọrovwohwo Ọghẹnẹ wẹn na so se dje idjerhe rẹ avware wan kẹ avwanre, vẹ obo rẹ avwanre ru.

Aizaya 26:7

Idjerhe rẹ ọvwata nabọ ghọriẹ, wẹ yi ru idjerhe rẹ ọvwata riẹriẹriẹ.