Isẹ 3:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Vwẹ udu wẹn ejobi vwọ kpahe Ọrovwohwo, wọ vwẹ ẹro suọ oma obọ wẹ-ẹn.

Isẹ 3:5 Referans Kwoze

Une rẹ Ejiro 37:5

Phi idjerhe wẹn phihọ obọ rẹ Ọrovwohwo, vwẹ ẹro vwọ suọ, ko ruo kẹ wẹ.

Isẹ 28:26

Ohwo rọ vwẹ ẹro so udu robọ rọye yẹ ẹkpa; ẹkẹvuọvo ohwo rọ vwẹ aghwanre yan ọye e che sivwi.

Une rẹ Ejiro 37:3

Vwẹ ẹro so Ọrovwohwo, ru wo ru ọ re esiri ko wọ dia otọ na, oma ko fu we.

Une rẹ Ejiro 62:8

Vwẹ ẹro suọ vwẹ ọke ejobi, E ihwo; ku udu wẹn ejobi phihọ otọ vwẹ obaro rọye; Ọghẹnẹ ọye odjahọ rẹ avwanre.

Aizaya 12:2

Nighere, Ọghẹnẹ esivwo mẹ; ọye me vwẹ ẹro so, oshọ gbi mu vwe-e; kidie Ọrovwohwo Ọghẹnẹ ọye ogangan mẹ kugbe une mẹ, ọ rha rhoma hirhe esivwo mẹ re.

Une rẹ Ejiro 37:7

Hwe oma mu kẹ Ọrovwohwo, re wo vwe erhiori hẹrhẹ, wọ phariẹ fiki rẹ ohwo ọfa rẹ idjerhe rọye yovwi kẹ-ẹ, eyẹ vwẹ enu rẹ ohwo rọ jẹ iroro umwemwu.

Isẹ 3:7

Wo roro nẹ wẹ ọvo re ghwanre-e, djẹ oshọ rẹ Ọrovwohwo, rere wo jẹ umwemwu vwo;

Jerimaya 10:23

E Ọrovwohwo, mẹ riẹnre nẹ idjerhe rẹ ohwo rẹ akpọ ọ hẹ oma rọye-e, nẹ ohwo sa vwẹ ogangan rẹ omobọ roye kpọ oma rọye vi-i.

Ọbe ri Pọl si rhe Ihwo ri Rom 12:16

Ovwan riẹn yenri kugbe; we phuoma-a, ẹkẹvuọvo kuoma gbe otu ri kpotọ; wọ ghwanra vwẹ evun wẹn ọvo-o.

Une rẹ Ejiro 125:1

Otu re vwẹ ẹro so Ọrovwohwo na ke họhọ Ugbenu ri Zayọn, ro je se ghwie, ẹkẹvuọvo kọ dia rhiri bẹdẹ.

Jerimaya 9:23

Enẹ Ọrovwohwo tare: E jẹn ọvwaghwanre yoma rẹ aghwanre rọye-e, e jẹn ọgba vwẹ ẹgba rọye yoma-a, e jẹn ọdafe vwẹ efe rọye yoma-a,

Isẹ 22:19

Rere wọ vwẹ ẹro wẹn so Ọrovwohwo na, kọye mi vwo dje ayen kẹ wẹ none na, wẹ mrẹmrẹ.

ỌBE RẸ JOB 13:15

Nighe, o che hwe vwe ghwu, mi gbi vwo iphiẹrohọ-ọ dede na mi mudia gu ẹkunu mẹ kẹ nyo.

Isẹ 23:4

Wo jẹ owian wẹn dia ọ ra vwọ ghwẹ efe koko ọvo-o, vwo aghwanre rere wo sioma reyọ.

Ẹfesọs 1:12

Avwanre ihwo ri ke phiẹrohọ Kristi na ke rhi avwanre a da vwẹ avwanre mu nẹ e dia vwọ kẹ ejiro vẹ urinrin rọye.

Ukeri 9:20

Ọke ọvo egho na mi mu vwẹ ẹmẹdẹ krẹ vwẹ enu rẹ ọgarivi na, kirobo rẹ urhi rẹ Ọrovwohwo ta kẹ ayen me dia evun rẹ erhọn na; kirobo rẹ urhi rẹ Ọrovwohwo ta kẹ ayen, ayen mi rhe mu oyan.

Ukeri 9:22

Owenẹ ẹdẹ ivẹ, eyẹrẹ emeranvwe ọvo, eyẹrẹ ọke okrekri, ọye egho na dia enu rẹ ọgarivi na, ro de mudje etiyin rẹ Izrẹl ke dia evun rẹ erhọn na, ayen gbi mu oya-an; ẹkẹvuọvo ọke ra da reyọ kpenu ayen ki mu oyan.

Ezra 8:23

Kọye avwanre de chirin owevwi, avwanre da rẹ Ọghẹnẹ fiki rẹ emu nana, ọ da ghene kerhọn rẹ orẹ rẹ avwanre.