Isẹ 3:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² kidie ẹdẹ o grogro kugbe ikpe buebu kugbe omavwerhovwẹ buebu kọye wo che vwo.

Isẹ 3:2 Referans Kwoze

Isẹ 4:10

Kerhọn ọmọ mẹ, wọ reyo eta mẹ, rere wọ vwọ tọn.

Isẹ 9:11

Kidie oma mẹ ọye ovwan wan tọn, ikpe buebu keye a vwọ ba kẹ wẹ.

Une rẹ Ejiro 91:16

Arhọ ogrogiọ kọye me vwọ vọn evun, ke Me vwẹ esivwo mẹ vwọ nẹ.

Ọbe ri Pọl si rhe Ihwo ri Rom 15:13

Gbe jẹn Ọghẹnẹ rẹ iphiẹrohọ vọn udu rẹ ovwan vẹ aghọghọ kugbe ufuoma rẹ esegbuyota, rere vwẹ ogangan rẹ Erhi Ọfuanfon na ovwan vwo se bu phihọ vwẹ iphiẹrohọ.

Une rẹ Ejiro 128:6

Ju we mrẹ ivwrọmọ rẹ emọ wẹn! Ufuoma vwẹ enu rẹ Izrẹl.

Une rẹ Ejiro 119:165

Ufuoma rode ọye ihwo re guọnọ urhi wẹn mrẹ; emu ọvuọvo se gere ayen she-e.

Isẹ 10:27

Oshọẹdjẹ rẹ Ọrovwohwo na nẹrhẹ atọn, ẹkẹvuọvo ikpe rẹ oruimwemwu ke cha krẹ.

1 Timoti 4:8

kidie rẹ cha ẹha vwo vwo eme erere na, uyoyovwi kọye me vwo erere vwẹ idjerhe kidjerhe, o vwo osa vwẹ akpọ nana nu o ki ji vwo osa vwẹ akpọ rọ cha.

Ọbe ri Pọl si rhe Ihwo ri Rom 5:1

Rẹ avwanre vwọ rease fiki rẹ esegbuyota rẹ avwanre nure na, e gbe jẹ avwnare vẹ Ọghẹnẹ rhuẹrẹ kugbe vwẹ oma ri Jesu Kristi Ọrovwavwanre.

Une rẹ Ejiro 21:4

O nekpẹn rẹ arhọ mie we; wọ da ghene vwọ kẹ, ẹdẹ okrekri rhiri bẹdẹ bẹdẹ.

Ọbe ri Pọl si rhe Ihwo ri Rom 14:17

Kidie uvie rẹ Ọghẹnẹ na dia ọ rẹ emuọre kugbe udi ẹda-a ẹkẹvuọvo ọ rẹ ọvwata kugbe ufuoma kugbe aghọghọ vwẹ oma rẹ Erhi Ọfuanfon.

Aizaya 32:17

Erere rẹ ọvwata kọ dia ufuoma, otọ rẹ ọvwata, ke ofuvweghe kugbe ẹro evwosuọ bẹdẹ.

ỌBE RẸ JOB 5:26

Wọ cha ghwa gangan wo ki rhi ghwu, kirobo ra mwavwe eka phihọ uwuye vwẹ ọke ororo rọye.

Urhi Rivẹ 11:21

rere ẹdẹ rẹ ovwan, vẹ ẹdẹ rẹ emọ rẹ ovwan vwọ mrasa bu phihọ vwẹ enu rẹ otọ rẹ Ọrovwohwo veri kẹ esẹ rẹ ovwan nẹ ọye vwọ kẹ ayen, kirobo rẹ odjuvwu hẹ enu rẹ akpọ na.

1 Ivie 3:14

Ọ da dianẹ wọ yan phihọ idjerhe mẹ, re wọ da yọnrọn iji mẹ kugbe irhi mẹ, kirobo rẹ ọsẹ wẹn Devid yanre, etiyin ke Me kẹ wẹ otọnvwe.

Isẹ 16:31

Uyovwi rọ tọnre vẹ esha ọye erhu rẹ urinrin; eyenre rẹ ọvwata ọye e se vwo vwo.

Urhi Rivẹ 5:32

Vwẹ ọtiọye na wa karohọ obo rẹ Ọrovwohwo rẹ ovwan na ji iji kẹ ovwan; ovwan rhẹriẹ oma kpo obọrhe eyẹ obọhwẹre-e.

Isẹ 4:4

o de yono uvwe, ọ da ta kẹ vwẹ nẹ, Jẹn udu wẹn yọnre eta mẹ gangan: sẹro rẹ irhi mẹ, rere wọ rhọ: