Isẹ 3:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ọmọ mẹ, wọ jẹ uchebro rẹ Ọrovwohwo na fia-a eyẹ wo jẹ ofu rẹ ẹghwọ rọye dje we-e;

Isẹ 3:11 Referans Kwoze

ỌBE RẸ JOB 5:17

Nighe, aghọghọ kẹ ohwo rẹ Ọghẹnẹ ghwọku; fiki rẹ ọtiọye na wọ sian efafa re Ọrovwoẹgba na-a.

Ẹvwọphia 3:19

Otu re me guọnọre, me ghwọ kuẹ eye me je fa; vwẹ ọtiọye na gbe vwo oruru re wo kurhẹriẹ.

Une rẹ Ejiro 94:12

Ebruphihọ kẹ ohwo ru wọ ghwọ ku, E Ọrovwohwo kugbe ohwo ru wo yono nẹ evun re urhi wẹn rhe

1 Kọrẹnt 11:32

Ẹkẹvuọvo Ọrovwohwo da vwẹ avwanre guẹdjọ, ka fa avwanre rere e vwo jẹ avwanre ebruhwe kugbe akpọ na.

2 Kọrẹnt 4:1

Fiki re ọtiọye na, re avwanre vwo vwo odiboegbe nana vwẹ arodọvwẹ rẹ Ọghẹnẹ, avwanre gbe ro ẹnwa-an.

Hibru 12:3

Gbe roro ohwo yena ro chirako rẹ ehwẹjẹ vẹ ophọphọvwe rẹ iruimwemwu vwo kpahọ, rere oma vwo jẹ ovwan ẹrhọ.

Isẹ 24:10

Oma de bruro owẹ vwẹ ọke rẹ ukpokpogho, yẹ ogangan wẹn ọhahavwe.

ỌBE RẸ JOB 4:5

Ẹkẹvuọvo asakiephana o te we oma re, wo gbi se chirako-o, ọ vwẹ obọ te we, ofu de dje we.

Urhi Rivẹ 8:5

Wọ Me riẹn vwẹ udu wẹn nẹ, obo rẹ ohwo fa ọmọ rọye eriyin Ọrovwohwo Ọghẹnẹ wẹn na je cha fa wẹ rhe.