Isẹ 26:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Wọ mrẹ ohwo rọ ghwanre kẹ omobọ rọye? iphiẹrohọ herọ kẹ ẹkpa nọ ohwo yena.

Isẹ 26:12 Referans Kwoze

Isẹ 29:20

Wọ mrẹ ohwo ro brẹ okpakpa rẹ ota? Iphiẹrohọ herọ kẹ ẹkpa nọ ohwo yena.

Ọbe ri Pọl si rhe Ihwo ri Rom 12:16

Ovwan riẹn yenri kugbe; we phuoma-a, ẹkẹvuọvo kuoma gbe otu ri kpotọ; wọ ghwanra vwẹ evun wẹn ọvo-o.

Isẹ 28:11

Ọdafe da ghwanre kẹ omobọ rọye, ovwiogbere gheghẹn ro vwo ẹruọ kọ mrẹ otọ rọye.

Ẹvwọphia 3:17

Kidie wọ tanẹ, mi feri, o yovwi kẹ vwẹ, emuọvo kare ọvwe-e; da yẹ owẹ orharhe rẹ ohwo fafanrhiẹ diodi, ovwiogbere, rẹ ehrọre rọye re ohwo, orhuẹro, rọ ban phihọ.

Matiu 21:31

Kọrhọ vwẹ usu rẹ emọ na ivẹ na ri ru ẹguọnọ rẹ ọsẹ rọye? Ayen da ta nẹ Ọ rẹsosuọ na, Jesu da ta kẹ ayen nẹ, Uyota me ta kẹ ovwan, otu rẹ imiarhọghọ kugbe igberadja na cha karo kẹ ovwan ra ro uvie rẹ Ọghẹnẹ.

Isẹ 26:5

Kpahe kẹ ẹkpa kirobo ro ghẹ te, o de rhe ni oma rọye nẹ ọye ma ghwanre.

Iyẹnrẹ Esiri ri Luk 18:11

Farisi na vrẹn mudia ọ da nẹ ẹrhovwo enẹ kẹ oma rọye, Ọghẹnẹ, me kpẹvwẹ owẹ nẹ me họhọ ihwo efa-a, re ghwa ihwo ria, ifuevu-u, igberadja, eyẹ tobọ họhọ omiarhọghọ nana.

Iyẹnrẹ Esiri ri Luk 7:44

Ro vwo rhẹriẹ oma ku aye na, Ọ da ta kẹ Saimọn, Wọ mrẹ aye nana? Me rhe uwevwi wẹn, wọ kẹ vwẹ ame vwọ hworhẹ awọ-ọ; jẹ aye nana vwẹ ovie hworhẹ ovwẹ awọ, ọ da vwẹ ẹto rọye rhie.

Isẹ 26:16

Ọzuọn nẹ ọye ọvo re ghwanre nọ imiragua ighwrẹ re riẹn obo ra vwẹ aghwanre kpahe ota.

Isẹ 22:29

Wọ mrẹ ohwo rọ riẹn iruo rọye? o che mudia vwẹ obaro rẹ ivie; o che mudia vwẹ obaro rẹ erharhe rẹ ihwo-o.

Isẹ 3:7

Wo roro nẹ wẹ ọvo re ghwanre-e, djẹ oshọ rẹ Ọrovwohwo, rere wo jẹ umwemwu vwo;

Iyẹnrẹ Esiri ri Jọn 9:41

Jesu da ta kẹ ayen, Ọ dianẹ kẹ ovwan rhuẹro, ovwan rha re abe-e; ẹkẹvuọvo asakiephana re ovwan vwọ ta nẹ, Avwanre mrẹ orẹ, kọye abe rẹ ovwan vwo chekọ na.

Isẹ 12:15

Ẹkpa roro nẹ idjerhe rọye ri me yovwi, ẹkẹvuọvo ohwo rọ ghwanre nabọ kerhọn rẹ uchebro.

Isẹ 28:26

Ohwo rọ vwẹ ẹro so udu robọ rọye yẹ ẹkpa; ẹkẹvuọvo ohwo rọ vwẹ aghwanre yan ọye e che sivwi.

Aizaya 5:21

Ekan ke ihwo re ghwanre kẹ omaobọ rayen, ri vwọ ọhọ kẹ omobọ rayen ọvo!