Isẹ 24:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Wọ rioma kpahe ihwo umwemwu-u, wọ je guọnọ ugbeyan raye-en;

Isẹ 24:1 Referans Kwoze

Une rẹ Ejiro 37:7

Hwe oma mu kẹ Ọrovwohwo, re wo vwe erhiori hẹrhẹ, wọ phariẹ fiki rẹ ohwo ọfa rẹ idjerhe rọye yovwi kẹ-ẹ, eyẹ vwẹ enu rẹ ohwo rọ jẹ iroro umwemwu.

Isẹ 3:31

Wọ vwẹ ẹro kere ohwo rọ djoma-a, wọ nene idjerhe rọye ọvuọvo-o;

Isẹ 23:17

Wo jẹ udu wẹn reoma rẹ iruimwemwu-u, ẹkẹvuọvo djẹ oshọ rẹ Ọrovwohwo kọke kọke.

Isẹ 13:20

Ohwo rọ yan nene ẹvwaghwanre ko vwọ aghwanre, ẹkẹvuọvo ugbeyan rẹ ẹkpa kọ re oja.

Une rẹ Ejiro 73:3

Kidie me rioma fiki rẹ ohwo rọ tebase, vwẹ ọke re me da mrẹ uyoyovwi rẹ ohwo umwemwu

Une rẹ Ejiro 37:1

Wọ phariẹ vwi fiki rẹ oruimwemwu-u, wọ rioma kpahe ohwo ro ruẹ oruchọ-ọ.

Isẹ 24:19

Wo kpokpo oma wẹn fiki rẹ iruimwemwu na-a, wo ji phiẹro kpahe ihwo umwemwu-u;

Une rẹ Ejiro 26:9

Wo hwerhe uvwe kugbe iruimwemwu-u, eyẹ arhọ mẹ kugbe ere fiọnfiọn ọbara-a.

Une rẹ Ejiro 1:1

Ebuphihọ ke ohwo na rọ yan nene eghwanre rẹ iruimwemwu-u, eyẹ ro mudia phihọ idjerhe re ihwo umwemwu-u, eyẹ tidia vwe ohwarha rọ jehwẹ-ẹ;

Isẹ 4:14

Wọ rua idiẹrhe rẹ ohwo umwemwu-u, wọ je yan vwẹ idjerhẹ rẹ ihwo umwemwu na-a.

Isẹ 4:15

Kẹnẹ oma kẹ, wọ yan vwọ-ọ, chuko kuo re wọ yan wan.