Isẹ 21:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Iroro rẹ ohwo rọ vwẹ ẹro te otọ je yovwo-o, ẹkẹvuọvo ohwo ro bru okpakpa che fiabọ.

Isẹ 21:5 Referans Kwoze

Isẹ 10:4

Obọ rẹ ọvwiẹrẹ ghwa ogbere cha, ẹkẹvuọvo obọ rẹ ọgba me rha ghwa efe rhe.

Isẹ 13:4

Erhi rẹ ọvwiẹrẹ ro ẹwan, yo vwo emuọvo-o, ye erhi rẹ ọgba mrẹ ria buebu.

Ẹfesọs 4:28

E jẹn ohwo ro cho uji jẹ uji vwo, ẹkẹvuọvo e jẹ ọ vwẹ obọ rọye wian, ọ vwẹ abọ rọye ru iruo ro vwo ọghọ, rere ọ mrẹ vwọ kẹ ayen otu rẹ akpọ bẹn.

Isẹ 14:29

Ohwo rọ fobọ mu ophu-u ọye ohwo ro vwo ẹruọ okokodo, ẹkẹvuọvo ohwo ro vwo ẹnwẹn ogigidi dje ughenghẹn phia.

Isẹ 28:22

Ọtokpẹn ri broma rẹ efe, yọ gbe rha riẹn nẹ akpọ cha bẹn vwẹ obọ-ọ.

Isẹ 20:21

Uku ra vwẹ okpakpa ghare che se vwo ebruba vwẹ obọ-ọ.

Isẹ 19:2

Ofori rẹ ohwo vwo jẹ erianriẹn evwo-o, ohwo ro bru okpakpa yan cho ada rọye ra.

Isẹ 29:20

Wọ mrẹ ohwo ro brẹ okpakpa rẹ ota? Iphiẹrohọ herọ kẹ ẹkpa nọ ohwo yena.