Isẹ 21:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Idjerhe rẹ ohwo rẹ akpọ ejobi yovwẹ re vwẹ ẹro rọye, ẹkẹvuọvo Ọrovwohwo vwanvwan udu.

Isẹ 21:2 Referans Kwoze

Isẹ 16:2

Idjerhe rẹ ohwo rẹ akpọ ejobi oyoyovwo vwẹ aro rọye, ẹkẹvuọvo Ọrovwohwo vwanvwan erhi.

Isẹ 16:25

Idjerhe ọvo herọ rọ họhọ obọ ri she phihọ vwẹ ẹro ro ohwo, ẹkẹvuọvo oba rọye idjerhe rẹ ughwu.

Iyẹnrẹ Esiri ri Luk 16:15

Ẹkẹvuọvo ọ da ta kẹ ayen, Ovwan hẹ ihwo ri brorhiẹ kẹ oma rẹ ayen vwẹ obaro rẹ ihwo, ẹkẹvuọvo Ọghẹnẹ riẹn udu rẹ ovwan; kidie obo rẹ ihwo kpara kpenu yẹ ẹgua vwẹ obaro rẹ Ọghẹnẹ.

Jerimaya 17:10

Mẹvwẹ Ọrovwohwo na re hiẹ iroro, me je davwẹ udu nẹ, rọ kẹ ohwo kohwo kirobo rẹ uruemu rọye epha, kirobo rẹ emamọ rọye epha.

Isẹ 30:12

Ihwo efa rha herọ ri roro oma rayen fuanfon ẹkẹvuọvo yẹ a je họ ayen nẹ ogbeku raye-en.

1 Samuẹl 16:7

Ẹkẹvuọvo Ọrovwohwo da ta kẹ Samuel, wo nẹ ekroma rọye-e eyẹ obo rọ rhuoma te eyẹ ugrogro-o, fikiridie Me senrọ nure; kidie Ọrovwohwo nẹ kirobo rẹ ohwo rẹ akpọ nẹ-ẹ; ohwo rẹ akpọ nẹ ekroma, ẹkẹvuọvo Ọrovwohwo nẹ evun rẹ udu.

Isẹ 24:12

Wọ da ta, Nighe, avwanre riẹn ọnana-a. Ọ rọ vwanvwan udu rẹ ihwo ejobi na rha riẹ-ẹn? Ọ rọ rhẹrẹ erhi wẹn na rha riẹ-ẹn, wọ rha riẹn nẹ ọ cha hwa osa kẹ ihwo kirobo rẹ iruo rayen epha-a?

Jems 1:22

Ẹkẹvuọvo ovwan dia ihwo re sa vwẹ ota na ruẹ emu e dia ihwo ri nyo ọvo-o, re phiẹn omaobọ rẹ ayen.

Une rẹ Ejiro 36:2

Kidie ọ ra vwẹ unu brugu phihọ oma rọye nẹ a cha sa mrẹ otọ rẹ orukuruku rọye re de tuoma rọye-e.

Galesha 6:3

Kidie ohwo de roro oma rọye rhuarho, yo te emuọvo-o, yọ phiẹn omobọ rọye.

Isẹ 20:6

Ihwo buebu vwẹ unu ghwoghwo ọghọ emuo rayen, ẹkẹvuọvo ohwo ro vwo omamọ rẹ esegbuyota kono sa mrẹ?

Ẹvwọphia 2:23

Emọ rẹ ayen vwẹ ọfanrhiẹ vwiẹ na ki ghwu re. Ishọshi na ejobi ke riẹn nẹ mẹvwẹ re hiẹ iroro kugbe udu, ke me hwa osa kẹ ovwan ọvuọvo kirobo rẹ iruo rẹ ovwan teri.

Isẹ 12:15

Ẹkpa roro nẹ idjerhe rọye ri me yovwi, ẹkẹvuọvo ohwo rọ ghwanre nabọ kerhọn rẹ uchebro.

ỌBE RẸ JOB 31:6

(Ja vwẹ ovwanvwọn rẹ uyota vwavwe ovwẹ, e jẹ Ọghẹnẹ riẹn ọvwata mẹ!)

Isẹ 17:3

Ẹphẹre a vwọ wran idọnọ, ẹkuerhanre kọye a vwọ wran oro, Ọrovwohwo re davwa udu rẹ ihwo nẹ.

Daniẹl 5:27

TẸKẸL, E mu we phihọ uwan nure a da mrẹ nẹ wo mu uwa-an.