Isẹ 21:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ọvwata nabọ nẹ uwevwi rẹ ohwo umwemwu sua, e gere ohwo umwemwu na she ghwọrọ.

Isẹ 21:12 Referans Kwoze

Isẹ 14:11

A cha guọghọ uwevwi rẹ ohwo umwemwu na, ẹkẹvuọvo utughẹ rẹ ohwo esiri na cha rho phihọ.

1 Kọrẹnt 10:5

Dede na ivun rẹ ayen buebu miovwẹ Ọghẹnẹ; kidie e gere ayen she vwẹ evun rẹ aghwa.

Emọs 4:11

Me guọghọ ovwan ẹvo, kerẹ ẹsie re Ọghẹnẹ vwọ guọghọ Sodọm vi Gomorah, wa da họhọ imwerhanre re kpare she nẹ erhanre, yu we ji rhivwi bru vwẹ rhe-e, Ọrovwohwo na tarọ.

Isẹ 14:32

E gere ohwo umwemwu she fiki rẹ umiovwo rọye, ẹkẹvuọvo ọvwata mrẹ odjahọ fiki rẹ iruo esiri rọye.

Une rẹ Ejiro 107:43

Onọ re ghwanre jọ kerhọn re imu nana, jẹn ihwo roro ẹguọnọ re Ọrovwohwo ro je rhẹriẹ na.

Une rẹ Ejiro 52:5

Ẹkẹvuọvo Ọghẹnẹ cha guọghọ owẹ phihọ otọ bẹdẹ; o che fru we rọ da bẹre owẹ nẹ utughẹ wẹn, o che ghwie we karekare nẹ otọ rẹ ihwo ekpọkpọ na.

ỌBE RẸ JOB 8:15

Ọ vwẹ oma rẹrẹ uwevwi rọye, ẹkẹvuọvo yo se mudia-a; o muro gbanọ, ẹkẹvuọvo ọ sa tọ-ọ.

ỌBE RẸ JOB 5:3

Me mrẹ ẹkpa rọ tan owọ ruotọ, ẹkẹvuọvo siẹvuọvo me da harhe ẹdia rọye.

Hosia 14:9

Ohwo kohwo rọ ghwanre e jọ riẹn imu nana; ohwo kohwo ro vwo iroro, e jo vughe ayen; Kidie idjerhe rẹ Ọrovwohwo hẹ ọsoso ohwo rọ dia ọsoso yan vwẹ evun rọye, ẹkẹvuọvo oruimwemwu she vwẹ evun rẹ ayen.

Isẹ 13:6

Ọvwata ri suẹn ohwo rẹ idjerhe rọye kpọvi, ẹkẹvuọvo umwemwu gerẹ oruimwemwu na she.

Jẹnẹsis 19:29

Ke eriyin ọ epha, vwẹ ọke rẹ Ọghẹnẹ vwọ guọghọ irere rẹ ishekpotọ na, Ọghẹnẹ da karohọ Ebraham, o de si Lọt nu uherevie rẹ erhanre na, vwẹ ọke ra vwọ torhẹ orere ri Lọt diare.

Isẹ 29:16

Ohwo umwemwu de suẹn, ogbeku ko buẹ phihọ, ẹkẹvuọvo ọvwata ko che nughe rẹ eshe rayen.