Isẹ 21:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Udu rẹ ovie epha kerẹ uto rẹ ame vwẹ obọ rẹ Ọrovwohwo na; o se kuo rhẹriẹ kirobo ri jere.

Isẹ 21:1 Referans Kwoze

Isẹ 16:9

Iroro rẹ ohwo ọye ọ vwọ gbẹn idjerhe rọye, ekẹvuọvọ Ọrovwohwo kọye rhe suẹn ichiyi rọye kẹ.

Isẹ 20:24

Ọrovwohwo re vwanvwan ichiyi rẹ ohwo kẹ, komavọ ohwo sa vwọ riẹn idjerhe rọye?

Ezra 6:22

Ayen da re orẹ rẹ ikara ro jephuo na ẹdẹ ighwrẹn soso vẹ aghọghọ, fikiridie Ọrovwohwo nẹrhẹ ayen ghogho. O de ku ẹnwẹ rẹ ovie rẹ Asiria rhẹriẹ kẹ ayen, rọ da nẹrhẹ ọ cha ayen uko vwo ru iruo rẹ uwevwi rẹ Ọghẹnẹ na, Ọghẹnẹ rẹ Izrẹl na.

Iruo rẹ Iyinkọn na 7:10

O de sio nẹ odjarhe rọye ejobi, ọ da vwẹ aroesiri kugbe aghwanre kẹ vwẹ obaro ri Fero, ovie rẹ Ijipt, ohwo ro vwiro mu osun vwẹ Ijipt kugbe evwruwevwi rọye ejobi.

Isẹ 16:1

Ohwo ro vwo iroro ọye iroro jẹ, ẹkẹvuọvo ota rẹ ẹrẹnvwe kpahe re obọ rẹ Ọrovwohwo o nẹ cha.

Daniẹl 4:35

Ihwo re dia akpọ na ejobi e kere ayen kerẹ emu diodi; obo ri jere ọye o ruẹ vwẹ ohri rẹ otu rẹ obo odjuvwu vẹ ohri rẹ ihwo re dia akpọ na; o vwo ohwo ọvuọvo rọ sa da obọ rọye jẹ-ẹ yẹrẹ ta kẹ nẹ, die wọ ruẹ?

Une rẹ Ejiro 106:46

O da nẹrhẹ ehrọre rẹ ayen re ihwo otu ri mu ayen ighuvwu ejobi.

Aizaya 43:19

Nighere, Mi ro ruẹ emu ọkpokpọ; Asakiephana ọ va phiare, wo rhe roro-o? Me cha fan idjerhe phiyọ evun rẹ aghwa irhie ke cha va nẹ aton rhe

Une rẹ Ejiro 105:25

O de ku udu rayen rhẹriẹ vwo tuoma rẹ ihwo rọye, re ayen vwẹ ọnko nene idibo rọye yeri.

Nehemaya 2:4

Etiyin ovie na da ta kẹ vwẹ, kẹ obọ rẹ ono wọ da yare oyare na? Kẹ etiyin me da nẹ ẹrhovwo kẹ Ọghẹnẹ rọ hẹ ọbo odjuvwu.

Nehemaya 1:11

E Ọrovwohwo, jẹn erhọn wẹn nabọ rhie phihọ ke ẹrhovwo re odibo wẹn, ji kugbe ẹrhovwo re idibo wẹn re vwe omavwerhe dje oshọ re odẹ wẹn na, wọ vwe obọekparọ ke odibo wẹn nonẹ na, re wọ ke arọdọvwe wẹn, vwẹ obaro re ohwo nana. Asakiephana mẹvwẹ ọye omuidi rẹ ovie na.

Une rẹ Ejiro 74:15

Wọwẹ re nẹrhẹ ogbugbu kugbe ẹtẹrhe varhe, wọwẹ re nẹrhẹ utọ rọ djẹ ọkere kpọ ya.

Aizaya 44:27

onọ re ta kẹ ikokodo na nẹ, Kpọ, yamu, ki mi ru irhie wẹn na kpọ fiotọ,

Une rẹ Ejiro 93:4

Gangan nọ ẹdjẹ rẹ ame buebu, gangan nọ oseghe rẹ abadi, Ọrovwohwo rọ he obenu na ganre!

Ẹvwọphia 16:12

Amakashe resan de ku udjokpo rọye phihọ urhie rode na Yufretis, ame rọye da kpọ yamu, rere ivie re hẹ obaro ọnre vwọ mrasan wan.

Ẹvwọphia 16:4

Amakashe rerha de ku udjokpo rọye phihọ irhie kugbe ogbugbu rẹ ame, i de hirhe phihọ ọbara.

Une rẹ Ejiro 114:5

Die ri kpokpo uwe, E abadi, ru wọ vwọ djẹ? E Jọdan, ru wo vwo rhivwi kpo uko?

Une rẹ Ejiro 114:3

Abadi niri ọ da djẹ, Jọdan de rhivwi kpo uko.

Jerimaya 39:12

Reyọ, nabọ vwẹ ẹro te wọ wan oma-a, ru obo rọ guọnọre.

Ẹyano 7:3

Ẹkẹvuọvo ki mi ru udu rẹ Fẹro gan, owenẹ mi ru eka vẹ igbunu buebu vwẹ otọ rẹ Ijipiti.

Ivie rẹ Ivẹ 19:33

Idjerhe rọ wan rhe ọ je cha wan rhivwi kpo, ọ cha sa yan rhe orere nana-a, enẹ Ọrovwohwo tare.

Ezra 1:1

Vwẹ evun rẹ ukpe rẹ esosuọ ri Sairọs ovie ri Pẹsha, rere ota rẹ Ọrovwohwo wan unu ri Jerimaya ta vwọ mrẹ asan sẹ, Ọrovwohwo da kpare ẹnwẹ ri Sairọs ovie ri Pẹsha kpenu, ke etiyin O da nẹrhẹ nẹ oghwoghwo wan irere re yariẹ uvie rọye phihọ, O ji ghwe si ayen phihọ evun rẹ ọbe.

Ezra 1:2

Enẹ Sairọs ovie ri Pẹsha tare: Ọrovwohwo Ọghẹnẹ rẹ Odjuvwu na, reyọ uvie rẹ akpo na ejobi vwọ kẹ vwẹ, o de ji urhi kẹ vwẹ nẹ me ra bọn uwevwi kẹ ọye vwi Jerusalẹm ri Juda.

Nehemaya 2:8

kugbe ọbe mi vwo rhe Asaf, rọ sẹro re egbo rẹ Ovie, rọ kẹ vwẹ igedu mi vwo ru igbere rẹ anurhoro na kugbe uwevwi rẹ ẹga na, kugbe igbẹhẹ re orere na, ji kugbe uwevwi ri mi che wo phihọ. Ovie da rhọvwe phihọ obo re me nọre, kidie obọ esiri rẹ Ọghẹnẹ vo vwẹ herọ.

Ẹsta 2:17

Ẹsta de je ovie na nọ eya na ejobi, ọ da mrẹ ẹse vẹ ẹruesiri rọye nọ emetobẹ na ejobi, etiyin ọ da vwẹ erhu rẹ uvie na tughe uyovwi o de vwo ru aye rẹ ovie vwẹ ẹdia ri Vashti.