Isẹ 20:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Irhivwẹ rẹ ophu rẹ ovie deri ọ họhọ eguango rẹ okpohrokpo; ohwo rọ kpare ophu rọye ọ vwẹ arhọ rọye hwa osa.

Isẹ 20:2 Referans Kwoze

Isẹ 19:12

Ophuemuo rẹ ovie họhọ eguango rẹ okpohrokpo, ẹkẹvuọvo ẹroesiri rọye họhọ irho rọ hẹ enu rẹ ẹbẹ.

Aghwoghwo 10:4

Ophu rẹ osun da tua kpahe owẹ, wo vrẹn nẹ asan wọ epha-a, kidie oma wo hwemu kpare ophu rode kuẹfia.

Isẹ 8:36

Ẹkẹvuọvo ohwo re me vabọ yọ wa omobọ rọye oma; ihwo ri tuoma mẹ ejobi ye ughwu eguọnọ.

1 Ivie 2:23

Etiyin Ovie Solomọn da vwẹ Ọrovwohwo duvwu iyori, tanẹ, Ọghẹnẹ ru vwe emu ọgangan, ọ da dianẹ Adonija rha vwẹ arhọ rọye hwa osa rẹ ota nana-a!

Hosia 11:10

Ayen che nene Ọrovwohwo, ko che kperi kerẹ okpohrokpo, e, o che kperi, emọ rọye ki che nẹ obuko ọnre rhe vẹ ophariẹ;

Habakọk 2:10

Wọwẹ ọvo rhe vwẹ omaẹvuọ kẹ uwevwi wẹn ru wọ vwọ nyavwẹ ihwo buebu kufia, wọ reyọ arhọ wẹn vwọ hwa osa.

Emọs 3:8

Okpohrokpo na kperi; kono oshọ je muo? Ọrovwohwo Ọghẹnẹ na ta nure. kono ri jẹ aroẹmrẹ?

Ukeri 16:38

ephẹnre rẹ ihwo re vwẹ arhọ rayen hwa osa rẹ umwemwu rayen, ọtiọye na e gbe jẹ duvwu ayen phihọ ọsete re vwo rhurhu agbada na, kidie ayen vwẹ ayen ze izobo kẹ Ọrovwohwo, fiki rẹ ọtiọye na kẹ efuanfon. Ọnana kọ cha dia oka kẹ ihwo rẹ Izrẹl na.

1 Ivie 2:24

Asakiephana kirobo rẹ Ọrovwohwo herọ na, rọ nẹrhẹ owọ mẹ ghwaotọ na, rọ da vwẹ ovwẹ tidia enu rẹ ekete ri Devid ọsẹ mẹ na, rọ je bọn uwevwi kẹ vwẹ na, kirobo ro veri na, ka teyọ Adonija hwe nonẹ na.