9 Kẹsiẹna wọ ke cha riẹn otọ rẹ ọvwata vẹ orhiebro kugbe orhiọsoso vwẹ idjerhe kidjerhe esiri ejobi.
Enẹ Ọrovwohwo na tare, Mudia vwẹ oma rẹ idjerhe, wo ni, wọ nọ ekpen re idjerhe rẹ awanre na asan rẹ omamọ rẹ idjerhe epha, ru wa yan phihọ, re wọ mrẹ urovwoma vwọ kẹ ẹnwẹn rẹ ovwan Ẹkevuọvo ayen da ta nẹ, Avwanre cha yan phihọ-ọ.
Enẹ Ọrovwohwo tare, Ọtan wẹn, Ọfuanfon Ọvuọvo rẹ Izrẹl na. Mẹvwẹ Ọrovwohwo Ọghẹnẹ wẹn, ro yono uwe vwọ mrẹ erere, ro sun we vwẹ idjerhe ru wọ cha wan na.
Jesu da ta kẹ, Mẹvwẹ hẹ idjerhe na, kugbe uyota na, kugbe arhọ na; ohwo ọvuọvo se bru Ọsẹ na rhe-e, ẹkẹvuọvo yẹ oma mẹ.
Mi vwọ ẹruọ no otu ri yono uvwe ejobi, kidie iseri wẹn na ọye iroro mẹ.
Mi dje kẹ wẹ mi yono uwe idjerhe ru wọ cha ra; Me nẹ wẹ iroro ẹro mẹ ko te we sun.
Idjerhe rode kọ cha dia etiyin, ke che se nẹ Idjerhe Ọfuanfon, emu ogbegbe cha sa wanvrẹ-ẹn, ẹkpa gbi che se ghwru vwọ-ọ.
Ota wẹn ọye urhukpẹ ke awọ mẹ kugbe oremrẹ ke idjerhe mẹ
Ẹkẹvuọvo idjerhe rẹ ohwo esiri ọhọhọ ọke ro rhie cha, ro lo gala gala bẹsiẹ rẹ ọke vwo kpo.
Me yan vwẹ idjerhe rẹ ọvwata, vwẹ idjerhe rẹ ọsoso,
Ihwo ebrabra sa riẹn obo rẹ ọsoso epha-a, ẹkẹvuọvo otu re guọnọ Ọrovwohwo na riẹn otọ rọye gbagba.
Ono he ohwo rọ dje oshọ rẹ Ọrovwohwo? ọye ọ che yono phihọ idjerhe rọye rọ jẹreyọ.
Wọ da yan, owọ wẹn rha gban phihọ-ọ, wọ da dje onẹ dede wọ rha kpro owọ-ọ.