Isẹ 2:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Kidie Ọrovwohwo na ye kẹ ohwo aghwanre; unu rọye ọye erianriẹn vẹ eruọ nẹ cha.

Isẹ 2:6 Referans Kwoze

Jems 1:5

Ẹkẹvuọvo ohwo ro rhe vwo aghwanre vwẹ usun rẹ ovwa-an, e jọ nọ vwẹ obọ rẹ Ọghẹnẹ, ọye ri se siobọ nẹ kemu kemu kẹ ohwo, ọ ghwọ kuẹ ohwo-o; kọ vwọ kẹ.

Une rẹ Ejiro 119:98

Urhi wẹn nẹrhẹ ovwẹ ghwanre nọ ivwighrẹ mẹ, kidie ọ vẹ ovwẹ herọ bẹdẹ

ỌBE RẸ JOB 32:8

Ẹkẹvuọvo erhi rọ hẹ evun rẹ ohwo, ẹnwẹ rẹ Ọrovwoẹgba na, re sa vwẹ ọhọ vwọ kẹ.

Iyẹnrẹ Esiri ri Luk 21:15

kidie me cha kẹ ovwan unu kugbe aghwanre, rẹ udu rẹ ukọn rẹ ovwan cha sa gba eyẹ phro-o.

Aizaya 54:13

Emọ wẹn ejobi kẹ Ọrovwohwo ri yono ayen, erhuvwu rọ emọ wẹn ke cha rho gangan.

Iyẹnrẹ Esiri ri Jọn 6:45

E siro phihọ ọbe rẹ emraro na nẹ, Ọghẹnẹ ọvo ko che yono ayen ejobi. Kohwo kohwo ro nyori ro de yono mie Ọsẹ na ko bru uvwe rhe.

1 Ivie 3:12

nighe, asakiephana ki mi ru kirobo rẹ ota wẹn epha. Nighe, Me kẹ wẹ aghwanre vẹ udu rẹ evughe, ọtiọye na a mrẹ ọkpọ wẹ rọ ka obaro kẹ wẹ-ẹ eyẹ ọkpọ wẹ rọ ka obuko kẹ wẹ-ẹ.

Jems 1:17

Kemu kemu esiri na ejobi obo odjuvwu i nẹ cha, nẹ obo rẹ osẹ rẹ urhukpẹ na cha ohwo ro vwo ẹrhẹriẹ-ẹ, rẹ uhoho re ebri ọvuọvo rheri-i.

Une rẹ Ejiro 119:104

Vwe oma rẹ iji wẹn mi de vwe ẹruọ; vwẹ ọtiọye na oma rẹ idjerhe umwemwu ko tu vwe.

Daniẹl 2:23

We, E Ọghẹnẹ rẹ esẹ mẹ, Me vwẹ ẹkpẹvwẹ vẹ ejiro kẹ, kidie wẹ re kẹ vwẹ ẹghwanre vẹ ogangan, obo ma nọ ekpẹn rọye vwẹ obọ wẹ, wọ vwe rọ phia kẹ vwẹ, kidie ota rẹ ovie na wọ vwẹ rọ phia kẹ avwanre.

Daniẹl 1:17

Ọghẹnẹ da rhe vwẹ erianriẹn vẹ ona rẹ ẹbiẹriẹn vẹ ọhọ vwọ kẹ imighene ẹne na; etiyin Daniel de rhi vwo erianriẹn vwẹ oma rẹ emramrẹ vẹ evwerhẹ.

Aizaya 8:20

Uyono na kugbe iseri na keye ayen bru ra! omuẹro kidie ota nana rayen tare na o gbi vwo ọke erhie kẹ aye-en.

1 Ivie 4:29

Ọghẹnẹ da vwẹ aghwanre vẹ ẹruọ vwọ kẹ Solomọn vrẹn ẹka, ọ vẹ udu rọ hẹre ro bu nọ lbiekpẹn rẹ urhie,

Daniẹl 2:21

Ọ rhẹriẹ ọke vẹ ẹghẹre; ọye ri siẹ ivie nẹ ẹdia ọ me rha vwẹ ivie mu, ọ vwẹ aghwanre kẹ ihwo re ghwanre, ọ me rha vwẹ erianriẹn kẹ ihwo ri vwo ẹruọ

Isẹ 6:23

Kidie urhi na ọye urhukpẹ, eyono ke rha orẹmrẹ, eghwọkuo re vwo si ohwo orhọn ye kọye idjerhe rẹ arhọ,

Une rẹ Ejiro 19:7

Urhi rẹ Ọrovwohwo na gbare, ọ rhọvwọ udu, iseri rẹ Ọrovwohwo na muẹro, ọ nẹrhẹ ogbori ghwanra,

1 Ivie 3:9

Fiki ọtiọye na gba vwẹ erhi rẹ ẹruọ vwọ kẹ odibo wẹn ro vwo sun ihwo wẹn, rere mi se vwo vughe emu esiri vẹ emu umwemwu; kono se sun ihwo ibuebu wẹn nana?

Ẹyano 31:3

me da vwẹ Erhi rẹ Ọghẹnẹ vwọ vọn, ọ vẹ ogangan vẹ ọhọ vẹ erianriẹn vẹ ona ejobi,

1 Ikun rẹ Ivie 22:12

Ọrovwohwo gba vwẹ ọhọ vẹ erianriẹn kẹ wẹ, rere ọ da vwẹ owẹ mu vwẹ enu rẹ Izrẹl nure wọ vwọ sa yọnrọn urhi rẹ Ọrovwohwo rẹ Ọghẹnẹ wẹn.

Nehemaya 7:5

Ọghẹnẹ de phi iroro nana phihọ udu mẹ, ni mi re se ihwo na koko ehọnvwọnre vẹ iruiruo na kugbe ihwo na ejobi rere e si ayen uvwiuvwiẹ, mẹ da mrẹ ọbe rẹ uvwiẹ rẹ ihwo rẹsosuọ re ka rhe, me da mrẹ obo re si phihọ.

ỌBE RẸ JOB 22:22

Reyọ uyono nẹ unu rọye rhe, wo phi eta rọye phihọ udu wẹn.

Une rẹ Ejiro 51:6

Nighere, wọwẹ re guọnọ uyota ro ne evun rhe; fiki rẹ ọtiọye na gbe yono uvwe aghwanre vwẹ udu mẹ.

Aghwoghwo 2:26

Kidie ohwo rẹ ivun rọye vwerhẹ Ọghẹnẹ ọye ọ vwẹ ẹghwanre vẹ erianriẹn kugbe aghọghọ kẹ; ẹkẹvuọvo Ọghẹnẹ reyọ okọn rẹ owian rẹ oruimwemwu ejobi, vwọ kẹ ohwo rẹ ivun rọye vwerherọ. Ọnana dede na je hẹ odiodi vẹ odju re nene họnra.

1 Ivie 10:24

Akpọ na ejobi ke guọnọ opharo ri Solomọn mrẹ rere ayen vwo nyo aghwanre rọye, rẹ ọfuanfon phi phihọ udu rọye.

Ezra 7:25

Te owẹ rẹ Ezra, kirobo ẹ ẹghwanre rẹ Ọghẹnẹ wẹn rọ hẹ obọ wẹn epha, gba vwẹ iguẹdjọ rẹ itete vẹ iride vwo mu vwẹ ubrakpọ rọ Obovrẹn rẹ Urhie na, ọtiẹ oghẹre rẹ ihwo ri vwo erianriẹn rẹ urhi rẹ Ọghẹnẹ wẹn na, kugbe otu re riẹn aye-en, ku wo yono ayen.

ỌBE RẸ JOB 12:13

Ọghẹnẹ ọye aghwanre vẹ ẹgba rheri; ọye vwẹ eroro kugbe ọhọ.

ỌBE RẸ JOB 12:16

Obọ rọye ẹgba vẹ aghwanre epha, tẹ ọraphiẹnre vẹ ọphiẹn-ihwo erọye.

Une rẹ Ejiro 19:8

Irhi rẹ Ọrovwohwo na shehọ, ọ vwẹ omavwerhe vwọ kẹ udu; iji rẹ Ọrovwohwo na emamọ, ọ nẹrhẹ ẹro rhie;

Une rẹ Ejiro 94:10

Ohwo rọ ghwọ ku ẹgborho na, ọ gbe sa ghwọ-ọ? Ọ rọ yono ihwo aghwanre,

Une rẹ Ejiro 119:34

Kẹ vwẹ ẹruọ, rere me vwọ yọnrọn urhi wẹn re me vwẹ udu mẹ ejobi vwọ sẹro rọye.