Isẹ 16:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Idjerhe rẹ ohwo rẹ akpọ ejobi oyoyovwo vwẹ aro rọye, ẹkẹvuọvo Ọrovwohwo vwanvwan erhi.

Isẹ 16:2 Referans Kwoze

Isẹ 21:2

Idjerhe rẹ ohwo rẹ akpọ ejobi yovwẹ re vwẹ ẹro rọye, ẹkẹvuọvo Ọrovwohwo vwanvwan udu.

1 Samuẹl 16:7

Ẹkẹvuọvo Ọrovwohwo da ta kẹ Samuel, wo nẹ ekroma rọye-e eyẹ obo rọ rhuoma te eyẹ ugrogro-o, fikiridie Me senrọ nure; kidie Ọrovwohwo nẹ kirobo rẹ ohwo rẹ akpọ nẹ-ẹ; ohwo rẹ akpọ nẹ ekroma, ẹkẹvuọvo Ọrovwohwo nẹ evun rẹ udu.

Iyẹnrẹ Esiri ri Luk 16:15

Ẹkẹvuọvo ọ da ta kẹ ayen, Ovwan hẹ ihwo ri brorhiẹ kẹ oma rẹ ayen vwẹ obaro rẹ ihwo, ẹkẹvuọvo Ọghẹnẹ riẹn udu rẹ ovwan; kidie obo rẹ ihwo kpara kpenu yẹ ẹgua vwẹ obaro rẹ Ọghẹnẹ.

Isẹ 30:12

Ihwo efa rha herọ ri roro oma rayen fuanfon ẹkẹvuọvo yẹ a je họ ayen nẹ ogbeku raye-en.

Jerimaya 17:10

Mẹvwẹ Ọrovwohwo na re hiẹ iroro, me je davwẹ udu nẹ, rọ kẹ ohwo kohwo kirobo rẹ uruemu rọye epha, kirobo rẹ emamọ rọye epha.

Isẹ 24:12

Wọ da ta, Nighe, avwanre riẹn ọnana-a. Ọ rọ vwanvwan udu rẹ ihwo ejobi na rha riẹ-ẹn? Ọ rọ rhẹrẹ erhi wẹn na rha riẹ-ẹn, wọ rha riẹn nẹ ọ cha hwa osa kẹ ihwo kirobo rẹ iruo rayen epha-a?

Une rẹ Ejiro 36:2

Kidie ọ ra vwẹ unu brugu phihọ oma rọye nẹ a cha sa mrẹ otọ rẹ orukuruku rọye re de tuoma rọye-e.

Isẹ 5:21

Kidie idjerhe rẹ ohwo rẹ akpọ rhie phihọ vwẹ obaro rẹ Ọrovwohwo na, ọ rọ rhẹrẹ ichiyi rọye ejobi.

Isẹ 16:25

Idjerhe ọvo herọ rọ họhọ obọ ri she phihọ vwẹ ẹro ro ohwo, ẹkẹvuọvo oba rọye idjerhe rẹ ughwu.

Daniẹl 5:27

TẸKẸL, E mu we phihọ uwan nure a da mrẹ nẹ wo mu uwa-an.

Aizaya 26:7

Idjerhe rẹ ọvwata nabọ ghọriẹ, wẹ yi ru idjerhe rẹ ọvwata riẹriẹriẹ.

Ẹvwọphia 2:23

Emọ rẹ ayen vwẹ ọfanrhiẹ vwiẹ na ki ghwu re. Ishọshi na ejobi ke riẹn nẹ mẹvwẹ re hiẹ iroro kugbe udu, ke me hwa osa kẹ ovwan ọvuọvo kirobo rẹ iruo rẹ ovwan teri.

Ẹvwọphia 2:18

Kẹ enẹ o si rhe amakashe rẹ ishọshi ri Taetira; Eta rẹ Ọmọ rẹ Ọghẹnẹ, ro vwo ẹro rọ họhọ ẹkuerhanre, rẹ awọ rọye họhọ ẹrovwo ra fare.

1 Samuẹl 2:3

Wọ gbe ta ota rẹ eheri ọtiọye ganga-an, Wọ rha jẹ ọjẹfia nẹ unu wẹ cha-a; kidie Ọrovwohwo ọye Ọghẹnẹ rẹ erianriẹn, ọye re vwanvwan uruemu.

Isẹ 12:15

Ẹkpa roro nẹ idjerhe rọye ri me yovwi, ẹkẹvuọvo ohwo rọ ghwanre nabọ kerhọn rẹ uchebro.

Ukeri 22:32

Amakashe rẹ Ọrovwohwo na da ta kẹ, Die wọ vwọ fa ekẹtẹkẹtẹ wẹn asiarha nana? Nighere me rhere rhe da wẹ ji, fikiridie idjerhe wẹn na ọchọchọ kẹ vwẹ;

Iguẹdjọ 7:6

Uche rẹ ayen otu re vwẹ obọ banọ ame phihọ unu vwẹ emudia, da dia eshare ujori erha; ẹkẹvuọvo ihwo ri chekọ ejobi de rhuẹn djokoro da ame.

Iguẹdjọ 17:6

Vwẹ ọke yena, Izrẹl vwo ovie ọvuọvo-o; dohwo vẹ obọ ri jere vwẹ ẹro kọye o ruẹ kẹ oma rọye

Isẹ 17:3

Ẹphẹre a vwọ wran idọnọ, ẹkuerhanre kọye a vwọ wran oro, Ọrovwohwo re davwa udu rẹ ihwo nẹ.