Isẹ 14:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ota rẹ ẹkpa ọyẹ ophiaphiẹ re vwo hwe, ẹkẹvuọvo unu rẹ ọvwaghwanre ọye ri sivwẹ ayen.

Isẹ 14:3 Referans Kwoze

Isẹ 12:6

Eta rẹ oruimwemwu re fiọnko hẹrhẹ ọbara, ẹkẹvuọvo unu rẹ ohwo esiri siẹ ohwo nẹ ughwu.

Ẹvwọphia 12:11

Ayen da vwẹ ọbara rẹ Omogodẹ na phio kparobọ kugbe ota rẹ iseri rayen, ayen se ẹnwẹn rayen gbe emuọvo-o ayen je davwerhọn rẹ ughwu-u.

Ẹvwọphia 3:10

Fikiridie wọ yọnrọn ota mẹ vwe erhiori vẹ akoechiro na, ke me yọnrọn owẹ vwẹ ọke rẹ odavwini rọ cha akpọ na ejobi na, rọ cha davwe ihwo ejobi re dia akpọ na ni.

2 Pita 2:18

Kidie, ọke rẹ ayen da vwẹ ugbeghẹ yan eyan, yẹ ayen vwẹ ọfanrhiẹ vẹ urhuru si vwe riẹriẹ ihwo re je sa vabọ rẹ oruchọ rẹ aye-en.

Daniẹl 7:20

Vwọ kpahe ighoro ihwe re hẹ uyovwi rọye, vẹ ighoro efa ri yoro phia, re sua eshe kẹ ighoro erha vwẹ obaro rọye, ighoro vwẹ ibiẹro kugbe unu rọ vwọ ta ikpeta ride, re je rho nọ otu rọye.

Isẹ 28:25

Ọvwurhuru sua ohọnre, ẹkẹvuọvo ohwo rọ vwẹ ẹro so Ọrovwohwo che fe buebu.

Isẹ 22:8

Ohwo rọ kon ubi re oshenyẹ ukpokpogho ọye o vuẹn, ọkpọ re ophu rọye che she.

Isẹ 21:24

Ọjihwofia ọye ọde rẹ ohwo ro herẹ, ro vwo ọnko ro yivwaro vẹ omaephuo.

Isẹ 18:6

Ẹbẹrunu rẹ ẹkpa so eta; ugbunu rọye sua ohọre.

Une rẹ Ejiro 57:4

Mi sherhẹ uherevie rẹ ikpohrokpo, re vwẹ urhuru furhu emọ rẹ ihwo rẹ akpọ ria, ako rayen ibiri kugbe edada, ẹrenvwe rayen elọkọ re dan.

Une rẹ Ejiro 12:3

E jẹn Ọrovwohwo bru unu ro bru avwavwe ejobi kufia, kugbe ẹrenvwe rọ yeyan rẹ okpemu ride,

ỌBE RẸ JOB 5:21

E si we nẹ ehwẹjẹ rẹ ẹrẹnvwe, wọ cha djẹ oshọ vwẹ ọke rẹ ẹghwọrọ da rhe-e.

1 Samuẹl 2:3

Wọ gbe ta ota rẹ eheri ọtiọye ganga-an, Wọ rha jẹ ọjẹfia nẹ unu wẹ cha-a; kidie Ọrovwohwo ọye Ọghẹnẹ rẹ erianriẹn, ọye re vwanvwan uruemu.

Une rẹ Ejiro 31:18

Jẹn unu rọ vwọrọ efian di, rọ ta ota rẹ arueyivwo kpahe ọvwata vwe eheri kugbe ehwẹjẹ.

Isẹ 14:4

Asan rẹ irhuẹn epha-a urhuẹ dia-a, ẹkẹvuọvo ogangan rẹ erhuẹn ọye nẹrhẹ emamọ buẹ.

Isẹ 13:3

Ohwo rọ serọ rẹ unu rọye che sivwi arhọ rọye; ọ rọ rhie unu rọye phihọ tẹ ẹtan cha họrhọ ro ughwu.

Isẹ 18:7

Unu rẹ ẹkpa ọye ri hwe, igbenu rọye nẹrhẹ ufi muọ.