Isẹ 13:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Emu re phi ẹro phihọ nu ra da kparọ ọ nẹrhẹ udu rẹ ohwo mwa ọga, ẹkẹvuọvo obo rẹ ohwo guọnọ ro de se te obọ ọ họhọ urhe rẹ arhọ.

Isẹ 13:12 Referans Kwoze

Iyẹnrẹ Esiri ri Jọn 16:22

Ọtiọye na ovwan ke mrẹ odjadja vwẹ asakiephana, ẹkẹvuọvo me cha rhoma mrẹ ovwan udu rẹ ovwan kọ ghọghọ, ohwo ọvnovo gbi se mie ovwan aghọghọ yena-a.

Isẹ 13:19

Obo rẹ ohwo guọnọ de te obọ oma kọ vwerhẹ erhi rọye, ẹkẹvuọvo umwemwu ẹ yan jovwo yẹ ẹgua kẹ ihwo ri jẹ iroro evwo.

Isẹ 3:18

Ọye urhe rẹ arhọ kẹ ihwo re djẹ gbanọ ejobi, e re gbanerọ gangan eye ihwo ri vwo aghọghọ rọde na!

Une rẹ Ejiro 17:15

Vwọ kẹ vwẹ, me cha vwẹ ọvwata mrẹ opharo wẹn, Me da rhọvwọ, evun kọ vọn vwẹ re me da mrẹ wẹn.

Isẹ 11:30

Omamọ rẹ ọvwata ọye urhe rẹ arhọ, ẹkẹvuọvo ozighi hwe arhọ.

Une rẹ Ejiro 69:3

Oma re oviẹ mẹ rhọ vwe, upho mẹ ọ yamu Ẹro mẹ rhi dje koi re me vwọ hẹrhẹ Ọghẹnẹ mẹ.

Une rẹ Ejiro 143:7

Jọphẹre kpahe kẹ vwẹ, E Ọrovwohwo! Oma ro erhi mẹ! Wo si opharo wẹn nẹ kẹ vwẹ-ẹ, Me da rha họhọ otu ri kpo obo Ukpotọ na.

Jẹnẹsis 46:30

Izrẹl da ta ki Josẹf, Asakiephana gbe ju vwe ghwu, re Me vwọ mrẹ opharo wẹn nure na, Me ke rha riẹn nẹ wọ je akpọ.

Solomon 5:8

Mi ju we riẹn, E emetẹ ri Jerusalẹm, ọ da dianẹ wọ mrẹ ọ ro je vwe na, gba ta kẹ nẹ urhuru rọye si vwe

Ẹvwọphia 22:2

wan uherevie rẹ urhuvwu rẹ orere na; vwẹ obọ nana vẹ obọ yena rẹ urhie na, urhe rẹ arhọ na da je djẹ vwọ ọ vẹ oka rẹ ibi ihwivẹ, rọ mọ emamọ rọye kemeranvwe kemeranvwe; ẹbe rẹ urhe na kọye e vwo sivwi ẹgborho na.

Ẹvwọphia 2:7

Ohwo ro vwo erhọn e jo nyo obo rẹ Erhi na ta kẹ ishọshi na. Ohwo ro phi kparobọ ke me vwẹ urhe rẹ arhọ na kẹ re, rọ he Paradais rẹ Ọghẹnẹ.

Isẹ 13:11

Efe rẹ okpakpa obobotọ ọ ra, ẹkẹvuọvo ohwo rọ kọn ọkọn ememerha, ko che vwo buebu.

Isẹ 13:13

Ohwo rọ jẹ ota na fia ọye ọvo hwe oma rọye, ẹkẹvuọvo ohwo ro mu ọghọ kẹ urhi na che vwo osa.

Nehemaya 2:2

Fiki rẹ ọtiọye na, ovie na da ta kẹ vwẹ, Die wọ vwo muoma phihọ, yọ dianẹ ọga ga we-e? Ona sa dia emuọfa vrẹ omaemuo-phihọ re udu-u. Etiyin oshọ de mu vwe gangan.