Isẹ 13:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Eheri ọye ohwo ro jẹ ẹme enyo vwọ sua ofovwi, ẹkẹvuọvo aghwanre vẹ ihwo re reyọ uchebro gba dia.

Isẹ 13:10 Referans Kwoze

Isẹ 19:20

Kerhọn rẹ uchebro rere wọ reyọ uyono, rere wo vwo aghwanre hẹrhẹ ọke rọ cha.

Isẹ 17:14

Ẹtuọhọ rẹ ofovwi ọ họhọ ẹsiẹ re bru udio rẹ ame, vwẹ ọtiọye na gba kẹnẹ oma bẹsiẹ rẹ ẹghwọ vwọ phia.

Jems 4:1

Die re suọ ẹghwọ vẹ ofovwi vwẹ uherevie rẹ ovwan na? Ọ dia avwerhe vẹ urhuru rọ hẹ oma rẹ ovwan re ghwa ofovwi cha-a?

1 Timoti 6:4

yọ vọnre vẹ ophiẹnvwe yo phuoma, yọ riẹn emuọvo-o; yo vwo udu gidi gidi rẹ aphro rọ sua ẹghwọ vwẹ oma rẹ eta, re sua omaẹriọ, ohẹriẹ, eta ewanriẹ, ẹroephio,

Iyẹnrẹ Esiri ri Luk 22:24

Aphro ọvo da rhe dia vwẹ ohri rẹ ayen nẹ, kono vwẹ usun rẹ ayen re ma rho.

Isẹ 25:8

Obo rẹ ẹro wẹn mrẹre wọ vwẹ okpakpa vwo kpo aguare-e; kọrhọ wo ru vwẹ obọ ọ da dianẹ ọrivẹ wẹn phọpho owẹ?

Isẹ 21:24

Ọjihwofia ọye ọde rẹ ohwo ro herẹ, ro vwo ọnko ro yivwaro vẹ omaephuo.

Isẹ 20:18

Iroro e vwo ru obo re gbare; aghwanre kọye e vwo phiẹ ofovwi kparobọ.

Ivie rẹ Ivẹ 14:10

Wo ghine hwe Idọm, ke wọ kpara oma kpenu. Jẹn urinrin wẹn da wẹ ẹro rere wọ tidia urhuẹn wẹn; die sorọ wo vwo si ukpokpogho cha rere wo she, rere Juda vẹ owẹ vwo she?

1 Ivie 12:16

Ọke rẹ Izrẹl ejobi vwọ mrẹ nẹ ovie na rha davwerhọ raye-en, ihwo na da kpahe kẹ ovie na, Didi ẹkẹn ri te avwanre vwẹ oma ri Devid? Avwanre vwo uku vwẹ oma rẹ ọmọ ri Jesse-e. ọ vuẹ uwevwi rọye ra, E Izrẹl, Gbe sun uwevwi wẹn ri Devid, na ọvo Ọtiọye na Izrẹl de kpo uwevwi rayen.

Iguẹdjọ 19:30

Ihwo ejobi re mrẹre da ta nẹ, Oghẹre rẹ emu ọtiọna je phia-a eyẹrẹ a je mrẹ emu ọtiọna vwẹ ọke rẹ ihwo rẹ Izrẹl vwọ nẹ otọ rẹ Ijipt rhe, rhi te ẹdẹ nana-a; e phio iroro, a jẹ iroro, rere a ta ota.

Isẹ 13:9

Urhukpẹ rẹ ọvwata aghọghọ, ẹkẹvuọvo e che fu urhukpẹ rẹ ohwo umwemwu na.

Isẹ 13:11

Efe rẹ okpakpa obobotọ ọ ra, ẹkẹvuọvo ohwo rọ kọn ọkọn ememerha, ko che vwo buebu.

Isẹ 28:25

Ọvwurhuru sua ohọnre, ẹkẹvuọvo ohwo rọ vwẹ ẹro so Ọrovwohwo che fe buebu.