Isẹ 13:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ọmọ rọ ghwanre nyo uyono rẹ ọsẹ rọye, ẹkẹvuọvo ọ rọ jẹ ọjẹfia kerhọn rẹ uchebro-o.

Isẹ 13:1 Referans Kwoze

Isẹ 15:5

Ẹkpa re jẹ uchebro rẹ ọsẹ rọye fia, ẹkẹvuọvo ohwo rọ reyọ uchebro yẹ ovwaghwanre.

Isẹ 15:20

Ọmọ ro vwo iroro nẹrhẹ ọsẹ vwo omavwerhovwẹ, ẹkevuọvọ ẹkpa se oni rọye gbe emu-u.

Isẹ 10:1

Ọmọ rọ ghwanre nẹrhẹ Ọsẹ ghọghọ, ẹkẹvuọvo ọmọ oghenghẹn ọ nẹrhẹ ivun miovwẹ oni rọye.

1 Samuẹl 2:25

ọ da dianẹ ohwo ru umwemwu kpahe ohwo, Ọghẹnẹ kọye re rhuẹrẹ ayen phihọ ẹkẹvuọvo ohwo de rhe ru umwemwu kpahe Ọrovwohwo, kono re rẹ orẹ kẹ? Ẹkẹvuọvo ayen gbe kerhọ rẹ urhuru rẹ ọsẹ raye-en; kidie ẹguọnọ rẹ Ọrovwohwo rere ọ vwọ teyọ ayen hwe.

Isẹ 14:6

Ọjẹjẹfia da guọnọ aghwanre ọ mrẹ-ẹ, ẹkẹvuọvo erianriẹn epha nọnọhọ kẹ ohwo ro vwo ẹruọ.

Isẹ 15:12

Ohwo rọ jẹ ejẹfia guọnọ nẹ a ghwọ ku ọye-e, o ji brẹ ọvwaghwanre kpo iroro ẹjẹ-ẹ.

1 Ivie 22:43

Ọ da vwọ kpahe idjerhe ejobi rẹ ọsẹ rọye Asa; o gbobọ nyẹ-ẹ, o de ru obo ri yovwiri vwẹ obaro rẹ Ọrovwohwo; dede na a sa guọghọ asa ri kpenu na-a, yẹ ihwo na ji ze izobo ayen je torhẹ insẹns vwẹ asan ri kpenu na.

Isẹ 7:24

Asakiephana, Emọ na, wa gba kerhọn mẹ, rere wa nabọ nyo eta rẹ unu mẹ.

Isẹ 12:15

Ẹkpa roro nẹ idjerhe rọye ri me yovwi, ẹkẹvuọvo ohwo rọ ghwanre nabọ kerhọn rẹ uchebro.