Isẹ 10:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ọmọ rọ kokọn vwẹ ọkeuvo vwo aghwanre, ẹkẹvuọvo ọmọ rọ rha vwerhẹ vwẹ ọke orhọn nẹrhẹ oma vua ohwo.

Isẹ 10:5 Referans Kwoze

Isẹ 6:8

ọ nabọ rhuẹrẹ emu rọye kpahe vwẹ ọke uvo, ọ me nabọ rhuẹrẹ ekuakua rọye ejobi phihọ vwẹ ọke orhọ.

Isẹ 30:25

emeranranvwe rẹ otọ dia ihwo ri vwo ẹgba-a, dede na ayen se koko emuọre rayen hẹrhẹ ọke uvo;

Isẹ 19:26

Ohwo rọ họnrọ ọsẹ rọye ọ me rha djẹ oni rọye kufia, ọye ọmọ rọ ghwa omavovwẹ vẹ ekan yan.

Isẹ 17:2

Ọviẹn ro vwo aghwanre che suẹn ọmọ ro gbe ozighi, o che nene imoni na ghare uku.

Isẹ 12:4

Aye esiri ọye erhu rẹ uvie kẹ ọshare rọye, ẹkẹvuọvo aye rọ nẹrhe oma vua ohwo họhọ orin ro gbo vwẹ ibeku rọye.

Isẹ 6:6

Yan bru emeraranvwe na, E Ọvwiẹrẹ na, yono uruemu rọye, rere wọ ghwanre.

Isẹ 10:4

Obọ rẹ ọvwiẹrẹ ghwa ogbere cha, ẹkẹvuọvo obọ rẹ ọgba me rha ghwa efe rhe.

Isẹ 10:6

Ebruba kẹ uyovwi rẹ ọvwata, ẹkẹvuọvo ugbunu rẹ ohwo umwemwu siẹ ozighi nẹ.

Isẹ 27:25

Ọke rẹ odi da torhẹ nu, re odi ọkpokpo da dje rhe nu, a da rhe ghwẹ ẹbe rẹ ugbenu na ejobi koko nu,