Isẹ 10:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Obọ rẹ ọvwiẹrẹ ghwa ogbere cha, ẹkẹvuọvo obọ rẹ ọgba me rha ghwa efe rhe.

Isẹ 10:4 Referans Kwoze

Isẹ 21:5

Iroro rẹ ohwo rọ vwẹ ẹro te otọ je yovwo-o, ẹkẹvuọvo ohwo ro bru okpakpa che fiabọ.

Isẹ 20:4

Ọvwiẹrẹ voro vwẹ ọke evwru-u; kọ guọnọ vwẹ ọke orhọ yọ gbẹ mrẹ vu-un.

Isẹ 19:15

Ọvwufeti vwerhẹ okpovwerhẹ rode, ohwo rọ ro uvwerhi owevwi hwe.

Isẹ 13:4

Erhi rẹ ọvwiẹrẹ ro ẹwan, yo vwo emuọvo-o, ye erhi rẹ ọgba mrẹ ria buebu.

1 Kọrẹnt 15:58

Ọtiọye na, imoni mẹ re ghare, mudia gan, wo yeghe oma-a, dje ebuo-ebuo phihọ vwẹ iruo rẹ Ọrovwohwo, vẹ ẹriẹn nẹ owian re wọ wian kẹ Ọrovwohwo ghwruru-u.

Isẹ 20:13

Wo siogba rẹ ovwerhẹ-ẹ, wọ da rhe dia ovwiogbere; rhiẹ ẹro wẹn phihọ ku wọ cha mrẹ emu ọ re.

Isẹ 19:24

Ọvwiẹrẹ duvwu obọ phihọ ẹvwẹrẹ fẹn, yọ tobọ sa kparọ vwo tẹ ugbunu rọye-e.

Isẹ 12:24

Obọ rẹ ohwo ro vwo odiri che suẹn, ẹkẹvuọvo ọvwufeti ka cha gba vwọ wian owian.

Isẹ 11:24

Ohwo ọvo rue ese yo fe phihọ; ọfa herọ rọ tọkpẹ ẹkẹvuọvo yẹ akpọ ben.

Iyẹnrẹ Esiri ri Jọn 6:27

Ovwan wian owian fiki rẹ emuọre rọ ghwọrọ-ọ; ẹkẹvuọvo fiki rẹ emuọre rọ tọn re te arhọ ri bẹdẹ, rẹ Ọmọ rẹ ohwo cha vwọ kẹ ovwan; kidie enu rọye ọye Ọghẹnẹ Ọsẹ na ka oka rọye phihọ.

Aghwoghwo 10:18

Uvwerhi re nẹrhẹ ebọn rhirẹ, kugbe uvwerhi re nẹrhẹ uwevwi fiẹ.

Isẹ 10:5

Ọmọ rọ kokọn vwẹ ọkeuvo vwo aghwanre, ẹkẹvuọvo ọmọ rọ rha vwerhẹ vwẹ ọke orhọn nẹrhẹ oma vua ohwo.

Isẹ 12:27

Ovwufeti sa djẹ eranvwe rọye muẹ-ẹ, ẹkẹvuọvo ohwo ro vwo erhiori che vwo omamọ rẹ efe.

Isẹ 18:9

Ọvwiẹrẹ ro se ru iruo-o, yẹ oniọvo rẹ ohwo rọ ghwọrọ ekọn.

Jẹnẹsis 26:32

Ẹdẹ yena vuọvo na idibo rẹ Aizik da rhe vuẹ kpahe orhare rẹ ayen tọnre, ayen da ta ke, Avwanre mrẹ ame re.