Isẹ 10:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Efe ra vwẹ umwemwu ghwẹ koko fi erere ọvuọvo-o, ẹkẹvuọvo ọvwata siẹ ohwo nẹ ughwu.

Isẹ 10:2 Referans Kwoze

Isẹ 11:4

Efe sa chọ ohwo uko vwẹ ẹdẹ rẹ ophu-u, ẹkẹvuọvo ọvwata siẹ ohwo nẹ ughwu.

Isẹ 21:6

Efe rẹ ovwọrefian vwori họhọ ivwirhi ri guvwie wan kugbe etan rẹ ughwu.

Isẹ 12:28

Idjerhe rẹ ọvwata ọye arhọ epha, idjerhe rẹ ọruchọ suẹn ohwo kpo ughwu.

Ọbe ri Pọl si rhe Ihwo ri Rom 5:21

Ọtiọye na, kirobo rẹ umwemwu suẹn vwẹ evun rẹ ughwu na, ọtiọye rhe ẹserọphẹ je wan oma rẹ ọvwata su re te arho ri bẹdẹ vwẹ oma ri Jesu Kristi Ọrovwavwanre.

Zẹfanaya 1:18

Idọnọ efuanfọn rayen eyẹ iro rayen che se sivwi aye-en vwẹ ẹdẹ rẹ ophu rẹ Ọrovwohwo na-a. Vwẹ erhanre rẹ ophu rẹ omaẹriọ rọye, otọ na ejobi ke torhẹ muotọ. Rọ vwọ gba, kpregede ọye ọ che vwo oba kẹ ọtiọye otu re dia otọ na ejobi cha dia.

Izikiẹl 7:19

Ayen ghwẹ idọnọ rayen phihọ evun rẹ irhuvwu, iro rayen epha kerẹ eravwọ ri jẹfuọn; idọnọ vẹ iro rayen se sivwi ayen vwẹ ẹdẹ rẹ ivuemiovwo rẹ Ọrovwohwo na-a, ayen se fue owẹvwe raye-en eyẹ ọ sa vọn evun raye-en. Kidie ọye uchukurhe umwemwu rẹ orukuruku rayen.

Ọbe ri Pọl si rhe Ihwo ri Rom 2:5

Vwe evun rẹ udu rẹ ovwan na ovwan re koko abe kẹ oma rẹ ovwan vwẹ ẹdẹ ophu rọye vwẹ ọke rẹ ọvwata rẹ Ọghẹnẹ da cha vwẹ orhiebro rọye phia.

Filipae 3:9

ra mrẹ vwẹ vwẹ evun rọye, ọ dianẹ ki mi rhe vwo ọvwata rẹ obọ mẹ, ro nẹ oma rẹ urhi rhe-e, ẹkẹvuọvo ọ rọ wan esegbuyota vwẹ evun ri Kristi rhe, ọvwata ro nẹ obọ rẹ Ọghẹnẹ rhe fiki rẹ esegbuyota;

Daniẹl 4:27

Fiki rẹ ọtiọye, E Ovie, gbe nyo uchehro mẹ, siobọ nẹ umwemwu rere wo ru emu esiri, vẹ orukuruku wẹn, re wo ni arodọvwẹ kẹ ihwo rẹ eshenyẹ, siẹvo ufuoma wẹn ke ruo gro phihọ.

Isẹ 13:11

Efe rẹ okpakpa obobotọ ọ ra, ẹkẹvuọvo ohwo rọ kọn ọkọn ememerha, ko che vwo buebu.