Isẹ 10:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ugbunu rẹ ọvwata ọye ọgbugbu ra rhọ; ẹkẹvuọvo ugbunu rẹ ohwo umwemwu vẹ ozighi gba yan.

Isẹ 10:11 Referans Kwoze

Isẹ 13:14

Uyono rẹ ọvwaghwanre na ogbugbu rẹ arhọ, rere ohwo vwọ kẹnẹ oma kẹ ugodo rẹ ughwu.

Isẹ 10:6

Ebruba kẹ uyovwi rẹ ọvwata, ẹkẹvuọvo ugbunu rẹ ohwo umwemwu siẹ ozighi nẹ.

Isẹ 18:4

Eta rẹ unu rẹ ohwo họhọ ame okokodo, ogbugbu rẹ aghwanre djẹ kerẹ ọkere rẹ ame.

Ẹfesọs 4:29

E jẹn ota umwemwu nẹ unu rẹ ovwan cha-a, ẹkẹvuọvo ota esiri rọ vọnre vẹ uyono, ro fori kẹ oghẹre ẹde, rọ vwẹ erhuvwu kẹ otu ri nyoro.

Isẹ 20:15

Oro vẹ omamọ rẹ eragha e pha buebu, ẹkẹvuọvo ẹbẹrunu rẹ erianriẹn epha yoyovwi kerẹ irhu.

Isẹ 15:7

Ẹbẹrunu rẹ ọvwaghwanre ghwoghwo erianriẹn, ọ dia ọtiọye kẹ iroro rẹ ohwo oghenghẹ-ẹn.

Isẹ 10:32

Ugbunu rẹ ọvwata riẹn ọbo ri fori vughe, unu rẹ ohwo umwemwu, emu ọchọchọ ọvo ọ riẹn.

Une rẹ Ejiro 107:42

Ohwo rẹ ọsoso kọ mrẹ ọ me ghọghọ, ihwo umwemwu ejobi ki rhurhu unu rọye

Isẹ 15:4

Ẹrẹnvwe bọrọbọrọ ọye urhe ra arhọ, ẹkẹvuọvo echobọr da herọ kọ guọghọ erhi.