Isẹ 10:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ohwo rọ brẹro gbrigbri sua okpetu, ohwo ro yivwaro ghwọ kuẹ oruchọ ọye sa rhuẹrẹ ihwo phihọ.

Isẹ 10:10 Referans Kwoze

Une rẹ Ejiro 35:19

Wo jẹn ayen ghọghọ ovwẹ-ẹ ayen otu re jẹ vwẹ eghrẹ ekueku, wo jẹn ayen vwirhi uvwe ẹro-o ayen otu ri di tuoma mẹ ghevweghe.

Isẹ 6:13

ọ yan yọ brẹro, yọ vwẹ awọ hiẹ otọ, yọ riẹn irhiabọ rọye,

3 Jọn 1:10

Vwẹ ọtiọye na, ọke re me da rhe ke me vwẹ obo ro ruẹ phia, obo rọ pata ovwẹ vẹ eta ebrabra. Ọyena ọvo te kẹ-ẹ, ọ senre ọ rhọvwe dede imoni na-a, otu re guọnọ ayen dede ọ da ayen ji ọ da djẹ ayen nẹ evun rẹ ishọshi.

Isẹ 10:8

Ohwo rọ ghwanre vwẹ udu sa yọnrọn irhi, ẹkẹvuọvo ohwo ughenghẹn rọ ta ọpata cha họrhọ rua idẹbono.

Isẹ 18:21

Ughwu vẹ arhọ hẹ evun rẹ ogangan rẹ ẹrẹnvwe, ihwo re guọnerọ ke cha re emamọ rọye.

ỌBE RẸ JOB 15:12

Die sorọ rẹ udu wẹn vwọ ghwa wẹ yanran, die nẹrhẹ ẹro wẹn la erhanre,

Isẹ 10:14

Ihwo ri vwo ẹghwanre eye re sa sẹro rẹ erianriẹn, ẹkẹvuọvo ọgbota rẹ ohwo ghenghẹn ọye re ghwa ẹghwọrọ cha.

Isẹ 16:30

Ohwo rọ vwẹ ẹro ta ota shuakpọ, ohwo rọ siunu phihọ umiovwo ye ọ ghwa cha.