Isẹ 1:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Oshọẹdjẹ rẹ Ọrovwohwo ọye ẹtuọhọ rẹ erianriẹn: ẹkpa kọye re jẹ uyono vẹ aghwanre kuẹfia.

Isẹ 1:7 Referans Kwoze

ỌBE RẸ JOB 28:28

Ọ da ta kẹ ohwo rẹ akpọ, Nighe, oshọ ẹdjẹ rẹ Ọrovwohwo, ọye aghwanre, oma re sinu umwemwu ọye ẹruọ

Une rẹ Ejiro 111:10

Oshọẹdjẹ rẹ Ọrovwohwo ọye ẹsosuọ rẹ ẹghwanre; omamọ rẹ ẹruọ ọye rhe ihwo ri vwiro ru iruo. Ejiro rọye dia bẹdẹ!

Aghwoghwo 12:13

Oba rẹ ota na ejobi, re nyori na ọ na. Djẹ ọshọ rẹ Ọghẹnẹ, rere wọ yọnrọn irhi rọye; kidie ọnana ọye iruo ro te ohwo.

Isẹ 9:10

Oshọẹdjẹ rẹ Ọrovwohwo na ọyẹ ẹtuọhọ rẹ eghwanre, erianriẹn rẹ Ọfuanfon Ọvuọvo na ọye orẹmrẹ.

Isẹ 15:33

Oshọẹdjẹ rẹ Ọrovwohwo hẹ uyono rẹ aghwanre, omaevwokpotọ kọye rha ka obaro kẹ ọrho.

Isẹ 18:2

Ẹkpa vwo omavwerhovwẹ kẹ ẹruọ-ọ, ẹkẹvuọvo takpọ ọ sa ta obo ro nẹ evun rọye rhe.

Isẹ 1:22

Mavọ okrite, ihwo igheghẹn na, rẹ ovwan ghẹn te? Otu re jehwẹ, mavọ ovwan jehwẹ krite, erianriẹn dẹ tu ekpa oma?

Ọbe ri Pọl si rhe Ihwo ri Rom 1:28

Kirobo rẹ ayen rha rhọvwe reyọ phihọ Ọghẹnẹ na-a, Ọghẹnẹ de siobọ nẹ ayen kẹ udu ọbrabra rẹ ayen re ayen vwo ru obo ri je ayen.

Isẹ 15:5

Ẹkpa re jẹ uchebro rẹ ọsẹ rọye fia, ẹkẹvuọvo ohwo rọ reyọ uchebro yẹ ovwaghwanre.

Urhi Rivẹ 4:6

Wa yọnrọn ayen re we ru ayen; kidie ẹyọnrọn rayen ẹriẹn vẹ aghwanre kẹ ovwan vwẹ obaro rẹ ihwo na, ihwo ri nyo irhi nana ejobi ke cha ta nẹ, Ọ muẹro ẹgborho rode nana ihwo ghwanghwanre re riẹnre.

Isẹ 2:5

kẹsiẹye wọ ke riẹn otọ rẹ oshọẹdjẹ rẹ Ọrovwohwo na ku wọ mrẹ erianriẹn rẹ Ọghẹnẹ.

Isẹ 15:32

Ohwo rọ siẹn uyono phiẹn oma obọ roye, ẹkẹvuọvo ohwo rọ kerhọn rẹ uchebro o vwo ẹruọ buebu.

Isẹ 23:9

Wọ ta eta wẹn vwẹ irharo rẹ ẹkpa-a, kidie ọ cha vwẹ eta rẹ aghwanre wẹn vwọ jehwẹ.