Isẹ 1:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ rere a sa vwẹ iroro kẹ ihwo ighenghẹn erianriẹn vẹ evughe kẹ imighene

Isẹ 1:4 Referans Kwoze

Isẹ 8:5

E ihwo ughenghẹn na, we yono aghwanre ovwan, E ẹkpa rẹ ihwo na, wa kerhọn.

Isẹ 8:17

Me guọnọ ihwo re guọnọ ovwẹ, ihwo re vwẹ oma kpotọ guọnọ ovwẹ ke mrẹ vwẹ.

Une rẹ Ejiro 119:9

Mavọ emeghene sa vwọ sẹro re idjerhe rọye fon? kọ rhẹrẹ kirobo re ota wẹn epha.

Isẹ 8:32

Asakiephana, emọ mẹ, kerhọn mẹ, aghọghọ kẹ ihwo ri nene idjerhe mẹ.

Isẹ 8:12

Mẹvwẹ, rẹ aghwanre, evun rẹ iroro me dia, me ke rha mrẹ erianriẹn vẹ ọhọ vughe.

Une rẹ Ejiro 119:130

Ota wẹn ro rhie phihọ na kẹ orẹmrẹ, ọ vwẹ ẹruọ vwọ kẹ ọvwugheghẹ.

Taitọs 2:6

Wo ji bru imighene na uche rere ayen vwẹ udu te otọ.

2 Timoti 2:22

Vwẹ ọtiọye na gbe siobọ nẹ unuavwerhe rẹ ọkeemọ rere wo nene ovwata, esegbuyota, ẹguọnọ, kugbe ufuoma, re wọ vwọ ba ayen otu ri se odẹ rẹ Ọrovwohwo nẹ otọ rẹ udu rhe.

Aizaya 35:8

Idjerhe rode kọ cha dia etiyin, ke che se nẹ Idjerhe Ọfuanfon, emu ogbegbe cha sa wanvrẹ-ẹn, ẹkpa gbi che se ghwru vwọ-ọ.

Isẹ 3:21

Ọmọ me, yọnron omamọ rẹ aghwanre vẹ ọhọ; wo jẹn ayen ghworiẹ va wẹ abọ-ọ,

Une rẹ Ejiro 34:11

Yanrhe, E emọ, kerhọn mẹ, Mi yono uwe oshọ ẹdjẹ rẹ Ọrovwohwo na.

Une rẹ Ejiro 19:7

Urhi rẹ Ọrovwohwo na gbare, ọ rhọvwọ udu, iseri rẹ Ọrovwohwo na muẹro, ọ nẹrhẹ ogbori ghwanra,

Aghwoghwo 11:9

Ghọghọ, E, emeghene, vwẹ ọke rẹ ọmoha wẹn, jẹn oma vwerhe udu wẹn vwẹ ọke rẹ ọmọha wẹn; yan vwẹ idjerhe rẹ udu wẹn vẹ orẹmrẹ rẹ ẹro wẹn na. Ẹkẹvuọvo wọ me riẹn nẹ vwẹ evun rẹ emu nana ejobi na Ọghẹnẹ cha reyọ owẹ vwo guẹdjọ.

Une rẹ Ejiro 116:6

Ọrovwohwo na sẹro rẹ ihwo ugheghẹ, ọke ra vwọ vwẹ ovwẹ gbe otọ, o de sivwi uvwe.

Urhi Rivẹ 4:6

Wa yọnrọn ayen re we ru ayen; kidie ẹyọnrọn rayen ẹriẹn vẹ aghwanre kẹ ovwan vwẹ obaro rẹ ihwo na, ihwo ri nyo irhi nana ejobi ke cha ta nẹ, Ọ muẹro ẹgborho rode nana ihwo ghwanghwanre re riẹnre.